"

النتائج 1 إلى 4 من 4

الموضوع: تفضلو من فضلكم ملف للحلويات

  1. #1
    تاريخ التسجيل
    Dec 2009
    الدولة
    احلى بلد المغرب
    المشاركات
    110
    شكراً
    168
    شكر 19 مرات في 12 مشاركات

    تفضلو من فضلكم ملف للحلويات





    الحلويات

    Gateaux



    كيك بالفواكه الجافةçتقدم مع العصير أو أتاي Cake aux fruits secs
    المقادير
    - 5 بيض، -كأس و نصف زيت، -300 غ سنيدة، -250 غ دقيق الفرص، (كاطو)، -200غ سميدة رقيقة، -كأس و نصف DANAP، -رأس معلقة لفاني، -3 خميرة الحلوة ما يعادل 3 معالق ممسوحين، -كأس ونصف زبيب مقطع رقيق، -كأس و نصف كركاع مقطع رقيق، -150غ شكلاط أبيض، -50غ شكلاط أسود
    الطريقة :
    البيض + سنيدة + لفاني +يتخدموا مزيان بالباتور + الزيت + داناب + دقيق مع سميدة نأخذ نصفهم نخلطوه مع زبيب و الكركاع بعد ذلك نخلط الخميرة مع النصف الثاني و نبدأ بالخليط الأول ثم نضع عليهم الخليط ديال الفواكه. بعد ذلك يصب الخليط في طاوة مدهونة بالزيت وترش بالدقيق، ندخلها للفرن. عندما تنضج نتركها تبرد جيدا، نزوقها بالشكلاط الأبيض و الأسود.
    أولكا ÖOLGA10 دقائق في الفرن؛ 34 وحدة على شكل غريبة (60 مكورة)
    ‍‍المقادير
    - 250غ لوز -250غ التمر -‍‍1 بيض -100غ سنيدة -رأس ملعقة القرفة -4/1 كوزة -قليل سنيدة للتفناد
    الطريقة:
    ينظف اللوز و يطحن بالقشرة مزيان، التمر يطحن مع قليل من اللوز المطحون،+ الكوزة مطحونة + القرفة + سنيدة + البيض ثم تكور و تفند في سنيدة و توضع في الطاوة المدهونة بعدما تضعي فوقها العقيقة البيضاء.
    وريدات باللوزÖ10 حتى 15 دقيقة في الفرن، 60 وحدة، 150 بالبوق.
    المقادير
    - 2/1 كيلو لوز، -250غ سنيدة؛ -1 بيض + 1 غير الأبيض؛ -معلقة كبيرة كوفيتير
    المشماش؛ -معلقة صغيرة قشرة الحامض محكوك؛ -الألوان: اخضر، أحمر؛ -سكر كلاسي للتفناد.
    الطريقة
    اللوز مصلوق ومطحون + سنيدة + البيض + كوفيتير + الحامض، نقسم العجين على إثنين، نصف أحمر و نصف أخضر ثم تكور و تفند في السكر كلاسي و توضع في الفرن بعدما تدهن الطاوة بالزيت.
    مثلثات باللوز الملونLosanges à la pâte d'amande et au chocolatÖ
    المقادير
    - 2/1 كيلو لوز مصلوق و مطحون؛ -200غ سنيدة؛ -4/1 كيلو شكلاط أبيض؛ -ألوان: أخضر، أحمر؛ -3 معالق الزهر.
    الطريقة:
    تعربدين اللوز على ثلاث عربدات 2 عربدات حمراء و واحدة خضراء، تضعين 2 عربدات حمراء على طول واحد متلاصقتين و تدهنيهم بالشكلاط الأبيض 2 دهنات و بعد مدة قليلة قبل أن تجمد تضعي فوقهم العربود الأخضر وتدهنيه جيدا 2 دهنات بالشكلاط الأبيض و يوضع في الثلاجة لكي يبرد لمدة 10 دقائق و بعد ذلك يدهن القاع ديالها بالشكلاط الأبيض 2 دهنات مرة أخرى الثلاجة.
