عبدالرحمن أبوشندي
06/01/2012, 02:39 AM
يا قلب اصبر على جراحك وداري
ويا عيني قولي لدموعك كفاية
راح انسى الهم وهذا هو قراري
وظل مقاوم ........حتى النهاية
***
يا سامع صوت آهات الأهالي
وصدى الزنانة بتحوم بسماهم
ما بكفي تقول هم والله غوالي
تحرك قوم......لنرابط معاهم
**
أنين القدس والأقصى قتلني
ينادي قلوب أحرار ونشامى
يا مين يكسّر قيود الأسرني
ويطلع هالعدو بكل الندامه
**
حرام عليكو أقصانا يهدّم
ومحد متحرك يصدّ الأذية
تجمّد حالكم وما حد تألم
وحيفي ع اللي يقبل بالدنية
**
زمان سمعت بمسمى عروبه
ولكني ما بعرف وين صارت
ولا حتى صدفتا في دروبي
كأنه ضميرها اتلاشى وماتت
**
بكفي نوم بدنا رجال تعمل
لترجع هالأرض مهد الحضارة
قبل ما زهورها يا ناس تذبل
وبعدها نقول والله خسارة!!
**
ولكل سمسار بيتاجر بأرضه
ورضي بالذل رح يلقى المهانه
بأكم دولار هو فرط بعرضه
وصارت بالدما تجري الخيانه
**
الا يا ناس بدنا الهمة ترجع
لحتى تعود فلسطين الحبيبه
بهمتنا ظلم محتل نخــلع
ونمحي مصطلح أرضي سليبه
عبدالرحمن أبوشندي
ويا عيني قولي لدموعك كفاية
راح انسى الهم وهذا هو قراري
وظل مقاوم ........حتى النهاية
***
يا سامع صوت آهات الأهالي
وصدى الزنانة بتحوم بسماهم
ما بكفي تقول هم والله غوالي
تحرك قوم......لنرابط معاهم
**
أنين القدس والأقصى قتلني
ينادي قلوب أحرار ونشامى
يا مين يكسّر قيود الأسرني
ويطلع هالعدو بكل الندامه
**
حرام عليكو أقصانا يهدّم
ومحد متحرك يصدّ الأذية
تجمّد حالكم وما حد تألم
وحيفي ع اللي يقبل بالدنية
**
زمان سمعت بمسمى عروبه
ولكني ما بعرف وين صارت
ولا حتى صدفتا في دروبي
كأنه ضميرها اتلاشى وماتت
**
بكفي نوم بدنا رجال تعمل
لترجع هالأرض مهد الحضارة
قبل ما زهورها يا ناس تذبل
وبعدها نقول والله خسارة!!
**
ولكل سمسار بيتاجر بأرضه
ورضي بالذل رح يلقى المهانه
بأكم دولار هو فرط بعرضه
وصارت بالدما تجري الخيانه
**
الا يا ناس بدنا الهمة ترجع
لحتى تعود فلسطين الحبيبه
بهمتنا ظلم محتل نخــلع
ونمحي مصطلح أرضي سليبه
عبدالرحمن أبوشندي