المساعد الشخصي الرقمي

مشاهدة النسخة كاملة : 4+1=5 girls


miniangel29
22/02/2008, 01:05 AM
السلام عليكم
كيف امامير المنتدى ان شاء مناح
اجيت اليوم بخبر جديد ..زوجة خالي ولدت من أسبوع البنت الخامسة:bs010: ..شو رأيكم شو كان موقف خالي ؟؟و زوجة خالي المسكينة:shocked:
ما تخافوا زوجة خالي و خالي الله يخليلي ياه دايما بقولوا مادام المولود سليم و معافى ..يطلع بنت أو ولد مش مشكلة ..رحت على بيت خالو في نفس اليوم الى شرفتنا فيه الست مرام (النونو الجديد)..خالي كان متحمس في اختيار اسم البنت ..يسلملي هالخال..:big_smile:و كأنها المولود الاول و وزع حلو مع أنه بعيد عنكم مفلس ..و زوجة خالي كانت فرحانة لانها امورة و شبه أشطر بنت عندها ...لكن في حدا ما بحكي بحدا طبعا لا
كأول تعليق على المولودة الخامسة ..أم محمد علقت كان نفسنا لو كان ولد عشان يصير أخ لمحمد ..نسيت احكيلكم الخمس بنات الهم أخ اسمه محمد
و كثاني تعليق من أم محمد رقم 2 ..لانه كل نسوان العيلة اسمهم ام محمد ..علقت هي عروسة؟؟!:pud5ency: مش عريس:victory: ..لا يا أم محمد عروسة حلوة شفتها زي القمر......ام محمد 2: يالله...:shame:

و تعليق تالت من رجل الله يحميه لشبابه ..بنت ؟!! خليها (زوجة خالي) تستاهل عشان تصير أم البنات:p
شو وصمة عار يا خي ..

ستي (جدتي) مع أنها مش متعلمة لكن بتفهم والله عسل قالت البنات أحن من الاولاد و هن الى بحلن البيت <>
المهم انه مع مرام في نفس اليوم انولدت كمان بنت في العائلة الكبيرة تبعتنا ما سمعنا عنها ..أصلو انولد عندهم بنت فلازم يتكتموا على الموضوع و كأنه عار
البنت أخت الولد ..اذا بكى بتحضنه و اذا غلط بتوجهه متشاركين في الواجبات و الحقوق..و البنت لما تتألم بتقول أخ ..
الغريب انو لغاية الان في ناس بتبكي لما ربنا يهبهم بنت و بعملوا عروس لما ربنا يهبهم ولد
الاية الكريمة بما معناها يهب لمن يشاء أناثا و يهب لمن يشاء الذكور أو يزوجهم ذكرانا و أناثا
الاطفال هبات ..يعني بالبلدي هدية ..و الهدية غالية ..فكيف لما تكون من رب العباد ..مش من باب أولى نحافظ عليهم بدل ما نندب الحظ
تعليقاتكم لو سمحتوا^__^
نبع العطاء
22/02/2008, 01:45 AM
وعليكم السلام ورحمة الله وبركاته

نظرة الناس للولد إنه أحسن من البنت بسبب التقاليد وأفكار جدودنا وجداتنا اللي زرعوها بعقول ولادهم , وبرضه عدم ايمانهم ويقينهم باللي مقدره ربنا !

الله يخليلك ستك القمر !!

أختي هي الآية { لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَن يَشَاءُ الذُّكُورَ }الشورى49
miniangel29
23/02/2008, 03:24 PM
أختي هي الآية { لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَن يَشَاءُ الذُّكُورَ }الشورى49
بارك الله فيك هيك جبتيها :=)



نظرة الناس للولد إنه أحسن من البنت بسبب التقاليد وأفكار جدودنا وجداتنا اللي زرعوها بعقول ولادهم , وبرضه عدم ايمانهم ويقينهم باللي مقدره ربنا !
ممكن احكيها بطريقة تانية
نظرة الناس انه البنت أقل قدرا و أهمية بسبب التقاليد وأفكار جدودنا وجداتنا اللي زرعوها بعقول ولادهم , وبرضه عدم ايمانهم ويقينهم باللي مقدره ربنا !
للاسف موجودة و المتعلم قبل الجاهل برددها :bs035: مشكلة



