||| صبرت |||

[وردة ~]

يانبيي يعقوب جاوبني .؟
صحيح شوقك ليوسف أعظم الشوق
ترى شوقي انا ذبحني
و لا ادري شوقك شسوى بك
وانته بعد الشوق لاقاك ابنك
وانا اعرف ان بعد الشوق يجيني الشوق بعده


احمل جروحي وانا بعيد عن مناي
كل ما طاحت الملمها واشيلها
مثل الرمل كلما لميته بيدي
فتحتها وما فيها حباته


ودمعتي سابقت على خدي الماي
كلما نزل من سما قلبي مسحته
رمش عيني ما تحمل آلام يقول بس لو ماهو غالي قتلته
وهالعين صارت مثل عطشان
يرتجي لو قطرة من السما تنزله


مدري انا اخاف على هالعين واداريها
لو اخاف على قلبي ناسي بسمته
مثل ما عيني واحشها هالطول
قلبي وحشه هالفرح ونغمته


اصعب احاسيس البشر
تشتاق لضو القمر
كيف وانا ادري العمر
ما يلاقي المبتغى


يا ليت عيني سجن
و قلبي هو القاضي
كان تحتم من زمان انسجن
وصار كوني فاضي


تهمته..؟
قتل مشاعري بنظرته
لكن قلبي حنون واختاره
ما دريت انه منع عني اخباره ..!


المهم اني لو سجنته بقلبي
حرمته من احبابه
وحرمت احبابه منه
غالي وما يهون علي بعده
وغالي وما يهون علي سجنه


يا قلبي منافق تقدر تقول هالكلام
بس كلمتك صعبة بالموت تنطقها
اللي عاجبك علي تفرضه
واللي مو عاجبك عني تمنعه
خبرني كيف تعرف بالمشاعر تمتلكها .؟
لا يكون تحسب نفسك قلبه..؟


كلما شفت عيونه ذكرني بآلامي
وكلما التهيت عنه بحياتي
كان دايم يطري
مثل الطير على الشباك
يزورني بكل صبح
لا بيدي اقوله روح
ولا بيدي اقوله ادخل
لان عمر الطير ما يحب الحبس
يحب يكون حر


بس شي وسط قلبي وودي اقوله
لناس مخصوصة ترى نفسي حموله
لهاليوم بتحمل هالكلمة فقلبي رغم ثقلها
ضاقت بي دنيتي وماقدر اقلها
حطت بي اغلالها وقيدتني بحبلها
ياريت اقدر ارمي بها لصاحب حملها
بس بنتظر يجيني اليوم اللي فيه اجلها
اتخلص منها وتعرف الناس وشكثر ألمها


احمل عليه ولكن ما اعتب بها
مو ذنبه اني بيوم حملتها
عتابي عليه كلما ذكرته نسيته
نساني اياه بهالبسمه واملها



شفت احد يتمنى الموت غيري
لسبب واحد ذابحني ذكره
ان وصيتي بهالدنيا للناس
اذا مت احد منكم يخبره


شرايكم كتابتي ::