المساعد الشخصي الرقمي

مشاهدة النسخة كاملة : ليالي الشام.....(2)


جورية بسملة
12/11/2007, 03:52 PM
http://bsmlh.net/up/uploads/66e23d7d21.jpg (http://bsmlh.net/up/)



سوف أسلط الضوء هذه المرة على هذا الحوار....

وقتا ممتعا... ^_^




أم فايز: يوه شبكي أم شادي مو على بعضك اليوم؟؟


أم شادي: آآآآه ..اسكتي اسكتي...خليها بالقلب تجرح و لا تطلع لبرة و تفضح..


أم فايز: فضفضي تؤبريني..


أم رؤوف: ليش خير ان شاء الله شوفي ؟؟


أم شادي: مبارح اتخانقنا..قال شو يا بعدي ما بدو يبعت ابنو شادي مشان يكمل دراستو بأميركا.. و حاولت أقنعه بأنو مستقبل ابنو مو هون... بس ما في خواص... دقي المي و هي مي....و بين كلمة منو و كلمة مني تخانقنا و فتح حلقو عليي... الله وكيلكن راح يجنني هالرجاّل...كل مرة ببلعها و بقول اسكتي يا مرة... بس و الله راح أطق...:bs018:


أم رؤوف: حبيبتي قولي طقينا و خلصنا.. هدول الرجال بيفلجوا..


أم فايز: نفس الشي..هداك الاسبوع ايجا جوزي تعبان من الشغل و قالب خلقته و قلتله يدوّر على شغل تاني متل العالم و الناس بلكي تتغير أحوالنا..قام انتفض و عصب و كأنو الشيطان الرجيم.:bs007:.و قال اللي انتو النسوان بس تفكروا بالمصاري ..و ما خلّا مسبة إلا و قال اللي اياها...و قدام الاولاد كمان..و يوميتها ما خليت دعوة الا و دعيتها عليه...مشان لو ايجيتوا شي مصيبة بعرف الله مين و بيحسب 1000 حساب و حساب لمرتو..



أم رؤوف: هدول الرجال ما بيجوا إلا بالعين الحمرا..اسألوني الي...



أم فايز: و الله مضبوط... حاكم انتي قوية و قادرة... و جوزك بيخاف منك كتييير... العز و الكرم اللي جوزك فيه كلو من مصرياتك...
انتي أم رؤوف فهمنا انو حاكمتيه بالمصاري...طيب انتي أم صهيب شو بتعملي لحتى جوزك صار متل الخاتم باصبعك...؟؟


أم صهيب : هلأ أنا جوزي متل الخاتم باصبعي؟؟...بس الوحدة شو بدها تقول البيوت أسرار... و ما بيعلم بالحال الا رب العالمين...


أم شادي: يوه أم صهيب عم تضحكي علينا.. قولي غير هالكلام.. إي و الله جوزك ما بيرفضلك طلب على هوى ما بسمع...دخلك شو بتعمليلو لحتى صار هيك؟؟ نو رينا و الله احترنا مع اجوازنا....الله يوفقك بتكسبي فينا أجر...

أم صهيب: و الله نتخانق يوم إي و يوم لأ...بس الاحترام أهم شي بحياتنا... أنا باحترم آراءه و هو كمان... اذا اختلفنا على شي لازم حدا فينا يتنازل... طبعا باهتم بالبيت و بحالي و بعلم أولادي كيف يحبو ابوهم و كيف يحترموه ...و أطبخ الطبخات اللي بيحبها... و بود أهله.. ووووو



و أخذت أم صهيب تسرد أساسيات حياتها و على ماذا تبنى....


و ردت أم رؤوف بتعجرف و تكبر:bs037:: يووووه... هلأ هاد اللي طلع معك...و الله ما بصدق...ليش في أغلى من المصاري...أنا عطيت لجوزي أموالي مشان يستثمر فيها ..يعني المفروض طول الوقت يحمد الله و يشكره على مرة متل حكايتي...



و لم يمضِ اسبوعان على ذاك اللقاء حتى انتشر خبر زواج أبو رؤوف بواحدة أخرى.....




ما الذي استنتجته من هذا الحوار البسيط....؟؟؟؟
بنت فاطمة
12/11/2007, 04:19 PM
الله عليك ام عبيدة

ما الاقيش عندك دواء لازواج المغرب؟؟

الله يسلمك اختي

فعلا الاحترام اساس كل علاقة ناجحة

ودائما اقول الاحترام اسبق من الحب

الحب ضروري و لكن الاحترام هو الذي يحمي الحب ويخلي الحياة تستمر


بارك الله فيك اخيتي
كريم
12/11/2007, 09:09 PM
جورية بسملة

الموضوع حلو رغم أننى تعبت فى ترجمة بعض الكلمات الصعبة بالنسبة الىّ

والحمد لله فى الآخر فهمته .........مشكورة .

