دع القلق وابدأ الحياة [الأرشيف] - مجتمع بسملة الالكتروني

miniangel29

23/08/2007, 07:17 PM

بسم الله الرحمن الرحيم
السلام عليكم و رحمة الله و بركاته

دع القلق وابدأ الحياة اسم كتاب قرأته في صيف اول ثانوي غير اشياء كتيرة في للاحسن وبسبب نصائحه السحرية اجتزت التوجيهي بسلام والحمد الله
الكتاب من تأليف ديل كارنيجي
تعريب عبدالمنعم محمد الزيادى
رح اكتب جزئية من مقدمة الطبعة
منذ أكثر من خمسة و عشرين عاما .أقدمت على طبع هذا الكتاب دون ان أملك من نفقات الطبع أكثر من ربع المبلغ المطلوب ..و سمها جرأة أو ربما اندفاعا و تهورا ..ولكني كنت منتشيا بسحر هذا الكتاب الذي توسمت أنه يسد في المكتبة العربية الفراغ نفسه الذي الذي سده في المكتبة الانجليزية ..مؤمنا بحاجة قراء العربية الى الانتفاع به ..متلهفا على ان ارى أخوة لي في الوطن العربي يفيدون منه مثل الفائدة التى أفدت ،او يتلمسون فيه شفاء من داء هذا العصر ،و أفة هذا الاوان :القلق

كيف كتب هذا الكتاب و لماذا؟على لسان كاتبه
"قبل خمسة و ثلاثين عاما ،كنت واحد من أتعس الشبان في مدينة نيويورك .كنت اشتغل وسيطا لبيع سيارات النقل ،سبا للعيش . ولم أكن أدري ما الذى يجر عجلات سيارات النقل،بل لم أكن أريد ان أدري .كنت احتقر مهنتي .و أحتقر العيش في غرفة رخيصة الاثاث .في غرفة ترتع فيها الصراصير و تمرح . وما زالت أذكر أنه كان لى بضعة أربطة للعنق معلقة على مشجب ،فاذا مددت يدي في الصباح لأتناول واحدا منها تناثرت الصراصير الى كل ناحية :ama3zed1:.وكنت أحتقر تناولي طعامي في المطاعم الرخيصة القذرة ،التي كان بدورها مرتعا للصراصير.
وقد اعتدت أن أفد على غرفتي المنعزلة كل ليلة ،وأنا أعاني صداعا شديدا ...صداعا تغذيه الخيبة والقلق ،والمرارة و النقمة ،كنت ثائرا لأن الأحلام التى راودتني أبام دراستي في الكلية قد استحالت الى كابوس مزعج .أكانت تلك حياة ؟أكانت تلك هي المغامرة التي طالما تطلعت اليها في لهفة و شوق؟
...طالما تمنيت أوقات الفراغ لأقطعها بالقراءة ،و باخراج الكتب التي حلمت باخراجها في ايام دراستي"

بشكل عام حياتنا احنا الشباب مش احسن بكتير من هيك كل واحد له معاناته ولكن الصح ان الواحد يتخطاها ..اعتقد اني نسيت جزء كبير من مكونات هذا الكتاب .اذا سوف اعيد قرأته و حتى الفائدة تعم سوف ادون ملاحظات ان شاء الله في هذا المنتدى وللفائدة بنصحكم ان تقرأ هذا الكتاب
دعواتكم
السلام عليكم

Eman Yusuf

23/08/2007, 07:24 PM

اشي حلو كتير :)

ملاك صغير وفي عيني كبير .. شوقتينا للتفاصيل ..

سأتابع ملاحظاتك بتمعن واستمتاع ! :)

بحر الاحزان

23/08/2007, 09:18 PM

السلام عليكم

ان شاء الله ساتابع الموضوع

جزاك الله خيرا

NasaQ

25/08/2007, 02:14 PM

يعني معقول

ملاك الحرية

25/08/2007, 03:00 PM

إضافة صغيرة ^ـــ*

إذا أردت أن تتجنب القلق فعش فى نطاق يومك ولا تقلق على المستقبل ، وعش اليوم حتى يحين موعد النوم .

وعندما تأخذ المشكلات بتلابيبك ولا تستطيع منها فكاكا ,,

ًفاسأل نفسك ما أسوأ الاحتمالات التى ممكن أن تحدث ؟

ثم هيئ نفسك ذهنياً لقبولها اذا لزم الأمر وبعد ذلك حاول انقاذ ما يمكن انقاذه

وذكر نفسك على الدوام بالثمن الفادح الذى يتقاضاه القلق من صحتك.