    فاكهة الملوك Fruits du Roi
    المقادير
    - 2/1 كيلو لوز مصلوق و مطحون؛ -200غ سكر كلاسي؛ -4 معالق كبار ماء الزهر؛ -قليل سنيدة للتفنيد؛ -الألوان، أحمر أخضر أصفر قهوي.
    الطريقة
    تطحني اللوز مع سكر كلاسي ثم ماء الزهر وتقسم العجين على 4 ألوان: أحمر نصنع منه حبات فريز Fraise و تفند في سنيدة و يوضع لها قليل من الأخضر كالورقة. ـ و بالأخضر و الأحمر نصنع الدلاح ـ و بالأصفر نصنع البنان ـ و بالأحمر و الأخضر معجونين نصنع العنب -5 كويرات، 4 ، 3 ، 2 ، 1و أخيرا نصنع العود ثم ندخلها للثلاجة لمدة 10 دقائق.
    أصابع كوك و شكلاطDoigts au coco et chocolat Ö
    المقادير:
    - 250غ كوك، -علبة نستلي، -150غ شكلاط أسود، -ملعقة صغيرة حامض محكوك.
    الطريقة
    نضع في إناء الكوك مطحون مع الحامض محكوك ثم نحاول جمعها بعلبة نستلي بأكملها . تكون خفيفة و تشرب قليلا بقليل بعد ذلك ندهن أيدينا بالزيت و نكورها كواري صغار جيدا (أو نحربلها ) و نضعها في الطاوة المدهونة في فرن ساخن جيدا، العافية مهيلة 10 د. بعد نضجها تغطس في الشكلاط الأسود الدائب و توضع على ميكة بيضاء حتى تجف وتلصق الكرة مع أخرى و توضع في كواغط، بالنسبة للحرابل يدهن نصفها الأول بعدما يجف يدهن النصف النصف الثاني و توضع على الميكة حتى تجف.
    ماكرون فرنسية Macarons Français
    المقادير
    - 200غ لوز مصلوق ناشف؛ -3 أبيض البيض؛ -150غ سكر كلاسي؛ حامضة محكوكة؛
    - Papier glaces (لازم).
    الطريقة
    اللوز مطحون مع الحامض محكوك + نصف السكر ونطحنوه ، النصف الثاني ديال السكر نخدموه مع أبيض البيض كالثلج ثم نضيف إلى اللوز بعناية فائقة من تحت إلى فوق. الفرن ساخن مزيان ندهن الطاوة بالزيت نضع فوقها الكاغيط ثم نعاود ندهنو بالزيت نستفهم متباعدين بالسرانغ وندهنهم بالماء البارد و الشيتة. النار تكون مهيلة أقل من الكيك الفرن يكون مشقوق. لما تنضج تخرجيها من الفرن تهزي الكاغيط و تسكبي كأس صغير من الماء البارد بعد قليل تأخديها.
    كيك بالقهوة Cake au café et noix
    المقادير
    - 3 بيض، -كأس و نصف الزيت، -كأس و نصف سنيدة، -كأس مخلط قهوة وحليب، -رأس معلقة لفاني، -3 معالق صغار خميرة، -50غ كركاع أو 75غ لوز، -3 كيسان طحين، -100غ شكلاط أسود و 50غ أبيض، -4 معالق صغار كاكاو
    الطريقة
    نخدمو البيض مع السكر مزيان + الزيت + القهوة و حليب، نقسمو الطحين إلى إثنين، نصف نخلطو مع اللوز و النصف الثاني مع الخليط و الخميرة و كاكاو وبعد ذلك نزيدو الطحين و اللوز + لفاني بعد ما ندهنو الطاوة بالزبدة ونرشها بالطحين نضع فيها الخليط ثم توضع في الفرن الساخن جدا بعدما نخرجها من الفرن نتركها حتى تبرد و ندهنها بالشكلاط الأسود و نزوقها بالأبيض.
    غريبة الزنجلان و النخالة (أتاي)
    المقادير
    - نصف كيلو زنجلان محمص و مطحون أو 125غ لوز + 125غ زنجلان، -125غ سنيدة أو سكر كلاسي، -نصف كأس زيت، -100غ نخالة، -معلقة صغيرة خميرة، -3 بيض، -رأس معلقة لفاني، -نصف معلقة حامض محكوك.