وفعلا الإحترام اساس الحب .

لك كل تحية .
ملاك الحرية
12/11/2007, 09:32 PM
ههههههه

بتستاهل مفكرة انو المصاري

كل شي في الدنيا

هي راح تجوز عليها ومصاريها خليها تنفعها هلا

اساس اي علاقة ناجحة في الدنيا

انها تقوم

على الاحترام المتبادل


والانسان لازم يتنازل في بعض الاحيان

مش دايمن مكبر راسو

شكرا

يا احلى جورية


مميزة كالعـــادة


^ـــ^
شفّافة
13/11/2007, 04:28 AM
هههههههههههههههههههههههههاي
هالمرة الحوار شيء تاني ..مرة روعة..
تسلمي جورية..


ما الذي استنتجته من هذا الحوار البسيط....؟؟؟؟
هذا استنتاجي المتواضع..
انو الحريم بدل ما يخففو عن ام شادي زادوها بلعكس..
وزادو الطينة بلا..
يعني المفروض يوم تجي تشكي لهم ما يقولولها هم كدا الرجال وما ادري شو......الخ
المفروض يقولو لها انها تصبر وتتحمل وتحاول تفهم زوجها وتقدر حالتو..
هذا الي عندي جورية..
أم أسْــِورَة
13/11/2007, 06:10 AM
الاساس في العلاقات الزوجية هو اللي يعمر البيت او يخربه

ام رؤوف فكرت انه بمالها قادرة تحكم زوجها وبالفعل يمكنها ذلك

وقد لا يتزوج عليها

لكنها نسيت انها ما استطاعت ان تبني معه حياة باكملها

وانها حرمت من السعادة

^_^
جورية بسملة
13/11/2007, 10:19 AM
الله عليك ام عبيدة

ما الاقيش عندك دواء لازواج المغرب؟؟

خليني أفكر..... ^_^


الله يسلمك اختي

فعلا الاحترام اساس كل علاقة ناجحة

ودائما اقول الاحترام اسبق من الحب

الحب ضروري و لكن الاحترام هو الذي يحمي الحب ويخلي الحياة تستمر


بارك الله فيك اخيتي



حبيبتي أنتِ يا أم عمر....

صدقتِ و الله لا يبنى بيت إلا و الاحترام أساس له...

حتى لو لم يكن الحب موجود.... فالمودة و الرحمة يقفان حارسان لذلك البيت ليمنع أي دخيل أو شر قادم...

حياك الله أختي... انبسطت كتييير لما شفت ردك..

فائق احترامي...
جورية بسملة
14/11/2007, 11:19 AM
جورية بسملة

الموضوع حلو رغم أننى تعبت فى ترجمة بعض الكلمات الصعبة بالنسبة الىّ

والحمد لله فى الآخر فهمته .........مشكورة .

وفعلا الإحترام اساس الحب .

لك كل تحية .


هههه...شو أنا عم أحكي صيني؟؟؟!!

^_^

شكرا كتير أخي كريم لتفضلك بزيارة موضوعي..

الاحترام هو من يبني البيت..و يجعله عامرا حيا...

أشكرك مرة أخرى..
Eman Yusuf
15/11/2007, 10:35 AM
لي عودة

بعد نيسكافيه لتعديل المزاج الصباحي <>


.. لن أتأخر .. :)
هبة الرحمن
15/11/2007, 10:39 AM
لي عودة للقراءة بتركيز !!
Eman Yusuf
15/11/2007, 02:46 PM
ما شاء الله عنك يا جوريه ^__^

أكثر الاشياء اللي بنستخف فيها هي اللي عامله الفرق طبعا ..

الاحترام والمعاشره الطيّبه هي سر الحياة السعيده باذن الله

واللي بفكر اانه المصاري والجاه والجمال وووو هي من ثوابت الحياه السعيده ..سيُصدَم في حياته كثيرا !!^__^

جوريه .. تسلمي يا قمر ..

موهبتك رائعه في كتابة السيناريو .. وموضوع الطرح مميز

الله يبارك بعمرك يا رب :)
جورية بسملة
15/11/2007, 03:38 PM
يا هلا بالجميع...


و لو انو ما حدا تكرم علي بفنجان قهوة...


لي عودة ان شاء الله
ملاك الحرية
15/11/2007, 03:46 PM
و لو انو ما حدا تكرم علي بفنجان قهوة...

