صِدْقيشتَايْن
20/06/2008, 07:04 PM
إنها المرة الأولى التي أكتبُ فيها بالعاميّة ،
بالأمس مشيت ُ مايقارب الثلاثة كيلومترات /
طبعاً كلكم تعلمون أزمة الوقود المتفشية في قطاع غزة ،
لم أجد سيارة ً أركبها ،
فكانت هذه القصيدة وهي بالعاميّة الفلسطينية نتيجة ً
لذلك المشوار المشئوم !!!
3/2/08
،؛،
والله،
لو غطّيتُم الشمس
وحبستم الهوَا
بَرْضُه فلسطيني،
لو شقّيتُم الرّئَة
لو قوّرتُم العَضِم
برْضُه فلسطيني ..
تِحكي حصار
فُوق السحاب
تلاقيني
تشفط السحاب
رحم الأرض يئويني ،
تزلزل الأرض
لهب أطلعلك
حمم براكيني ..
فلسطيني ،
مدوّنِة على كف مارد ،
مختومة على جبيني ،
بغُصُن زيتون احارب
بحجر ،
أشعل مياديني
تحكي صهيوني ،
كايدُه بالتّلاتة ،
كايدُه
كايدُه
كايدُه !
نفق حفرتلُّه
طيارة نزلتُّه
دبابة فجرتلُّه
ولِسّة الويل لأورّيه ،
ياعمّي فلسطيني ،
تِمْنع السولار ولّا ما تِمْنَع
تِقْطع الكهربا ولّا ما تِقْطع
تِخْلع الشّجر ولّا ماتِخْلع
مِشْ فارقَة معي ،
اسمع ،
اسمع،
اسمع،
أنا فوق هالأرض حأموت
كل حبّة رمل فيها
عناويني !
من قلب الليل أطلعلك ،
فلسطيني
من العدم ، أظهرلَك
فلسطيني
مع المطر أنزلّك
فلسطيني
مع العواصف أهبِّلك
فلسطيني
قِصْتي مكتوبة على أكفانِ
الشُّهدا
محفورة ،
على أبوابِ الزانزين ِ !
إمّي وِلْدتْني ،
بإيدها الشمال شالِتْني
والرّشاش مِسْكتُه باليمينِ !
وأبويا استشهد ،
بالجَنِّة يكنّس بيتُه
يِزْرعُه بالرياحين ِ ..
دمعتي غير ،
ضحكتي خير ،
صيحتي طير ،
هادا أنا فلسطيني ..
رغيف العيش ،
من حزني عجنتُه
على نار صدري
خبزْتُه
وفُوق حطام داري
أكلتُه
لا ما أهاب ،
والله ما أهاب ..
هادا أنا ، فلسطيني
لو ظلّت بيّارة
بدمّي أسقيها
لو بِقْيَت وردة
بدمعي أرويها
لو عاشت نخلة
بروحي أحميها ،
ياعمّي هادي فلسطين
شرف مأَصّل علَى الجِبين
فيها الأقصى
وفيها المسرى
وفيها صلّى خاتم النبيين ،
القُبّة تبكي ، وتصيح
وينْكُم يا أهل الدين
ياعمّي هادي فلسطين
وهادا أنا فلسطيني ،
فلسطيني
واللي مش عاجبُه
الخِتْيَار قالها ،
من البحر يِشْرب ..
فلسطيني
ماتتحداني ،
ويوم تفكّر هيك
والله تِتْعب ،
يا عمّي فلسطيني ،
فلسطيني
لو شمّيت قميصي
ريحة الأرض تلاقيها
لو لمست كفّي ،
غضب الثوار فيها ،
لو شفت عيوني،
هزيم الرعد حكاويها
ف ل س ط ي ن ي
سبعة حروفي ،
رايات المجد بترفرف
من علاويها
وأنهار البطولِة
تِجْري من تحتيها ،
وبينْهَا يعشّش الحمام ،
يِهْدِل قصايدنا
ويغنيها
ياعمّي
هادا أنا فلسطيني !