و فى تحليلك للقلق تعود أن تستخلص الحقائق وأن تزنها بعناية ثم تتخذ قراراً وتنفذه ولا تتهيب العواقب

شكرا لكِ اختي سنتابع معك

ِ :)

shma

25/08/2007, 03:02 PM

مشكوووووووووووووووووووووووووووووووووووووووره

miniangel29

25/08/2007, 10:34 PM

اشي حلو كتير :)

ملاك صغير وفي عيني كبير .. شوقتينا للتفاصيل ..

سأتابع ملاحظاتك بتمعن واستمتاع ! :)

هلا والله يا زوء^__^ تسلمي يا رب
الكتاب فعلا شيق ..:canny1: الحلو فيه انه بعرض كيف ممكن الواحد يسيطر على القلق من خلال مجموعة من القواعد او المبادىء الى هي بنعرفها منيح ولكن مش مقدرين قمتها او مش فهمين شو هي اهميتها وهذه المبادىء عبارة عن اقوال مأثورة او حكمة متداولة لدى الناس
من الكتاب"أتدري ما الذي يجنب الناس القلق ؟العمل بمقتضى مثلين يعرفها الناس حق المعرفة الاول لا تعبر جسرا حتى تصل اليه ،و لا تبك على ما فات
شو رأيك بالمثلين حلوين صح؟شو فهمت منهم
يا ريت تابعي ملاحظاتي وعلقي عليهم من خلال تجربة مرت فيها بلكي ألف كتاب لان كتاب دع القلق وابدأ الحياة بحط المبادىء وقصص على ناس مرت بتجارب قلق بعظهم فكر بالانتحار :beated1:
على فكرة كنت رح ارد عليك في نفس اليوم الى شرفتيني وحليتي موضوعي بردك ولكن النت فصل ..:pud5ency:سوري
السلام عليكم:byebye1:

miniangel29

25/08/2007, 10:43 PM

السلام عليكم
اخواتي شامة وبحر الاحزان :girl: اهلا وسهلا
نورتو والله :) تابعو ا معي و علقوا
انا ان شاء الله رح اعتمد فكرة اني اعلق واكتب ملاحظات من محتويات الكتاب
سلام وما تنسو التعليق والسؤال على اي نقطة مش مفهومة

miniangel29

25/08/2007, 10:55 PM

يعني معقول

استاذ علي شو هو هاد المعقول؟ قصدك ان الانسان يبطل قلق ؟!:bad_smelly1: طبعا لا مش معقول ..لان مشاعر القلق والخوف و الغضب والسعادة والالم مشاعر طبيعية في الانسان ولكن الى مش طبيعي ان هذه المشاعر تسيطر علينا و خصوصا المشاعر السلبية لان مشاعر السعادة والفرح ما بتقرب منا الا اذا امنا دعيلنا ،السلبية هي الى دايما مبادرة و ما بظل لحالها بتجيب كل النكد والقرف معاها
يعني كتير بسمعوا القلق بقولوا هي حكاية يعني :swfgeat: بياخدوها بالمعنى الحرفي للكلمة ما بيعرفوا انه القلق بسبب امراض منها قرحة المعدة والقلب وممكن تودي بحياة الشخص اذا استسلم الها وما بعرفوا
ان ثلث عدد الاسرة في المستشفيات جميعها يشغلها أشخاص متاعبهم اما عصبية او عاطفية ..
تابع المووع وما تنسى تعلق وتفيدنا من خبرتك
السلام عليكم:byebye1:

miniangel29

25/08/2007, 11:26 PM

إضافة صغيرة

^ـــ*

إذا أردت أن تتجنب القلق فعش فى نطاق يومك ولا تقلق على المستقبل ، وعش اليوم حتى يحين موعد النوم .

وعندما تأخذ المشكلات بتلابيبك ولا تستطيع منها فكاكا ًفاسأل نفسك ما أسوأ الاحتمالات التى ممكن أن تحدث ؟

ثم هيئ نفسك ذهنياً لقبولها اذا لزم الأمر وبعد ذلك حاول انقاذ ما يمكن انقاذه

وذكر نفسك على الدوام بالثمن الفادح الذى يتقاضاه القلق من صحتك.

و فى تحليلك للقلق تعود أن تستخلص الحقائق وأن تزنها بعناية ثم تتخذ قراراً وتنفذه ولا تتهيب العواقب

شكرا لكِ اختي

سنتابع معكِ

:)