له له

ولو احلى فنجان قهوة لعيونك

:bs010:


احنا كم جورية عنا!!

:bs046:
Tawny Angel
15/11/2007, 04:44 PM
مشكورة جورية بسملة عالقصة الحلوة كتير وفعلا أساس العلاقة الزوجية هو الاحترام والتفاهم
جورية بسملة
16/11/2007, 11:45 AM
ههههههه

بتستاهل مفكرة انو المصاري

كل شي في الدنيا

هي راح تجوز عليها ومصاريها خليها تنفعها هلا

اساس اي علاقة ناجحة في الدنيا

انها تقوم

على الاحترام المتبادل


والانسان لازم يتنازل في بعض الاحيان

مش دايمن مكبر راسو

شكرا

يا احلى جورية


مميزة كالعـــادة


^ـــ^



يا هلا بملاك الحرية...

خليها تستاهل مو ؟؟؟ ^_^

راح ضحك عليها و اخد مصاريها...

المصاري جزء من السعادة... لكن مصاريها سودت حياتها و قلبتها نقمة..

و لو كانت تحترمه و تقدره "ربما" لم يرغم أن يتزوج عليها...

و لكن هذا ما أرادته..

جورية لاحلى ملاك هون...


^_^
جورية بسملة
16/11/2007, 11:49 AM
له له

ولو احلى فنجان قهوة لعيونك

:bs010:


احنا كم جورية عنا!!

:bs046:


و احلى فنجان قهوة من احلى ايدين..

يسلمو يا امووورة...

الله يكرمك متل ما كرمتيني...

شكرا يا عسل..
:bs048:
جورية بسملة
16/11/2007, 12:01 PM
هههههههههههههههههههههههههاي
هالمرة الحوار شيء تاني ..مرة روعة..

شو قصدك.؟؟؟!!! :bs004:

تسلمي جورية..



الله يسلمك يا قمر


هذا استنتاجي المتواضع..
انو الحريم بدل ما يخففو عن ام شادي زادوها بلعكس..
وزادو الطينة بلا..

ممتازة....

يعني المفروض يوم تجي تشكي لهم ما يقولولها هم كدا الرجال وما ادري شو......الخ
المفروض يقولو لها انها تصبر وتتحمل وتحاول تفهم زوجها وتقدر حالتو..
هذا الي عندي جورية..

بارك الله فيك يا شووشو...

احدى الافكار التي اردت ان اصورها هنا بان ليس هناك امرأة تعيش في قمة السعادة في حياتها الزوجية..

هناك الكثير من المنغصات التي من المستحيل ان يخلو اي بيت منها..

حتى و لو كان حوارا بسيطا بين الرجل و زوجته و اختلفا في وجهات النظر..

فهناك الصبر... و هناك الاحترام... و هناك الرحمة... و لا ننسى ضعفائنا "الاطفال"...

الله يكون بالعون..

شكرا يا شوشو ....مرور رائع..
جورية بسملة
16/11/2007, 04:42 PM
الاساس في العلاقات الزوجية هو اللي يعمر البيت او يخربه

ام رؤوف فكرت انه بمالها قادرة تحكم زوجها وبالفعل يمكنها ذلك

وقد لا يتزوج عليها

لكنها نسيت انها ما استطاعت ان تبني معه حياة باكملها

وانها حرمت من السعادة

^_^



كان ممكن أبو رؤوف يتحملها و ما يتزوج عليها اذا شاف بانها تستاهل...

لكن للأسف سيطر المال على قلبها هي قبل قلب زوجها...

الحمد لله ما طلقها .... ^_^

و ان شاء الله أبو فايز و أبو شادي ما يتعلموا من أبو رؤوف..

أصلا راح يندموا.. :bs004:

السعادة ليس بالمال... و اذا كانت بالمال لما رأينا أن معظم أغنياء الارض تعساء...

شكرا أختي ام أسورة على مرورك الريحاني...

تقبلي احترامي ...

^_^
شفّافة
16/11/2007, 10:02 PM
شو قصدك.؟؟؟!!!
ولا شيء:bs047:
جورية بسملة
17/11/2007, 02:12 PM
لي عودة

بعد نيسكافيه لتعديل المزاج الصباحي <>


.. لن أتأخر .. :)


خدي راحتك...

البيت بيتك..

^_^
جورية بسملة
17/11/2007, 02:13 PM
لي عودة للقراءة بتركيز !!


و ها نحن ننتظرك أختي...

^_^
جورية بسملة
17/11/2007, 02:19 PM
ما شاء الله عنك يا جوريه ^__^

أكثر الاشياء اللي بنستخف فيها هي اللي عامله الفرق طبعا ..

