طريقة عمل حلوى العجوت (معجّنات )

**اقرأ اخيا** · 09/01/2007, 06:47 PM

السلام عليكم ...
طبعاً قبل كم يوم سألتكم عن المبروشة وحشّشنا كتير وهلأ وقت الجد ... هاي وصفة لعمل ( العجوت ) الوصفة مجرّبة وأنا عاملتها أكتر من عشر مرّات ... وأبشّركم انها لا محطبة ولا مخشبة ولا ما يحزنون ... على العكس ... اعملوها وكلو وادعولي بس ...

العجوت ...
7 كاسات طحين
1 كاسة زيت ( نصفها زيت زيتون والنص التاني زيت بزرة )
2 كاسة لبن رايب أو حليب .
3 بكيت بيكنج باودر
ملعقة كبيرة خميرة......................
الطريقة من الشيفة أبرار ... احم احم ...

___________

توضح المقادير الناشفة مع بعض وبعدين فوقها السائلة (المبلولة بالفصحى ) ثم تعجن كويّس وبتصير زي العجينة العادية تبعة الخبز واللي ما بعرف شوهو ...
ثم تترك لتتخمّر وتستريح ساعتين ع الأقل ....
بعد ساعتين بتبدي تشتغلي فيها وترقيها ....
هلأ قبل نسيت ابرملك واشرحلك عن الحشوة ...
الحشوة ...
إما بتعمليها هيك او هيكداك ...
إما زيت زيتون وسكّر وقرفة مع بعض ... يعني بكون تقريباً معلقتين كبار سكّر خشن مع معلقة كبيرة زيت مع معلقة صغيرة قرفة وبتخلطيهم ...
أو بتعمليها شوكولاتة مع قرفة بتخلطيهم مع بعض ... طبعاً الشوكولاتة بتكون معجون ...

هلأ العجينة بترقّيها دائرة بعدين بتقطعيها تمن (8) أقسام ...
القسم بكون قطاع دائري ( الله أكبر فصيحة ... بتكون مثلّث ) بتدهنيها بالحشوة بعدين بتبلشي تلفي العجينة من المنطقة العريضة ... العجينة لازم تكون مش كتير رقيقة ومش خميلة معجنة ... وسط (وكذلك جعلناكم امّة وسطاً ) ... شيخة سبحان اللي خلقني !!!
وبالهنا والشفا والهدى والرحمة ... وسلاماااااااات ... الله يرحمه ...

**محمد زر الورد** · 10/01/2007, 12:19 AM

السلام عليكم

مشكوره اختي على الطريقه ..

بس متأكده انه مش حيحصل شيء فيها :yasser-atrees (10): ؟

نشوف الأخوات ..

اللي تجرب تحكي .. اوك :yasser-atrees (1):

لانه الي صاحب فتح مصنع عجوت من كم شهر .. وقاتلني بطعم العجوت تاعه

محمد

**mama** · 10/01/2007, 08:02 AM

انا عجبتني خفة دمك اكتر من الوصفة شكرا كتير على الوصفة:yasser-atrees (10): :yasser-atrees (1): اخي محمد معناته تواسط لاختنا قسام تشتغل بمحل صاحبك اكيد رح يكون شغلها ازكى هههههههههههههه لانه شغل الستات دايما ازكى مش لاني منهم بس لانه هاي شغلتهم ويمكن صاحبك يصير مليونير من شغلها ههههههههههه مزحة هاي اختي ربنا يوفقك ويسعدك يارب
اختك ام معاذ

**روون** · 10/01/2007, 03:58 PM

مشكوررررررره اختى هههههههههه والله دمك عسل

**هبة الرحمن** · 10/01/2007, 04:14 PM

السلام عليكم

كيفك شيخة قسام كمان شيفة

عجوت ........ شو يعني عجوت:yasser-atrees (30):

شكلي صرت مثل زغلول

شيرين

**اقرأ اخيا** · 10/01/2007, 06:31 PM

السلام عليكم...
بت شرين ... الواد اسمة 5656 أو كنيته أبو أرقام ... أنا بس بقول زغلول ماشي ؟!!

**اقرأ اخيا** · 10/01/2007, 06:34 PM

السلام عليكم ...
الأخت تاتا قصدي ماما والأخ محمد ...
والله أخي عرض علي انو يقلب محلّه لمخبز حلويات بس أنا احم احم رفضت أصلي كنت طالبة ... عاد والله انو احسن من الجامعة ...
وينك ادارة ... عجوته هو اللي غريب أما أنا بقوموا اخوتي عنو قاعاً صفصفاً ... الصحن ولا الصينية بكونو ممسوحين !!

الأخت روون ...
تسلمي انت العسل والله ...