    الطريقة
    الزنجلان + النخالة مطحونين + الخميرة + البيض و السنيدة مخدومين + الزيت + لفاني + الحامض ثم نكورها ونفندها في السكر كلاسي و نستفها في طاوة مدهونة بالزبدة ومرشوشة بالطحين.
    مثلثات باللوز و الكلاسي (أتاي) Les losanges aux amandes
    المقادير
    - نصف كيلو لوز مقشر و مطحون، -100غ سكر كلاسي، -بيض بيضة، -4 معالق كنفتير المشمش، -200غ سكر كلاسي، -بيض بيضة، -معلقة صغيرة الحامض أو الليمون.
    الطريقة
    نأخذ اللوز المطحون، سكر كلاسي، بيض بيضة ويتخدموا مزيان ثم نقسموهم على 2 نطلقهم ثم ناخدو واحدة ندهنوها بالكنفتير ثم نضع فوقها الثانية ثم ناخذو كلاصاج بيض بيضة سكر كلاسي معلقة صغيرة عصير الحامض ثم نخدمو بالفرشيط. ندهن العجين بالكلاصاج تترك حتى تنشف ثم تطبع فتطهى.
    ماكارون فرنسية (أتاي) 10 حتى 15 دقيقة -35 أو 40 وحدة.
    المقادير
    - 250غ لوز بقشوره، -200غ كلاسي، -3 بيض البيض، -رأس معلقة قليلة لفاني، -50غ لوز صحيح للتزيين.
    الطريقة
    نطحنو اللوز بالقشور كالغبرة + بيض البيض + السكر كلاسي + لفاني مطربين كالثلج بعد ذلك نزيد عليهم اللوز بعدما نكون حليتو من الكواري (شوي شوي)، دهني الطاوة ورشيها بالطحين و عملي الخليط في لاسورانك و ستفيهم في الطاوا متباعدين ودهنيهم بالماء و زوقيهم بنصف لوزة ثم الفرن ساخن جدا النار أقل من مهيلة.
    بسكوي خفيف 100 قطعة دوبل، البوق رقيق
    المقادير
    - 500غ زبدة "بنة"، -200غ كلاسي، -800غ حتى 900غ دقيق، -رأس معلقة لفاني،
    - معلقة صغيرة خميرة، -زلافة صغيرة كونفيتير الليمون، -250غ شكلاط أسود.
    الطريقة
    تدلكي الزبدة مع السكر كلاسي و لفاني تزيدي عليهم خميرة و الدقيق شوي شوي ثم تدلكيها شوي، البوق رقيق ثم الطاوة مدهونة بالزيت و الفرن ساخن جدا دخلي الطاوة الفرن العافية مهيلة "كالكيك" ما تحمريهاش مزيان. بعدما تطيب تدهنيها بالكونفيتير و لاصقيهم وحدة مع الأخرى وعملي رأسهم بالشكلاط مدوب و وضعيهم فوق الميكة حتى يبردوا.
    غريبة البهلة (أتاي)
    المقادير:
    - 4 كيسان كاوكاو محمص و مقشر و مطحون مزيان، -2 كيسان الزنجلان مقلي و صحيح، -4كيسان كلاسي، -2كيسان الزيت، -2كيسان الزبدة مدوبة، -4معالق صغار خميرة، -قليل المسكة الحرة مدقوقة، -دقيق حسب الخليط.
    الطريقة
    دلكي الزبدة مع السكر و الزيت ثم زيدي عليهم المسكة، الزنجلان، كوكاو و الخميرة بعد ذلك الدقيق . إجمعي العجينة ثم دلكيها مزيان. في طاوة مدهونة ومرشوشة بالدقيق ضعي الكويرات بعد دهن اليد بالزهر. من الأحسن إرسالها إلى فرن الزنقة للطياب.
    محنشات صغار (القهوة أو الحليب مع اللوز)
    المقادير: 50 حتى 60 وحدة
    - 500غ لوز، -200غ سنيدة، -2 معالق حتى 3 كبار الزهر، -قليل القرفة، -50غ الزبدة، -250غ الورقة، -250غ العسل، -2معالق كبار الزهر وشوي القرفة مع العسل.