الاحترام والمعاشره الطيّبه هي سر الحياة السعيده باذن الله

واللي بفكر اانه المصاري والجاه والجمال وووو هي من ثوابت الحياه السعيده ..سيُصدَم في حياته كثيرا !!^__^

جوريه .. تسلمي يا قمر ..

موهبتك رائعه في كتابة السيناريو .. وموضوع الطرح مميز

الله يبارك بعمرك يا رب :)


يا هلا عزيزتي فهوووم..
الاحترام هو سر استمرار الحياة ...
و في شي مهم كمان حاولت اني أركز عليه بالحوار...و هو أنو الحياة الزوجية كلها أسرار...
و كل وحدة من هدول قالت المشاكل اللي بينها و بين زوجها... و هذا المفروض اللي ما يصير..
مشان لو كانت الوحدة مبسوطة ما يطقوها بالعين...و اذا كانت مو مبسوطة ما يشمتوا فيها العالم..
بس أم صهيب كانت شطورة و ما حكت شي...


أشكر لك مرورك الياسميني يا عسل..
فائق احترامي..

^_^
هبة الرحمن
17/11/2007, 05:40 PM
حوار شيّق ،،

من تفكر بمقولة " الراجل بجيبته " لن تجد لها مكان

وسبحان الله تفشل تلك العلاقات من قبل الزواج !!

شكراً جورية
Eman Yusuf
17/11/2007, 11:11 PM
*****

5 نجوم

بانتظار باقي الحلقات

:)
جورية بسملة
18/11/2007, 02:07 PM
حوار شيّق ،،

من تفكر بمقولة " الراجل بجيبته " لن تجد لها مكان

وسبحان الله تفشل تلك العلاقات من قبل الزواج !!

شكراً جورية






هلا هبة...

صحيح.. و من النادر في زماننا هذا ان نرى رجلا خاتما في اصبع زوجته...

فالحياة تعقدت أكثر مما كنا نتوقع..

و ليس معنى هذا أن أي رجل تحت سيطرة زوجته يعيشان حياة سعيدة..

دمت بألف خير عزيزتي...

^_^



*****

5 نجوم

بانتظار باقي الحلقات


سبحان الله..

آخر ما كنت أتوقعه.... ^__^

شكرا لكم...
جورية بسملة
19/11/2007, 11:49 AM
مشكورة جورية بسملة عالقصة الحلوة كتير وفعلا أساس العلاقة الزوجية هو الاحترام والتفاهم


أهلا بحبيبتي Twany Angel....

و أشكرك جدا لمرورك الجميل...

و بالفعل الاحترام هو مفتاح أي حياة زوجية..

جورية لك....

^_^
نــوّارة
25/11/2007, 11:10 PM
بالفعل جورية ازا كان البيت مبني على أساس الحب والتفاهم كل شي بهون بعدها

عمرها ما كانت المصاري مقياس,,,,,,أو تشترى فيها السعادة ,,, في كتير من الاحيان بتكون سبب التعاسة والشقاء وهدم الاسرة

المهم ازا كانت اسرة وطدت علاقاتها على الثقة المتبادلة واحترام الاراء ,,, رح تستمر مهما كانت الاسباب

جورية حقا مبدعة ,,, بوركتي أختي
دروب الحياة
03/05/2008, 01:55 PM
أولاً مشكورة على المضوع ثانياً الي بستنتجه انوه ما كل اشي المصاري لازمله شي احترام وحب مو انوه عطيتيه مصاري خلاص انتي منيتي عليه ولازم هوه الي حكمك مو أنتي هادا رأيي
روان أم أيهم
03/05/2008, 10:30 PM
صدقتي والله حبيبتي جورية
الاحترام اساس نجاح اي علاقة مو بس الزوجية
عموما الله يصلح ويهدي الجميع
ويسلمووووو على هالحوار الرائع يا راااائعة
جورية بسملة
06/05/2008, 08:52 PM
أولاً مشكورة على المضوع ثانياً الي بستنتجه انوه ما كل اشي المصاري لازمله شي احترام وحب مو انوه عطيتيه مصاري خلاص انتي منيتي عليه ولازم هوه الي حكمك مو أنتي هادا رأيي



أهلين أختي دروب الحياة..

صح الرجل يحكم المرأة بمصاريه.. بس مو دائما...

المصاري ما بتحكم رجل او امرأة..

بتلعب دور كبير بحياتنا.. و يمكن سبب كبير بتدميرنا..

بينما الاحترام يحكم كل ما وراءه.. و خاصة اذا توثقت معه روابط الايمان..


تشكري حبيبتي لمرورك..

^_^