على فكرة مش الاضافة الصغيرة الخط هو الى صغير:oO:
انا مبسوطة كتير انك قرأت الكتاب على ما يبدو و رح اكون مبسوطة اكتر اذا ساعدتيني مش بذكر المبادىء الاساسية فقط ولكن نذكر كيف :canny1: خلينا نعيش دور الابلوات شوية
بسم الله الرحمن الرحيم
الفصل الاول عش في حدود يومك
انا رح اشرحلكم فكرة هذه المقولة بشغلة صارت معي .في الزمنات كنت متعبة حالي على الاخر كيف ؟هلاء صار معي موقف وحكيت فيه كلمة ،هاد الكلمة ممكن تكون بشكل او بأخر مناسبة لكن حضرت جنابي كنت احكي يالله شو الى خلاني احكي هيك ليش ما حكيت هيك وممكن يظل هذا الموقف في بالي لسنة و سنتين
شغلة تانية كنت كتير بتوتر وبخاف (قلق) من التجارب الجديدة او الاشياء الى ممكن تحصل معي ،يعني بذكر كنت كتير اخاف من حكاية انو انتقل من مدرسة لمدرسة تانية ..ممكن تكون هاد الشقلة لكتير ناس حاجة عادية لكن ما كنت اقدر امنع حالى من اني افكر واتوقع اسوء الاحتمالات من التجارب الجديدة .
عش في حدود يومك
ولا تقلق على المستقبل . وعش اليوم حتى يحين وقت النوم مقولة قالها سير وليم أوسلر.مين هاد الزلمة :op4s: انا بقلكم هاد واحد كان بيدرس طب بكندا لما اجى يدخل للامتحان النهائي كان خايف كتير يعني بعد ما اخلص شو بدي اعمل و وين و متى،ومن هالكلام في اخر لحظة خطر في باله هادي الفكرة و الحلو في الموضوع لا ما في لا حلو ولا شكولاتة :haha1:..قصدي النهاية السعيدة انا اخونا صار من اشهر الدكاترة و أسس مدرسة جونز هويكنز (بقولوا ان هي مشهورة ،هادي اول مرة اسمع فيها:still4_dreaming: وصار استاذ في الطب بجامعة أكسفورد (ما تقولوا مش عارفينها ،معروفة) وملك انجلترا لقبه سير ومات و شبع موت لكن اكيد انبسط بالانجازات الى اعتمد عشان يوصل الها على مبدأ عش في حدود يومك:)
سلام

هبة الرحمن

26/08/2007, 07:23 AM

ع فكرة أنا غيرت العنوان

لقيت أول سطر وحطيته هين <>

لسة مقرأتش

بس أروّح من الجامعة اليوم باقرأ وبأشوف الملاك شو كاتبة <>

Eman Yusuf

26/08/2007, 02:19 PM

هلا والله يا زوء^__^ تسلمي يا رب
الكتاب فعلا شيق ..:canny1: الحلو فيه انه بعرض كيف ممكن الواحد يسيطر على القلق من خلال مجموعة من القواعد او المبادىء الى هي بنعرفها منيح ولكن مش مقدرين قمتها او مش فهمين شو هي اهميتها وهذه المبادىء عبارة عن اقوال مأثورة او حكمة متداولة لدى الناس
من الكتاب"أتدري ما الذي يجنب الناس القلق ؟العمل بمقتضى مثلين يعرفها الناس حق المعرفة الاول لا تعبر جسرا حتى تصل اليه ،و لا تبك على ما فات
شو رأيك بالمثلين حلوين صح؟شو فهمت منهم
يا ريت تابعي ملاحظاتي وعلقي عليهم من خلال تجربة مرت فيها بلكي ألف كتاب لان كتاب دع القلق وابدأ الحياة بحط المبادىء وقصص على ناس مرت بتجارب قلق بعظهم فكر بالانتحار :beated1:
على فكرة كنت رح ارد عليك في نفس اليوم الى شرفتيني وحليتي موضوعي بردك ولكن النت فصل ..:pud5ency:سوري
السلام عليكم:byebye1:

فعلا هذان ليس فقط مجرد مثلين انما يمكن اعتبارهما قاعدتين

واظنهما شكلين مختلفين يحويان نفس المعنى " اترك المستقبل حتى يولد "

فمن طبيعة الانسان القلق والتوتر من ذلك "القادم الغامض " . . كأنه شي مغطى بستار اسود .. نخشاه

مما يجعل الانسان دائم الانشغال في التفكير في ماهية هذا الشكل والتفكير والخوف من السلبيات هو المسيطر

فهذين المثلين يدعيان الى عدم اتعاب الفكر بشيء عباره عن تخاويف وتوتر قد لا نجد له داعيا

بل على العكس قد تكون نتائج رائعه لا تستدعي كل هذا التوتر !<< اذا فهمتهم غلط قوليلي :|

حقيقة .. انا بدأت افكر بالموضوع بشكل عملي اكثر .. الموضوع سهل ومقنع .. :=)

