على الله يا كتب ما تنسيش . [الأرشيف] - مجتمع بسملة الالكتروني

NoRaN

08/02/2011, 03:19 AM

سامحينى يا مصر سامحينى أنا

معلش يا بلدى أتأخرت عليكى

ورجعت لك بعد 30 سنة

رجعت أبكى و أبوس رجليكى

وعشان أرجعك تانى فى هنا

حطيت روحى بين إيديكى

ورجعتى عروسة رغم العنا

وبدمى الشهدا كحلنا عينيكى

25 يناير نزلت على الميدان

ووقفت عشانك مع شبابنا الجدعان

فاكرة يا مصر لما كنا بنتشتم زمان ؟

ويتقال علينا دى بلد عار وخذلان

بس النهارده خلاص إتقلبت الموازين

بعد ما نزلنا ووقفنا فى الميادين

وبكل إرادة عرفنا الدنيا إحنا مين

وقالوا شفوا أهم الفراعنه من تانى جايين

بعد ما بقالهم سنين وسنين نايمين

صحيح يا أمى أنا مت

بس برده ما تبكيش

مت يا أمى و أنا فرحان

عشان مصر أخيراً بكرامة هتعيش

وياما ناس كتير قبلى ضحوا

بالروح والدم ..على الله يا كتب ما تنسيش

تكتبى عن شهداء مصر وأبطالها

ولو قالوا فى يوم خونه .. ما تصدقيش

ولو قالوا دول مدفوع لهم قولى كذاب

اللى يقول عليهم كده يبقوا كلاب

دول شبابنا أدام العالم بقوا أحسن شباب

وبالدم و لأجل مصر تعيش

ضحوا بالغالى ويا كتب ما تنسيش

* * * * * *

نوران ~

حارسة الإسلام

15/02/2011, 01:32 AM

مقعد أول

" ضحوا بالغالى ويا كتب ما تنسيش "
ربنا يرحمهم ويتقبلهم
والحمد لله عاللي ربنا نولهولنا ونولهولنا

يسلم قلمك يا نوران استمري وأمتعينا

صَمتْ الليل

22/02/2011, 11:28 PM

يَومْ 25 يَنآير سَيؤرخُه التّآريخ

عَآشتْ مَصر أُمْ الدُّنْيآ حُرة عَربية

بُوركتِ نُورآن