    الطريقة
    خذي اللوز مصلوق ومقشر وناشف مزيان طحنيه 2 طحنات وزيدي عليه سنيدة و طحنيه ثم زيدي عليه الزبدة الزهر ودلكي مزيان . خذي الورقة وقطعيها طويلة 8 حتى 10 سم في الطول والعرض 3سم (دائما دهنيها بالزيت واشتري الورقة في ساعتها) بعدما تطويها وضعيها في طاوة مدهونة و مرشوشة ودهني المحنشة من الفوق بالزيت و دخليها للفرن لمدة 20 دقيقة النار مهيلة الفرن سخون بعدما ما طيب دوبي العسل مع الزهر و دهنيها 2 مرات بالشيتة.
    حلوة كاوكاو (أتاي)
    المقادير: 80 حتى 100 وحدة
    - 1 كيلو كاوكاو رقيق أحمر محمص و مقشر، -4 بيضات، -رأس معلقة لفاني، -500غ سكر كلاسي، -2 معالق كبار كونفتير، -معلقة صغيرة الخميرة.
    الطريقة
    طحني كاوكاو المحمص و مقشر زيدي عليه البيض مع السكر كلاسي الكونفيتير + لفاني ثم خلطي 2 حتى3 دورات و حبسي ثم خلطي كوكاو و الخميرة وزيدي شوي بشوي ثم وضعيها في الثلاجة ساعة كاملة ، الطاوة مدهونة ومرشوشة ، كوري الخليط كويرات صغار جدا فنديهم في السكر و ستفيهم متباعدين و دخلي الطاوة في الفرن سخون و العافية مهيلة بعدما تنضج نلصقها بالكونفتير (15 د للطياب).
    فوري بيضاء بالفواكه 2 كيكات (العصير)
    المقادير
    - 4بيضات، -125غ سنيدة، -125غ دقيق، -نصف معلقة خميرة، -قليل من لفاني،
    - إلى بغيناها سوداء ننقص 4 معالق دقيق و نعوضهم بالكاكاو،
    - السيرو: كأس و نصف سنيدة، -3كيسان الماء، -قليل من لفاني،
    - شانتيي: 600غ لكريم فريش، -4 معالق كبار سنيدة، -50غ شكلاط محكوك للتزيين.
    الطريقة
    1) البيض + سنيدة + لفاني يتخبطو بالباتور مزيان ثم نخلط الخميرة و لفاني مع الكاكاو مغربل و نزيد شوي بشوي على الخليط الأول ثم نضعه في الطاوة (الطاوا مدهونة و مرشوشة و لاصق عليها الكاغيط مدهون بالزيت). دائما الفرن سخون العافية أقل من مهيلة 15 حتى 20د بعدما نضعها في الفرن نهيىء الجينواز الثانية.
    2) السيرو: نضع سنيدة مع الماء فوق النار حتى تطلع الغلية ثم لفاني و نطفي مباشرة و نتركه يبرد و هذا السيرو يصلح للكيكتين.
    3) بعدما نكون وضعنا لكريم فريش في الثلاجة لمدة ساعتين ووضعنا الإيناء في الثلج لمدة 15د نطربو بالباتور ونضعه في الثلاجة عدة مرات حتى يطلع.
    4) نأخذ الحلوى الأولى و نسقيها بالسيرو في الطبسيل الذي سنقدمها فيه نطليها بالكريم فريش نسقي الثانية بعدما نكون وضعناها فوق الأولى نطليها بالكريم فريش نزوقها بالشكلاط المقطع بالسكين.
    5) الفواكه: مشماش، التفاح، البنان تقطع قطعا صغيرة وستفناهم في الطاوا و دهناهم ب 4 معالق كبار الحامض معصر و 4 كبار معالق سنيدة و ورقة جيلاتين. نضع الحامض و سنيدة تدوب فوق النار سريعا و تطفي عليها و تضعي فوقها الورقة الجيلاتين الفازكة بالماء و معصرة. و بعدما تدوب دهني بيها الفواكه بالشيتة ولما تبرد نضعها فوق الفوري بيضاء (Forêt blanche).
    لافوري نوار عادية (العصير)
    المقادير:
    - 5 بيضات، -2 كيسان سنيدة، -كأس و نصف زبدة مذوبة، -3 كيسان دقيق،
    - 3 معالق صغار كاكاو 3 معالق صغار خميرة، -رأس معلقة لفاني.