ملاك صغير .. لساتني معك ع الخط <>

أندلسي

26/08/2007, 02:49 PM

NasaQ

26/08/2007, 03:07 PM

أصلا مش عارف إحكنا ابنسمح انو يستمر القلق عندنا لأكثر من دقيقة

بكفي انفكر وانقول ( وبعدين ) ايش حتكون النتيجة اذا بقينا متوترين

أكيد رح نخسر شغلات كتيرة

أنا مبسوط

ملاك الحرية

26/08/2007, 05:31 PM

[quote=miniangel29;271268]على فكرة مش الاضافة الصغيرة الخط هو الى صغير:oO:
انا مبسوطة كتير انك قرأت الكتاب على ما يبدو و رح اكون مبسوطة اكتر اذا ساعدتيني مش بذكر المبادىء

تكرمي وازا بدك بنزل الكتاب كله<>

الاساسية فقط ولكن نذكر كيف :canny1: خلينا نعيش دور الابلوات شوية

هههههههه عيشي <>

بسم الله الرحمن الرحيم
الفصل الاول عش في حدود يومك
انا رح اشرحلكم فكرة هذه المقولة بشغلة صارت معي .في الزمنات كنت متعبة حالي على الاخر كيف ؟هلاء صار معي موقف وحكيت فيه كلمة ،هاد الكلمة ممكن تكون بشكل او بأخر مناسبة لكن حضرت جنابي كنت احكي يالله شو الى خلاني احكي هيك ليش ما حكيت هيك وممكن يظل هذا الموقف في بالي لسنة و سنتين
شغلة تانية كنت كتير بتوتر وبخاف (قلق) من التجارب الجديدة او الاشياء الى ممكن تحصل معي ،يعني بذكر كنت كتير اخاف من حكاية انو انتقل من مدرسة لمدرسة تانية ..ممكن تكون هاد الشقلة لكتير ناس حاجة عادية لكن ما كنت اقدر امنع حالى من اني افكر واتوقع اسوء الاحتمالات من التجارب الجديدة .
عش في حدود يومك
ولا تقلق على المستقبل . وعش اليوم حتى يحين وقت النوم مقولة قالها سير وليم أوسلر.مين هاد الزلمة :op4s: انا بقلكم هاد واحد كان بيدرس طب بكندا لما اجى يدخل للامتحان النهائي كان خايف كتير يعني بعد ما اخلص شو بدي اعمل و وين و متى،ومن هالكلام في اخر لحظة خطر في باله هادي الفكرة و الحلو في الموضوع لا ما في لا حلو ولا شكولاتة :haha1:..قصدي النهاية السعيدة انا اخونا صار من اشهر الدكاترة و أسس مدرسة جونز هويكنز (بقولوا ان هي مشهورة ،هادي اول مرة اسمع فيها:still4_dreaming: وصار استاذ في الطب بجامعة أكسفورد (ما تقولوا مش عارفينها ،معروفة) وملك انجلترا لقبه سير ومات و شبع موت لكن اكيد انبسط بالانجازات الى اعتمد عشان يوصل الها على مبدأ عش في حدود يومك:)
سلام

حلو كتير انك ربطي مواقف عشتيها بالمواضيع

هاد الشي بيقرب الفكرة وبساعدك

على التخلص من اي مشكلة

^^

ملاك الحرية

26/08/2007, 05:42 PM

تعليق صغير ازا ممكن ع هاي النقطة

ازا ممكن

^^

[quote=الانوار1;271642]
موضوعك جميل بس تجارب الفرد بتختلف من فرد الى اخر حسب المكان والزمان يعني الشخص المتوتر والعصبي في الغرب بيكون يشرب الخمر ووو ولاكن الانسان في عالمنا العربي بتختلف ظروفة عن الغرب يعني اذا كنت متوتر انا او عصبي بروح بقراء قرأن او بصلي ركعتين يعني طبيعة الانسان المسلم وجوهرة بيختلف عن الانسان الغربي اكثير نحن كمسلمين نمتلك عقيدة وايمان اذا فقدناهم بيكون هناك مشكله ليش لانا خالفنا واقعنا الي بنعيش فية اي واقع واقع مجتمعنا مسجد صلاه صوم مدرسة جامعة اهل اقارب صلة ارحام ....الخ الي بقصدو من كلامي ممكن يكونوا الغرب قواعدهم غير ملائمة لنطبقها على افرادنا

نقطة حلوة كتير وانا اوفقك الرأي فيها

ويمكننا الاستعاضة عن هذا الكتاب بكتاب جدد حياتك للغزالي

لكن لا اخفيك ان كتاب ديل كارنيجي

عبارة عن مجموعة مبادئ وافكار وطرق مستاقة من تجربة الحكماء

بما يتطابق مع ديننا الاسلامي

للتخلص من القلق

....

:)

هبة الرحمن

26/08/2007, 09:40 PM

قرأت ،، جميل جدا ..