الله يخليلك ستك القمر !!
و يخليلك حبايبك ...:bs047: مشكورة هي فعلا قمر

تسلمي عزيزتي على مرورك انتي الامورة الوحيدة الى علقت:yasser-atrees (17):
Gardenia
23/02/2008, 03:52 PM
السّـلام عليـكم ورحمـة اللـّه

للأسـف النـظرة ما زالـت موجـودة عند فئـة أو شـريحة كبـيرة مِـن المجتـمع ..
بالذّات المُجتـمعات القـروية

لـو أخذنـا نـظرة أقرب للـموضوع
الآية الكريمـة التي ذكرتها نبـع سـابقـاً تـقول :

[ يـهبُ لـمن يشـاء إنـاثـاً ويهب لمـن يشـاء الذّكـور ]

والتّرتيب في الآيـة ليـس عبثـاً ..
اللـه سبحـانه وتـعالى ذكـر وَهب [ الإنـاث] أولاً .. ثـم الذّكـور
وفي هذه أفضـلية لصـالحنا .. وتشـريف مـن اللـّه سبحـانه وتعالى ..


ألف مُـبارك لـكم مـرام :) .. يـا بختـكم
سنة الله
23/02/2008, 09:00 PM
بارك الله فيك اختي
والله هذه الامور مازالت موجودة في مجتمعاتنا العربية وما رايحين نخلص منها ابدا ما دام في ناس بتنظر بنظرة دونية للبنت

وبعدين يا ام محمد ما انت بنت زيها ولا لأ ههههههههههههههههههههههههههه لليش كثرة التعليقات

بارك الله فيكي اختي وجزاك الله كل الخير
زهرة الحياة الدنيا
23/02/2008, 09:23 PM
جزاك الله خير

وألف مبروك عليكم مرام

والله يحفظها لكم ان شاء الله

ودايما نعاني من هالمشكلة التفرق ما بين البنت والولد

مع انهم هدية من الله .... بس طبيعة الإنسان طماع

ولو شافوا لغيرهم المحرومين لكان شكر الله ليل ونهار

جزاك الله خير
نــوّارة
23/02/2008, 11:28 PM
هذه النظرة للأسف ما زالت موجودة

لكنها نظرة متخلفة ودقة قديمة

اليوم لا فرق بنت او ولد المهم يأتي معافى ويحمدوا الله

وبعدين دوما ربنا بيختار الافضل ..الخيرة فيما اختاره لنا

مليوووووووون مبروك لجية مرام ..تتربى بعزكم
@المحب@
24/02/2008, 12:21 AM
الأب يبغى ولد أو إثنين عشان يمسكو البيت من بعدو يعني يعتمد عليهم ودى مافيه شي وصح البنت تكون طيبة بخلاف الولد متوحش
على العموم الولد ميزتو يبقى ولد والبنت ميزتها تبقى بنت
تحياتي
miniangel29
25/02/2008, 01:50 PM
والتّرتيب في الآيـة ليـس عبثـاً ..
اللـه سبحـانه وتـعالى ذكـر وَهب [ الإنـاث] أولاً .. ثـم الذّكـور
وفي هذه أفضـلية لصـالحنا .. وتشـريف مـن اللـّه سبحـانه وتعالى ..

احم احم :bs027:هاد احنا
سبحان الله كل كلمة في القران الها مدلول خاص ..مش البنات الى حكى الرسول صلى الله عيه و سلم اذا حسنت أخلاقهم و تربيتهم بدخل أبوهم الجنة



ألف مُـبارك لـكم مـرام :).. يـا بختـكم
الله يبارك فيك ..انا شخصيا مبسوطة عليها كتيير ..عقبال لعندكم
miniangel29
25/02/2008, 02:00 PM
وبعدين يا ام محمد ما انت بنت زيها ولا لأ ههههههههههههههههههههههههههه لليش كثرة التعليقات على رأيك ..شفتي ..بدها تعبر عن رأيها
أعتقد في بعض الحالات بكون رد فعل المرأة على هاد الموضوع سلبي جدا ..يعني في واحد بنعرفه اجاله بنات كانت أمه في كل مرة بتعمل مناحة و بتنوح و بدها الى ينوح معها ..الرجل راضي و مرتاح وأمه زن زن زن ..يعني هو رجل وانتي أمراة يعني المفروض انتي الى تحبي البنات و ترضي فيهم ..لكن ما فيش فايدة
أنا عارفة الله بعين ..مشكورة على مرورك
miniangel29
25/02/2008, 02:05 PM
جزاك الله خير