    الطريقة: كالحلوى الجينواز لكن بعدما تطيب تقسم على إثنين.

    محنشة كبيرة (أتاي)
    المقادير
    - 2 كيلو لوز، -كيلو ورقة، -500غ عسل، -6 حتى 8 معالق كبار الزهر، -150غ زبدة، -800غ سنيدة، -شوي القرفة في العسل.
    الطريقة
    كالمحنشة صغيرة الورقة تقطع على زوج بعدما دهنيها بالزيت و تنضج دهنيها بالعسل المدوب مع القرفة و العسل وترشيها باللوز مقلي و مهروش.
    الصخور باللوز (أتاي)
    المقادير
    - 250غ لوز مهرمش بالقشور، -3بيض البيض، -250غ سنيدة، -رأس معلقة لفاني،
    - 50غ شكلاط أبيض، -50غ شكلاط أسود
    الطريقة
    خذي البيض و سنيدة + لفاني و وضعيه فوق نار مهيلة و حركيه لمدة 8 دقائق حتى يرجع بعد ذلك مثل نستلي زيدي عليه اللوز مهروش ووضعيه يبرد وحركيه مرة مرة و بعد ذلك نستفهم برأس المعلقة متباعدين في طاوة مدهونة ومرشوشة و ندخلها للفرن الساخن ، العافية مهيلة مدة الطياب 15 دقيقة بعد ذلك تلصق وحدة مع وحدة، واحدة بالشكلاط الأبيض و واحدة بالأسود المدوب.
    مربعات جويف (العصير، القهوة)
    المقادير: 80 حتى 90 وحدة ، 20د للطياب
    - 250غ لوز محمص بالقشور، -250 الزبيب أو الثمر، -150غ زبدة صحيحة، -250غ دقيق، -3معالق صغار الزهر، -150غ شكلاط (100غ أبيض، 50غ أسود)، -رأس معلقة لفاني.
    الطريقة
    خذي قليل من الدقيق و طحني بيه الزبيب أو الثمر ثم طحني اللوز المحمص مهرمش. خذي الزبدة +الزهر و دلكيها قليلا ثم خلطي الزبيب أو الثمر مع اللوز و لفاني بعد ذلك خلطي الجميع مع الباقي ديال الدقيق لكي تحصلي علي عجينة عادية بعد ذلك طلقيها بالدلاك و قطعيها مربعات ثم ستفيها في طاوة مدهونة و مرشوشة ودخليها للفرن الساخن على نار هادئة بعدما تنضج اتركيها تبرد، الشكلاط مع مقداره ديال الزيت ذوبيهم مخلطين ثم غطسي فيه المربعات و وضعيها فوق الميكة وزوقيهم بالعقيقة.
    مستطيلات بالفواكه الملونة (أتاي)
    المقادير: 40 حتى 50 قطعة مع الشاي
    1) العجين: -250غ الزبدة، -200غ سنيدة، -2 بيضات، -رأس معلقة لفاني، -نصف معلقة صغيرة خميرة، -400غ حتى 500غ دقيق.
    2) لافارس: 5 معالق كبار كونفتير، -250غ فواكه ملونة.
    للزواق: 4 بيضات، -125غ كوكو، -100غ سنيدة.
    الطريقة
    1) العجين: خدمي الزبدة مع السنيدة باليد بعد ذلك البيض ثم لفاني الخميرة، حاولي تجمعي الخليط بالدقيق لكي تحصلي على عجينة مرخوفة.
    2) لافارس: نضع العجين الأول في الطاوة ديال الكيك مدهونة و مرشوشة بعد ذلك ندهن العجين بالكونفتير و نرش عليها الفواكه الجافة.
    3) خذي الأبيض ديال البيض وقسمي سنيدة على 2 نصف للأبيض و نصف للأصفر بعد ذلك طلعي الأبيض مع سنيدة كالثلج وخدمي الأصفر و سنيدة حتى يرجع كريم ثم حاولي دخلي الكوكو مع الأصفر دخليه من تحت إلى فوق. حاولي تزيدي الأبيض كالثلج على الأصفر وكوكو من تحت إلى فوق ثم صبي هذا الخليط على الخليط الموجود في الطاوة و دخليها للفرن الساخن النار كالكيك، 20 حتى 25د، بعدما تخرجيها من الفرن غربلي عليها السكر كلاسي و هي سخونة وزوقيها بالفواكه، لا تقطع حتى تبرد.