القلق من المستقبل يشغل البال كثيرا ويوتر الأعصاب

فلا داعي لشغل التفكير بذلك

فلنجعل المستقبل يركض إلينا بما هو خير لنا وذلك بحسن التخطيط والجد والمثابرة

نحن نزرع وبالتالي سنجد ثمار ذلك

أنا أخطط وأتطلع لمستقبل باهر فلن أتعب كثيراً

ملاك ،، كعادتك متميزة بالنقاش :yasser-atrees (27):

نبع العطاء

27/08/2007, 02:57 AM

miniangel29

28/08/2007, 05:49 PM

ع فكرة أنا غيرت العنوان

لقيت أول سطر وحطيته هين <>

لسة مقرأتش

بس أروّح من الجامعة اليوم باقرأ وبأشوف الملاك شو كاتبة <>

هلا والله يا هبهوبة الحبوبة
ع فكرة يسلمو اناملك :big_smile:،العنوان الى غيرتيه هو نفسه العنوان الى انا كتبته في البداية :yasser-atrees (17):

عش في حدود يومك:

ما أسعد الرجل ..ما أسعده وحدة
ذلك الذي يسمي اليوم يومه
والذي يقول وقد أحس الثقة في نفسه
يا أيها الغد كن ما شئت
فقد عشت اليوم لليوم ،لا غده ولا أمسه

بقول الكتاب يا هبة انو جميعا ميالون الى نبذ الحياة هاد من طبيعة الانسان ،أننا يلذ لنا جميعا ان نحلم بروضة مزهرة عبر الافق ،بدلا من أن ننعم بالازاهير المتفتحة خارج نوافذها في يومنا هذا:yasser-atrees (25):

ليش ما نسأل انفسنا هذه الاسئلة :
هل أميل الى نبذ الحاضر لأفكر في المستقبل ؟
هل أجعل حياتي مريرة بتحسري على ما حدث في الماضي الذي ولى ولم يعد له كيان ؟
أتراني أحصل من الحياة أكثر مما أحصل عليه الان ،لو أنني عشت في حدود يومي؟

خليكي على تواصل عشان تستفيدي ونفيدك ان شاء الله

السلام عليكم

هبة الرحمن

28/08/2007, 07:02 PM

ما أسعد الرجل ..ما أسعده وحدة

ذلك الذي يسمي اليوم يومه

والذي يقول وقد أحس الثقة في نفسه
يا أيها الغد كن ما شئت
فقد عشت اليوم لليوم ،لا غده ولا أمسه

رااائع ، :)

هل أميل الى نبذ الحاضر لأفكر في المستقبل ؟

مثل ما هي الدنيا مزرعة الآخرة كذلك حاضرنا هو مزرعة المستقبل ،، فلنخطط لنجد أمامنا مستقبل مزهر :) ..

نحن نجد ونعمل في الدنيا ونزرع الخير لنحصد ذلك في الآخرة ، كذلك حاضرنا

فلنجعل أنفسنا دقيقين في كل شئ ونحسب كل شئ حتى لا نقع في الخطأ
كل شئ في حياتنا يسير بالتدرج ، أقصد خطوة خطوة نصل لأهدافنا

كذلك علينا أن نسير على الشرائع التي وضعها الشارع الحكيم حتى نحصد الآخرة

هل أجعل حياتي مريرة بتحسري على ما حدث في الماضي الذي ولى ولم يعد له كيان ؟

ماضينا إما يكن شرف لنا أو حسرة علينا

مهما يكن إما نجعله ذكرى جميلة أو نجعله تجربة قد مررنا بها وتعلمنا من أخطائنا

لا فائدة من التحسر ،، فلنتعامل مع كل شئ ببساطة ،، لا نتعب تفكيرنا كثيرا ،

أتراني أحصل من الحياة أكثر مما أحصل عليه الان ،لو أنني عشت في حدود يومي؟

فلنعش في حدود يومنا وكم أخذنا ، لا يهم ..

miniangel29

28/08/2007, 09:34 PM

فعلا هذان ليس فقط مجرد مثلين انما يمكن اعتبارهما قاعدتين

واظنهما شكلين مختلفين يحويان نفس المعنى " اترك المستقبل حتى يولد "

فمن طبيعة الانسان القلق والتوتر من ذلك "القادم الغامض " . . كأنه شي مغطى بستار اسود .. نخشاه

مما يجعل الانسان دائم الانشغال في التفكير في ماهية هذا الشكل والتفكير والخوف من السلبيات هو المسيطر

فهذين المثلين يدعيان الى عدم اتعاب الفكر بشيء عباره عن تخاويف وتوتر قد لا نجد له داعيا

بل على العكس قد تكون نتائج رائعه لا تستدعي كل هذا التوتر !<< اذا فهمتهم غلط قوليلي :|

حقيقة .. انا بدأت افكر بالموضوع بشكل عملي اكثر .. الموضوع سهل ومقنع .. :=)

