أرجو المساعدة!!

[Miss.LoLo]

السلام عليكم ورحمة الله وبركاته ..

بس بلييز بدي أسأل عن (الكبســـــــة) ..

ما بعرف ليـه ما بتزبط معي الرز فيها ما بيصير مفلفل ..

مع العلم إني بستعمل نوع رز كتير منيح ومرتاحة عليه .. بس في الكبسة ما بيزبط ..

بلييز قولولي شو أعمل .. ويلي ما بتعرف تسأل إمـــــــها (ضروري) ..


وراح أكون كتــــــــــــــــــــــــــــــــــــــير ممنونه لإلهـا ..

[Eman Yusuf]

بسألّّك الست الوالده ان شاء الله <>

على شرط اذا زبطت بتعزمي كل الصبايا على كبسه رزها مفلفل <>

وحياك الله دائما :=)

[Miss.LoLo]

ميرسي كتيـــــــــــــــــــــــــــــــــــــ حبيبتي ــــــــــــــــــــــــــــــــــــــــــــــــــ ــــــــــــــــــــــر

تكرم عينك مش بس علي كبسة ومنسف كمان ولا يهمك ..

[Eman Yusuf]

يا ستي شو هالكرم هاد .. الله يخليكي يا رب <>

اسفين على التأخير ..

بتسلم عليك امي <>

واللي قدرت افهمه لما سألتها عن الكبسه اذا رزها مفلفل

حكت تقى المشكله بنوعية الرز اذا المقادير مضبوطه والطريقه هي العاديه

الكبسه بدها رز خاص ينفع اللي ما ينخبص .. مع اني حكيتلها انه نوعية الرز اللي بتستخدميها اكويسه

بتنصحك متلا برز " بسمتي" <<معلش دعايه <>

برضه بانتظار ملاحظات ثانيه =)

ان شاء الله تزبط معك .. ونوكل شي اكله من تحت دياتك <>

[Miss.LoLo]

أسفة لأني بس هلأ شفت الرد ....


بصراحة انا بستعمل نفس نوع الرز ...

بس حاسة المشكلة بصلصة الطماطم أو مقدار الميـه ...

بس بلييـــــــــــــــــز .. سلميلي علي خالتــــــــــو كتــــــــــــــــير وقوليلها :

معلش لولو غلبوية وغلبتك ... بس خليها تكتبلي مقدار الرز والمــــــيه وإمته أحط صلصة الطماطم عليها ..

علشان بكره إن شاء الله الجمعة وناوية أعملها لبابا ( مفاجـــــــــأة ) ... لا تقولي لحدا ؟!!!!! ههههه




شكرا كتـــــــــير لإلك مرة تانية ولمامتك الأمورة .... ^_^

[Eman Yusuf]

:)

طيب انا بكتبلك الطريقه من جديد

لانه كل بلد بتختلف الطريقه عن التانيه


المقادير :

نص كيلو لحم مقطع

تلات اكواب رز بسمتي << متل ما اتفقنا :)

جزره وبصلتين كبار + حبتين طماطم كبار كمان

الملح وصلصة البندوره (معجون طماطم ) وحب الهال وقرفة عيدان وبهارات الكبسه وزبيب

وزيت للقلي


الطريقه :

بتسلقي بالاول البصله المفرومه مع اللحمه مع اضافة الهال والقرفه ، حضري الجزره بالمبشره وقطعي البندوره والبصله ..

حطي اشوي من زيت القلي بالطنجره بعدين البصل لحتى يحمر اشوي زغيره (زغيره كتير <>) ..وبعدين بتحطي البندوره والجزره وبتحركيهم كلهم سوا بعدين بتضيفي الهال والقرفه وبهارات الكبسه وبتحركيهم ..

بتصفي مرقة اللحمة على اللي عملناه بالطنجره بعدين بتحطي قطع اللحمه بعدها بتحطي صلصة البندوره والزبيب والملح حسب الرغبه

بعدين بنحط الرز بعد ما ننقعه بالمي نص ساعه وبتحركيه حتى تغلي المي ..بعدين بتغطيها وبتخليه يطبخ على نار هاديه

بامكانك تزيينها بالزبيب ولقلوبات بعد ما تنتهي ^__^

جربي هاي الوصفه يمكن تزبط ..وان شاء الله الف صحه وهنا :)

[جوهرة الإسلام]

ياسلامممممممممم
مافهمت حاجة
خخخخخخخخخخ
تحياتيييييييييي
تقبلوا مروري بينكن

[Miss.LoLo]

اهاا ,...



هلأ افهمت ميرسي حبيبتي كتــــــــــــــــــــــــــــــــير ولا تنسي تسلميلي علي خالتــــــــــــو .. أوك ؟!



بس جربهـــــــــــا برد عليكي ...





يعطيكي ألف عافية ...^_^

[Eman Yusuf]

ان شاء الله تزبط وربي يخليلك الوالد وان شاء الله تعجبه :)

واذا ما بدك تعزمينا احنا بنعزمك ..:bs006:


يا هلا اختي لبنى :)

[Miss.LoLo]

http://bsmlh.net/up/uploads/59a8e3f8a5.gif (http://bsmlh.net/up/)

طلعـــــــت بتاخـــد العقــــل ..

والله خفت بابا ياكل أصابـــــــعه وراهــــــــــا ..

ماما صارت تقول: لولو صارت ست بيت خلص راحت عليــــــا ..هههههه





شكــــــــــــــــرا كتـــــــــــــــــير علي كل شي ..:)

[Eman Yusuf]

والعزومه ؟ :x


ههه

الف صحه وهنا ربي يسعدك ..ما عملنا اشي :)