وألف مبروك عليكم مرام

والله يحفظها لكم ان شاء الله

ودايما نعاني من هالمشكلة التفرق ما بين البنت والولد

مع انهم هدية من الله .... بس طبيعة الإنسان طماع

ولو شافوا لغيرهم المحرومين لكان شكر الله ليل ونهار

جزاك الله خير
الله يبارك فيك و يسعدك
مزبوط كلام لو شافوا المحرومين ..كله مش راضي بنصيبه ..
miniangel29
28/02/2008, 12:09 AM
هذه النظرة للأسف ما زالت موجودة

لكنها نظرة متخلفة ودقة قديمة

اليوم لا فرق بنت او ولد المهم يأتي معافى ويحمدوا الله

وبعدين دوما ربنا بيختار الافضل ..الخيرة فيما اختاره لنا

مليوووووووون مبروك لجية مرام ..تتربى بعزكم

الله يبارك فيك ..اسعدني وجودك
miniangel29
28/02/2008, 12:15 AM
الأب يبغى ولد أو إثنين عشان يمسكو البيت من بعدو يعني يعتمد عليهم ودى مافيه شي وصح البنت تكون طيبة بخلاف الولد متوحش
على العموم الولد ميزتو يبقى ولد والبنت ميزتها تبقى بنت
تحياتي
مش بالضرورة الى يمسك البيت الولد..في ناس عندها أولاد كتيرة لكن ما بتمسك حاجة
مشكور على مرورك
أُرْجِـــيِ !!
28/02/2008, 04:12 AM
وعليكم السلام ...

مبارك عليكم مرام وان شاء الله تتربي في عزكم ...

هذا هو حال كل المجتمعات .. مع انها مجتمعات تدعي التطور والتحضر ...

لكن في الحقيقه هي في جهل ...

بصراحه الأولاد يجيبوا وجع القلب .. مع كذا يفضلهم الأهل علي البنات ...

ما نقول الا الله المستعان ...

تقبلي ودي وتقديري ...
أم أسْــِورَة
28/02/2008, 05:03 AM
شو شايفة انت يا بنتي
لما المراة تجيب ام الزوج تفرح وتتنطنط وشو انه جابت خليفة الامة<>
وام الزوجة تقول بنتي جابت ولد<<بالتم المليان

ويظلو يحوسو بالقصة ستلاف مرة ولد ولد ولد وريتو مبروك ويتربى بعزكم ومن هالحكي

بس تجيب الحرم المصون بنت
يقولو يالله سلامتها اهم من كل شي<<قال يعني كاينين خايفين عليها

طيب مهي ماتت وهي تجيب الولد ونفس القصة بالبنت

بي الولد نساهم صحة الام

والبنت ذكرتهم سبحان الله

طيب بس يكبروا الولد والبنت نقارن

الولد يتفرعن <<بسبب التربية اللي ماشاء الله تعطي الحاكمية للولد

ويبطل يرد على امه وابوه كمان

ويشوف حالة زلمة الدار يامر وينهى ولالاهل مكيفين صار زلمة

وبيجوز الولد وبينسى انه الو اهل وبتصير الام تقول يا ريت ما خلفت ولد<><<نهاية مأساوية

البنت لما تكبر تظل تحن على امها وابوها وتزورهم دايما وتحس معهم وتسأل عن اخبارهم وتهتم بشؤونهم

وتصير تقول الام يا ريت خلفت عشر بنات ولا جبت هالهامل<>

معلش زودتها حبتين بس مفروسة من اللي يصير


للعمل عندي ولدين وبنتين
واخر ولد جبتو كانت تقولي الطبيبة بنت وانا كنت فرحانه كتير
بس ربنا شاء شي اخر

والسلام مسك الختام

<<خلصت المعلقة