ملاك صغير .. لساتني معك ع الخط <>

ما شاء الله عليك ،،عليك نور وشوية بخور:sm4ile1: فاهمة الدرس صح <>
في تعليق صغير على لا تعبر جسرا حتى تصل اليه
طبعا المقصود فيه ما نستبق الاحداث ،،في تشبيه عجبني في الكتاب بقول ان حياتنا وكل الاحداث الى فيها عاملة متل الساعة الرملية ..في الساعة الرملية كل حبة رمل بتنزل ورا التانية عمرها ما نزل الرمل مرة وحدة ،،احنا من اللخمة والتوتر بنروح نستعجل و نخبص كله على كله و ما نعطي كل شىء حقه ،فبنقوم بدل ما نكحلها بنعميها :beauty:

قاعدة رقم 2
وصفة سحرية لتبديد القلق:

وعندما تأخذ المشكلات بتلابيبك ولا تستطيع منها فكاكا ,,

ًفاسأل نفسك ما أسوأ الاحتمالات التى ممكن أن تحدث ؟

ثم هيئ نفسك ذهنياً لقبولها اذا لزم الأمر وبعد ذلك حاول انقاذ ما يمكن انقاذه
خليك ع الخط وشوفي ردودي رح يكون فيها توضيح لهذه الوصفة
سلاام:byebye1:

Eman Yusuf

29/08/2007, 05:41 PM

ما شاء الله عليك ،،عليك نور وشوية بخور:sm4ile1: فاهمة الدرس صح <>

مع كامل تحفظي على هذه العباره :canny1:

في تعليق صغير على لا تعبر جسرا حتى تصل اليه
طبعا المقصود فيه ما نستبق الاحداث ،،في تشبيه عجبني في الكتاب بقول ان حياتنا وكل الاحداث الى فيها عاملة متل الساعة الرملية ..في الساعة الرملية كل حبة رمل بتنزل ورا التانية عمرها ما نزل الرمل مرة وحدة ،،احنا من اللخمة والتوتر بنروح نستعجل و نخبص كله على كله و ما نعطي كل شىء حقه ،فبنقوم بدل ما نكحلها بنعميها :beauty:

قاعدة رقم 2
وصفة سحرية لتبديد القلق:
وعندما تأخذ المشكلات بتلابيبك ولا تستطيع منها فكاكا ,,

ًفاسأل نفسك ما أسوأ الاحتمالات التى ممكن أن تحدث ؟

ثم هيئ نفسك ذهنياً لقبولها اذا لزم الأمر وبعد ذلك حاول انقاذ ما يمكن انقاذه
خليك ع الخط وشوفي ردودي رح يكون فيها توضيح لهذه الوصفة
سلاام:byebye1:
[/QUOTE]

طبعا هاي لعبه سيكولوجيه :=)

وهو اعداد النفس لتقبل اصعب الاحتمالات الوارده .. واللي ممكن تحصل ..

وهيك عملية تهيئه للنفس وتحاشي الصدمه او دخول في مراحل ما قبل الاكتئاب << بفمهش بهالامور كتير ها <>

وهيك بنكون تخطينا مرحله حرجه جدا ممكن نقع فيها بطريقه سلسه انسيابيه

وهي توقع اصعب والاحتمالات وطرح سبل لتجاوزها .. ان وقعت بشكل واقعي !

معك :yasser-atrees (27):

miniangel29

30/08/2007, 03:02 PM

موضوعك جميل بس تجارب الفرد بتختلف من فرد الى اخر حسب المكان والزمان يعني الشخص المتوتر والعصبي في الغرب بيكون يشرب الخمر ووو ولاكن الانسان في عالمنا العربي بتختلف ظروفة عن الغرب يعني اذا كنت متوتر انا او عصبي بروح بقراء قرأن او بصلي ركعتين يعني طبيعة الانسان المسلم وجوهرة بيختلف عن الانسان الغربي اكثير نحن كمسلمين نمتلك عقيدة وايمان اذا فقدناهم بيكون هناك مشكله ليش لانا خالفنا واقعنا الي بنعيش فية اي واقع واقع مجتمعنا مسجد صلاه صوم مدرسة جامعة اهل اقارب صلة ارحام ....الخ الي بقصدو من كلامي ممكن يكونوا الغرب قواعدهم غير ملائمة لنطبقها على افرادنا مثلا عندك رئيس شركة مايكروسف "بيل غيتس" هذا الرجل ترك الجامعة ولم يحصل على الشهاده وخاض في التجارة حتى ما وصل الى ما هوة علية من اشهر رجال العالم ومن اغنى رجال العالم قال مقولة مشهورة " الجامعة لا تصلح الا للأغبياء" يعني ما بعرف شو بيقصد برغم انه رئيس اكبر شركة برامج كمبيوتر في العالم والباقي عندكم