    فول أوفا (القهوة) Vol au vent
    المقادير
    - كيلو عجينة مورقة pâte feuilletée))، -500غ صدر الدجاج، -500غ بصلة ،
    - قليل حتى 100غ زبدة، -ملح، إبزار، -ملعقة حتى 2 كبار دقيق، -150غ فرماج محكوك،
    - البيشميل (la bechamelle) : نصف ليتر حليب، -4معالق كبار ممسوحين ميزينا، -50غ زبدة، -ملح، -إبزار،
    الطريقة
    1- طلقي العجينة قطعي دوائر بالكأس من بعد خذي نصف الدوائر و ثقبيهم من الوسط بالطابع الصغير. دهني الدوائر الصاينين بأبيض البيض و ضعي فوقهم الدوائر المثقوبين و دهني الكل بأصفر البيض و دخليهم للفرن الساخن و نار معتدلة.
    2- الحشوة: ضعي الزبدة في مقلاة + البصلة مقطعة غليظة ثم الدقيق و الزيت بعدما تنضج زيدي الملح و الإبزار. طفي عليها وصفيها من الإيدام ، و هذا الإدام زيدي عليه شرائح الدجاج بعدما يطيب زيدي عليه الملح و الإبزار و طفي عليه ثم صفيه من الإيدام و قطعيه رقيق.
    3- البيشميل الحليب بارد + 4معالق ميزينا+ الزبدة + ملح خلطي الجميع و ضعيه فوق النار و أنت تحركين في نفس الإتجاه حتى تثقال ثم الإبزار و لما تطيب زيديها على الدجاج و البصل بعد ذلك عمري الفول أوفا ودردري عليها الفرماج محكوك ثم دخليها للفرن.
    حلوة كويغطات بالزنجلان (أتاي)
    المقادير: من 80 حتى 90 وحدة
    - 500غ زنجلان (أو 250غ كاوكاو 250غ زنجلان)، -125غ كوكو، -300غ سكر كلاسي + 150غ للتفناد، -3 بيضات، -رأس معلقة صغيرة خميرة، -معلقة صغيرة قشرة الحامض محكوكة.
    الطريقة
    خذي الزنجلان محمص و مطحون مزيان زيدي عليه كوكو مطحون مع الحامض محكوك + خميرة. من بعد خذي البيض زيدي عليه السكر كلاسي و خبطي باليد ثم خذي الخليط الأول و زيدي عليه الثاني و وضعيهم في الثلاجة ريثما تشرب ثم نستف الكواغط في الطاوة، عملي كويرات و فنديهم في السكر كلاسي مدة الطياب 15د حتى 20د النار مهيلة لا تفتحي الفرن قبل 15د.
    وريدات مراكشي (أتاي) les petits fours marakchi
    المقادير:
    - 250غ زبدة، -4معالق كبار سكر كلاسي، -4معالق كبار الزهر، -كأس كركاع مهرمش، -كأس الزنجلان محمص، -رأس معلقة صغيرة خميرة، -3بيضات، -سكر كلاسي للتفناد.
    الطريقة:
    خدمي الزبدة مع السكر كلاسي جيدا زيدي عليهم البيض الزهر، الكركاع، الزنجلان و الخميرة ثم جمعي بالدقيق يكون الخليط كالخبز . طلقي العجينة بالدلاك و قطعيها بالطابع عندما تنضج فنديها سخونة في السكر كلاسي، الفرن ساخن، مدة الطياب 20 حتى 25د.
    حلوة عيد الميلاد (مونادا، عصير)
    المقادير
    - جينواز كبيرة: -5بيضات، -150غ سنيدة، -150غ دقيق، -نصف معلقة صغيرة خميرة، -رأس معلقة لفاني.
    - جينواز صغيرة: -3بيضات، -100غ سنيدة، -100غ دقيق، -أقل من نصف معلقة خميرة، -رأس معلقة لفاني،
    - السيرو: -كأس و نصف سنيدة، -3 كيسان الماء، -كأس صغير ليمون معصر، -لفاني.