بالأمس مشيت ُ مايقارب الثلاثة كيلومترات /
طبعاً كلكم تعلمون أزمة الوقود المتفشية في قطاع غزة ،
لم أجد سيارة ً أركبها ،
فكانت هذه القصيدة وهي بالعاميّة الفلسطينية نتيجة ً
لذلك المشوار المشئوم !!!
3/2/08
،؛،
والله،
لو غطّيتُم الشمس
وحبستم الهوَا
بَرْضُه فلسطيني،
لو شقّيتُم الرّئَة
لو قوّرتُم العَضِم
برْضُه فلسطيني ..
تِحكي حصار
فُوق السحاب
تلاقيني
تشفط السحاب
رحم الأرض يئويني ،
تزلزل الأرض
لهب أطلعلك
حمم براكيني ..
فلسطيني ،
مدوّنِة على كف مارد ،
مختومة على جبيني ،
بغُصُن زيتون احارب
بحجر ،
أشعل مياديني
تحكي صهيوني ،
كايدُه بالتّلاتة ،
كايدُه
كايدُه
كايدُه !
نفق حفرتلُّه
طيارة نزلتُّه
دبابة فجرتلُّه
ولِسّة الويل لأورّيه ،
ياعمّي فلسطيني ،
تِمْنع السولار ولّا ما تِمْنَع
تِقْطع الكهربا ولّا ما تِقْطع
تِخْلع الشّجر ولّا ماتِخْلع
مِشْ فارقَة معي ،
اسمع ،
اسمع،
اسمع،
أنا فوق هالأرض حأموت
كل حبّة رمل فيها
عناويني !
من قلب الليل أطلعلك ،
فلسطيني
من العدم ، أظهرلَك
فلسطيني
مع المطر أنزلّك
فلسطيني
مع العواصف أهبِّلك
فلسطيني
قِصْتي مكتوبة على أكفانِ
الشُّهدا
محفورة ،
على أبوابِ الزانزين ِ !
إمّي وِلْدتْني ،
بإيدها الشمال شالِتْني
والرّشاش مِسْكتُه باليمينِ !
وأبويا استشهد ،
بالجَنِّة يكنّس بيتُه
يِزْرعُه بالرياحين ِ ..
دمعتي غير ،
ضحكتي خير ،
صيحتي طير ،
هادا أنا فلسطيني ..
رغيف العيش ،
من حزني عجنتُه
على نار صدري
خبزْتُه
وفُوق حطام داري
أكلتُه
لا ما أهاب ،
والله ما أهاب ..
هادا أنا ، فلسطيني
لو ظلّت بيّارة
بدمّي أسقيها
لو بِقْيَت وردة
بدمعي أرويها
لو عاشت نخلة
بروحي أحميها ،
ياعمّي هادي فلسطين
شرف مأَصّل علَى الجِبين
فيها الأقصى
وفيها المسرى
وفيها صلّى خاتم النبيين ،
القُبّة تبكي ، وتصيح
وينْكُم يا أهل الدين
ياعمّي هادي فلسطين
وهادا أنا فلسطيني ،
فلسطيني
واللي مش عاجبُه
الخِتْيَار قالها ،
من البحر يِشْرب ..
فلسطيني
ماتتحداني ،
ويوم تفكّر هيك
والله تِتْعب ،
يا عمّي فلسطيني ،
فلسطيني
لو شمّيت قميصي
ريحة الأرض تلاقيها
لو لمست كفّي ،
غضب الثوار فيها ،
لو شفت عيوني،
هزيم الرعد حكاويها
ف ل س ط ي ن ي
سبعة حروفي ،
رايات المجد بترفرف
من علاويها
وأنهار البطولِة
تِجْري من تحتيها ،
وبينْهَا يعشّش الحمام ،
يِهْدِل قصايدنا
ويغنيها
ياعمّي
هادا أنا فلسطيني !