يتبع فيما بعد لضيق الوقت
السلام عليكم و رحمة الله و بركاته

اولا : اهلا و سهلا بيك و بتعليقك :yasser-atrees (31):
ثانيا وهو مهم : وجهة نظرك على راسي من فوق ومزبوط في شوي منها :what: ،من ناحية رد فعل الشخص للقلق يختلف من مجتمع الى اخر ومن عقيدة لاخرى .ولكن خلينا نتفق انه القلق هو واحد يعنى عملية انفعالية وشعورية تصحبها نفس الاعراض ،،كيف يعني مثلا انا صابني القلق بخصوص موضوع معين ممكن يصحب هذا الشعور خيبة امل وغضب و وجع في ركبي ..ومن جهة تانية واحد في الصين صابه قلق على موضوع مختلف ممكن يكون نفس الاعراض الى عندي عنده هو كمان :yasser-atrees (25): شو رأيك ممكن ولا مش ممكن؟
مش ممكن انا وهاد الصيني نعمل نفس الشي عشان نتخلص من القلق ،هو عمله لانه مناسب اله وانا عملته عشان مناسب الي ..
من وجهة نظري مش كل شىء غربي صح ولكن مش بالضرورة غلط ،انت تابع الموضوع معي واذا عجبك شىء وناسبك خذه واذا ما عجبك خليه ;) عادي جدا .اذا في قاعدة استفزتك وشايف ان هي غير مناسبة على الاطلاق النا كمسلمين او عرب ..ما تستنا ولا لحظة احكيلنا عنها عشان نستفيد منك :)
سلام:byebye1:

miniangel29

30/08/2007, 03:18 PM

أصلا مش عارف إحكنا ابنسمح انو يستمر القلق عندنا لأكثر من دقيقة

بكفي انفكر وانقول ( وبعدين ) ايش حتكون النتيجة اذا بقينا متوترين

أكيد رح نخسر شغلات كتيرة

أنا مبسوط

السلام عليكم
الله يبسطك كمان و كمان

مزبوط كلامك :yasser-atrees (15): الفصل الثالث من الكتاب بيحكي لو انه الناس تعرف شو بيعمل القلق و الانفعال الزائد في أجسامهم كان من زمان قالوا تــــــــــــــــــــــــــــــوبة:yasser-atrees (22):
بقول الكتاب انه الخوف بسبب القلق و القلق بسبب توتر الاعصاب والمزاج ،مما يؤر على المعدة ويحيل العصارات الهاضمة الى عصارات سامة تؤدي في الغالب الى قرحة المعدة

وفي شي تاني لفت انتباهي ان القلق ممكن يسسب الروماتيزم او التهاب المفاصل ،في دكتور اسمه رسل سيسل وضع قائمة لعوامل ينشأ عنها التهاب المفاصل وهي :
1- فشل يصيب الانسان في الزواج
2- كارثة مالية أو حزن عميق
3- الوحشة والقلق
4-الانفعالات المستمرة
يكفينا شر هالمصايب يا رب
مثال صغير :أختى مرت عليها فترة صعبة جدا ضغط من كله من الجامعة شوي ومن الشغل والناس الى فيه شوية ومن هنا وهناك والمهم كله هاد ادى الى علاج طويل الامد من الروماتيزم ونصحها الدكتور تخفف من الانفعال شوي
سلام:yasser-atrees (5): ما تضيق كتير نقطة لازم اطرحها

miniangel29

30/08/2007, 03:25 PM

[QUOTE]

تكرمي وازا بدك بنزل الكتاب كله<>

^^
بعدين بتصير طوشة في المنتدى الشاطر الى بده ياخد الكتاب :haha:

تعليق صغير ازا ممكن ع هاي النقطة

ازا ممكن

^^

[quote]

نقطة حلوة كتير وانا اوفقك الرأي فيها

ويمكننا الاستعاضة عن هذا الكتاب بكتاب جدد حياتك للغزالي

لكن لا اخفيك ان كتاب ديل كارنيجي

عبارة عن مجموعة مبادئ وافكار وطرق مستاقة من تجربة الحكماء

بما يتطابق مع ديننا الاسلامي

للتخلص من القلق

....