    - لكريم: 500غ زبدة، -4بيضات صغار إما الأبيض إما الأصفر، -كأس حليب من الأحسن نيدو ، -كأس الزيت ، -معلقة صغيرة ممسوحة لفاني ، -3معالق كاكاو، 200غ سكر كلاسي . بعدما يتخدم لكريم دخليه للثلاجة.
    - 100غ شكلاط أسود للزواق،
    - 100غ شكلاط فيرمسيل.
    الطريقة
    الجينواز: خذي السكر و خدميه مع البيض حتى يطلع 3 مرات حجم الخليط من بعد دخلي الدقيق و الخميرة من تحت إلى فوق ثم صبيه في طاوا مدهونة و مرشوشة و فوقها الكاغيط مدهون.
    السيرو: خلطي الماء و السكر ثم وضعيهم على النار حتى يغلي قليلا بعدما تطفي مباشرة زيدي عليهم كأس الليمون و لفاني.
    لكريم: خذي الزبدة + البيض ثم السكر كلاسي و طربي بالباتور جيدا بعد ذلك كبي قليلا من الحليب و طربي زيدي قليلا من الزيت و طربي ثم الحليب ثم الزيت حتى النهاية ويطلع الحجم ديالو للضعف (×2).
    أول مرحلة سقي الجينواز بالسيرو، ثانيا زوقي بالشكلاط، ثالثا زوقي بلكريم، رابعا زوقي بالفيرمسيل.
    المخرقة (القهوة)
    المقادير
    - كيلو فرص، -زلافة السبسيال، -كأس الزبدة مذوبة، -كأس الزيت البلدي والرومي،
    - زلافة الزنجلان محمص و مطحون، -كأس اللوز بالقشور محمص و مدقوق، -معلقة كبيرة النافع حتى معلقة و نصف، -معلقة صغيرة القرفة، -ربع كأس الخل، -2 صفر البيض،
    - شوي الزعفران الحر و الرومي، -نصف كأس الزهر، -معلقة صغيرة خميرة ألزا، -شوي الخميرة معجونة، -3كيلو العسل.
    الطريقة
    ضعي الدقيق + اللوز + الزنجلان +النافع +القرفة + ألزا خلطيهم جيدا في وسط الخليط ضعي البيض + الزهر + خميرة الخبز + الزعفران + الزبدة و الزيت، خلطي الجميع و جمعي الكل بالزهر ثم كوري العجينة و ضعيها في ميكات و خليها ترتاح شوي. من بعد قطعي و قلي في الزيت و ضعي في العسل
    البقلاوة (القهوة)
    المقادير
    - 500غ عجينة مورقة، -كيلو لوز مصلوق و مقشر ثم محمص في الفرن و مطحون مزيان،
    - 50غ لوز للزواق، -قليل من لفاني، -100غ زبدة، -2معالق كبار الزهر، -150غ سكر كلاسي.
    الطريقة
    لوز + لفاني+ الزبدة + السكر كلاسي + الزهر جمعي الخليط جيدا ثم خذي العجينة المورقة قسميها على ‌‌2 طلقي النصف الأول أكبر من النصف الثاني و ضعيه في الطاوة المدهونة ثم ضعي عجين اللوز و قلبي عليه جوانب العجينة ثم طلقي النصف الثاني من فوق على حد الثنية و شرحيها ضامات و زوقيها باللوز أخضر و اتركيها لمدة 4 ساعات ثم دخليها للفرن الساخن ونار عادية بعدما تنضج دهنيها بالعسل.
    سيكار كوكو (أتاي)
    المقادير: 80 قطعة
    - 500غ كوكو، -100غ زبدة ، -100غ سنيدة، -5معالق كبار عسل، -3 معالق كبار الزهر، -شوي القرفة، -500غ الورقة، -كيلو عسل.
    الطريقة
    طحني كوكو مزيان خدميه بالزبدة زيدي سنيدة الزهر العسل القرفة و خلي الخليط يشرب ثم طويهم قنانيط دهنيهم بالزيت و دخليهم للفرن بعدما يطيبوا طفيهم في العسل البارد.
