طريقة سهلة لإزالة فايروس Autorun

**يامن** · 03/03/2009, 05:31 PM

هذا الفايروس يتواجد على الفلاش ميموري بكثرة هالأيام
وبحجز مساحة في الفلاش ولما تروح تحط فلاشتك في كمبيوتر احد اصدقائك
بروح مصرخ انه فيه فايروس .... والخ ... (فبتولع بينك وبين اصحابك ... وببطل حد يطيقك

)

الحل سهل جدا بدون برامج ...

على اي جهاز كمبوتر حط الفلاش

أول ما تطلع رسالة تفيد بوجود درايفر أو فلاش ... واختار البرنامج المناسب من القائمة
لفتح الدرايفر او الفلاش مثل ما بالصورة ... اضغط الغاء cancel

الآن بعد هيك
روح على Start
وبعدين Run
واكتب cmd
ثم اضغط إنتر ... طبعا انت بتكون عارف شو اسم الفلاش على سبيل المثال Kingston او بإسمك ... لكن لازم تعرف على أي درايف تم تنصيب الفلاش يعني على B, G, M, F .... إلخ
احفظ الدرايف علشان نستخدمه ...

طبعا بعد ما تضغط انتر بعد cmd رح يطلع لك محرر الأوامر command prompt
حط إسم الدرايف مثلا G ثم انتر ما تنسى تحط نقطين فوق بعض بعد اسم الدرايف :

الآن علشان نلاقي ونتأكد من خلو الفلاش من فايروس الأوتورن أو اي فايروس آخر ...
حط الأمر التالي
dir/w/o/a/p
واضغط إنتر

الآن راح تطلع لك قائمة امامك فيها كل ما تحتويه الفلاش ...

في حال طلع أي ملف بالمسمى التالي :

Autorun.inf
New Folder.exe
Bha.vbs
Iexplore.vbs
Info.exe
New_Folder.exe
Ravmon.exe
RVHost.exe
أو أي ملف بإمتداد exe في نهايته طبعا ... (في ملفات بتكون ملفات تنصيب برامج إنساها لازم تكون عارف اسمها ... لكن في حال ما كنت عارف كيف اجت ع الفلاش وهيك امتدادها)
معنى ذلك أنها مصيبة وملزقة في الفلاش ... فدير بالك

الآن أي ملف من السابق بدنا نحذفه من الفلاش ...
اعمل الأمر التالي على نفس لوحة تحرير الأوامر

del autorun.inf
أو
del وبدها اسم الملف المراد حذفه ...

ثم انتر ...

وخلص ... روح على اي جهاز رح تلاقي الفلاش نظيفه وما فيها أي فايروس من الأنواع السابقة
والدارجة بكثرة هالأيام ...