:)

أكيد ممكن ،البيت بيتك:bad_smile:
مزبوط كلامك

miniangel29

01/09/2007, 09:05 PM

القلق من المستقبل يشغل البال كثيرا ويوتر الأعصاب

فلا داعي لشغل التفكير بذلك

فلنجعل المستقبل يركض إلينا بما هو خير لنا وذلك بحسن التخطيط والجد والمثابرة

نحن نزرع وبالتالي سنجد ثمار ذلك

أنا أخطط وأتطلع لمستقبل باهر فلن أتعب كثيراً

ملاك ،، كعادتك متميزة بالنقاش :yasser-atrees (27):[/QUOTE]ثانك يو:canny1:

خليني ارجع شوي لنقطة حكيتها من قبل وهي:
وعندما تأخذ المشكلات بتلابيبك ولا تستطيع منها فكاكا ,,

ًفاسأل نفسك ما أسوأ الاحتمالات التى ممكن أن تحدث ؟
ثم هيئ نفسك ذهنياً لقبولها اذا لزم الأمر وبعد ذلك حاول انقاذ ما يمكن انقاذه

هادي الوصفة اخترعها زلمة اسمه كاريير حصلت قصة ظريفة ..في يوم من الايام تعرض هاد الشخص لمححاولة ابتزاز من شخص ادعى انو هو رجل شرطة فقال هذا الشخص لكاريير اما بتعطيني مصاري او ببلغ النائب العام عن السرقة من سائقين الشركة ...طلع مخ فكر بالموضوع بصورة عملية اكتر هلاء انا لو ما اعطيتو المصاري شو بصير فجاوب على حاله ما رح اسجن او اقتل ..نفسيا ارتاح شوي وقال لحاله شو ممكن اعمل هلاء عشان ازبط الموقف فخطرت فباله فكرة انو يستشير محام فقاله المحامي انت تبلغ النائب العما بنفسك وهاد بالزبط الى عمله صاحبنا بلغ النائب العام ،فاكتشف ان هذا الشرطي عبارة عن نصاب بضحك على الناس و بستغلهم من شهور والشرطة الها فترة بدور عليه

في معلومة حلوة رح اكتبها في ردي الجاي ..الى مش ماخد باله منه رح يستغرب كتير
خليك على تواصل:go7:

miniangel29

01/09/2007, 09:55 PM

يبدو أنه كتاب رائع جدا ومفيد,, ساحاول الحصول عليه بإذن الله..

شكرا جزيلا لكِ أختي على التلخيص الجميل وربط الأحداث الواقعية بما قد ذُكر..أنا أيضا كنت أعاني مثلك تماما وكما قالت أختي ( فاهمة الدنيا صح ) أنني كنت أتخيل كل شيء كأنه مغطى بستار أسود!!!
وأرى أن في التوكل على الله والإيمان بأن كل شيء مكتوب ومقدر سيزيل هذا القلق حتما..

وكما قال الشافعي في بيته الشعري المشهور..

دعِ الأيّام تفعل ما تشاءّ~~وطب نفسا إذا حكم القضاء

وأشكر أختي ( البنت الشرقية ) على إضافتها الجميلة والمفيدة :)

لننظر إلى الحياة بمنظار التفاؤل

:)
مشكورة على مرورك وت واجدك معنا :)

كيف تحلل اسباب القلق و تزيلها ؟
1) استخلص الحقائق
2) حلل هذه الحقائق
3)اتخذ قرارا حاسما ثم اعمل بمقتضاه

استخلص الحقائق :
الكتاب بحكي عن هذه النقطة أن نصف المشكلات التي تسبب القلق ،منشؤها أن الناس يحاولون اتخاذ القرارات قبل ان تتوفر المعلومات الكافية التي تتيح لهم اتخاذ قرارا ما
وبحكي كمان انه مش من السهل استخلاص الحقائق لانه في قلق بيعمل عائق بيحكي انه لازم الشخص يستخلص الحقائق بحيادية كيف؟ في طريقتين:
*اتظاهر كأنما اسخلص الحقائق لا لنفسي لشخص اخر
*أحاول استلاص الحقائق المضادة لمصلحتي
وبعدين اشوف الوسط الى بينهم

حلل هذه الحقائق
خلصنا منه من خلال الطريقتين السابقتين

اتخذ قرارا حاسما ثم اعمل بمقتضاه
افعل شيئا للقضاء على القلق .فما لم تفعل شيئا فان محاولتك استخلاص الحقائق ليست الا مضيعة للوقت و الجهد
الواحد اذا ما كان حاسم فكرة رح تاخده و فكرة رح تجيبه رح يظله في حيرة

في فكرة بتحكي ان في الغالب بكون قلقنا و خوفنا من شىء صغير في الموقف بخلينا نخاف من كل الموقف ..يعني اضرب مثل صار معي بتوجيهي ..اخر امتحان كان علم الاجتماع و النفس ..بصراحة كنت خايفة كتير من هالمادتين بالذات علم النفس لانها مكلكعة ..هلاء قبل الامتحان بيوم الساعة 9 مساء كنت دارسة علم الاجتماع ودارسة من علم النفس 11 جزء من اصل 24 ..:baffle1::o6h: مصيبة مش مخلصة علم النفس ولا حتى موصلة نصه .....الباقي في المرة القادمة
شوقتك ..لا ؟ سلام :byebye1: