أبكت من لا يبكي...

[شهيد فلسطين]

يواسيني وأنا الميت وحالي يجبر الدمعات.. .تسيل من الذي فيني ويبكي وهو يواسيني



وأنا ابكي وأتنهد وارسم بالحزن لوحات...يجبروني عشان امشي ورجلي ما تمشيني



قتلت رعايتي بيدي قتلت الحب والرحمات...حرمت النفس من حقها وأنا ابكيها وتبكيني



وكنه حلم قدامي يقيدني من الصرخات...أبي أصحى ولكني عجزت القى الي يصحيني



فداك القلب يايمة ومهما قلت من كلمات ...صغيره في كبر حقك بس أتمنى تعذريني



نهبت الفرح من بيتي صحيح أني خسيس الذات...صحيح أني ولد طايش وكل ما أسمعه فيني



تجول عيونهم فيني تفصل مني قياسات ...وتشيح وجوههم عني وكني غيرت ديني



يظنوا حزنهم اكبر وهم أصحاب هالمأساة ...وأنا أتحدى اذا فيهم ربع ما يحترق فيني



نقص قدري بعد موتك وغابت نشوة اللذات ...وصار الهم عكازي أباكيه ويباكيني



عطيتيني بدون حساب ولا سمعتك تقولي هات ...وأنا اشرب حيل من دمك ودمك ما يكفيني



يايمه ارجعي كافي أبجلس معك لو لحظات...واقبل أيدك ورجلك وافرش لك رمش عيني



يايمه ما تحملهم يقولوا فات ما قد مات ...تعالي غيري هالقول وأطيعك باقي سنيني



واترك عادة التدخين وأنفذ ما تبي بسكات ...واصلي الفجر في المسجد قبل منتي تصحيني



يايمه ارجعي تكفين وطفي شمعة الآهات ...أبيك أنتي ولا غيرك على موتك تعزيني



وضميني وداويني مثل ما كانت الهقوات ...ما أبي أحدن يواسيني أبيك أنتي تواسيني



دخيلك بس لا تبكي اذا شفتي بي الدمعات ...أنا مقوى أبكيك اذا أنتي تبكيني ..

[منى]

السلام عليكم ورحمة الله وبركاته
الأخ الفاضل شهيد فلسطين
بارك الله فــــــيك للكلمـــــــات المعبــــــــرة
جــزاك الله كل خير وجعله فى ميـــزان حسناتك
وفقنــــــــــــا الله لمــــــــــا يحـــــــب ويرضى
منى

[مريم على]

الســــلام عليكم ورحمة الله وبركاته
الأخ الفاضل شهيد فلسطين
بـارك الله فيك وجـــــــزاك كل خـــــــــــــير
سلمت يداك لما خطت من كلمـات بغاية الروعه والجمال
حفظك الله وجعلــــــــــه فى ميـــــــــــــزان حسنـــــاتك
وفقنـــــــــــــــــا الله لما يحــــــــــــب ويرضى
أختـــــــــــك فى الله ,,,

[العذراء]

الســــلام عليكم ورحمة الله وبركاته
الأخ الفاضل شهيد فلسطين
بـارك الله فيك وجـــــــزاك كل خير
سلمت يداك لما خطت من كلمـات بغاية الروعه
وفقك الله بما قدمت ...الله يعطيك العـــــــافية
وفقنـــا الله لما يحــــب ويرضى