    لبريوات باللوز (القهوة)
    المقادير: من 150 إلى 200 وحدة
    - كيلو لوز، -100غ زبدة طراف، -150غ سنيدة، -3معالق الزهر، -4معالق العسل،
    - معلقة صغيرة ممسوحة القرفة، -750غ الورقة.
    الطريقة
    قلي نصف اللوز و النصف الآخر خليه أخضر من بعد طحنيه مع سنيدة ثم زيدي عليه الزبدة القرفة و الزهر معكيه مزيان ثم طوي الورقة مع قليل من عجين اللوز.
    بليغات الزنجلان (أتاي)
    المقادير: من 70 إلى 80 قطعة
    - كيلو دقيق كاطو، -750غ زنجلان محمص، -كأس زيت و زبدة مدوبة، -كأس الزهر،
    - شوي المسكة الحرة، -شوي القرفة، -معلقة صغيرة الخميرة، -بيضة.
    الطريقة
    جمعي المواد الجافة كلها ثم عملي حفرة في الوسط وزيدي المواد السائلة و جمعي الخليط وكملي بالماء دافيء من بعد كوريها ثم طلقيها بالدلاك قطعيها و طويها و ستفي في طاوة مدهونة و مرشوشة و دخليها للفرن الساخن النار معتدلة لما يتحمرو مزيان طفيهم في العسل و زوقي باللوز مقلي و مهرمش.
    الفقاص المراكشي أتاي
    المقادير
    - 500غ كاوكاو أو لوز محمصين، -200غ سكر كلاسي، -100غ زبدة أطراف،
    - رأس معلقة لفاني إلى استعملتي كاوكاو، -200غ كريم فريش، -300 حتى 400غ دقيق.
    الطريقة
    طحني مزيان كاوكاو أو اللوز زيدي السكر و لفاني ثم الزبدة، جمعي الخليط و حربليه حرابل صغار و وضعيه في الثلاجة ، بعد ذلك خلطي العجين الذي يتكون من لكريم فريش زيدي الدقيق شوي شوي ودلكيه قليلا ثم طلقي العجين بالدلاك و ضعي فوقها الحرابل و غطي عليها و قطعي ثم دخلي للثلاجة لمدة 12 ساعة (إلى كنتي زربانة نصف ساعة في الكونجيلاتور) و قطعيهم شرائح ovale و ضعيهم في طاوة مدهونة و مرشوشة النار عادية.
    الفقاص المالح (القهوة)
    المقادير
    - كيلو دقيق، -150غ فرماج محكوك، -150 حتى 100غ كريم فريش في حالة عدم وجوده يستعمل الفرماج بدلا منه، -150غ الزبدة، -نصف كأس زيت، -كأس حليب،
    - 2معالق كبار الخل، -معلقة كبيرة موتارد moutarde، -معلقة صغيرة إبزار، -معلقة صغيرة هريسة ، -معلقة صغيرة خميرة معجونة، -2معالق صغار خميرة.
    الطريقة
    خلطي مع الزبدة المذوبة و حاولي تجمعي إلى ناقص كملي بالماء دافىء أو الحليب العجينة تكون كعجينة الخبز و دلكيها مزيان ثم حربلي حرابل رقاق و بعديهم في طاوة مدهونة و مرشوشة ودخليهم للفرن بعدما تكوني عرقتيهم حتى يتنفخوا و اتركيهم في الطاوة 4ساعات حتى يبردوا ثم قطعيهم أطراف صغيرة و دخليهم للفرن لكي يتحمروا.
    جدع الشجرة بالشكلاط (القهوة) La buchette
    المقادير
    - 500غ لوز مصلوق ناشف و مطحون، -2 معالق كبار الزهر، -100غ سنيدة،
    - 3بكيات هنريس مطحونين، -حك نستلي، -رأس معلقة لفاني، -200غ شكلاط أسود،
    - 3ألوان: أحمر أصفر أخضر أو حسب الذوق.
    الطريقة
    طحني اللوز مع سنيدة ثم الزهر و معكيه جيدا. قسمي الخليط إلى 3 أقسام كل واحد ضعي فيه لون و حربلي حرابل صغار و رقاق ثم ضعيهم في الثلاجة ريتما تخلطي هنريس مع نستلي و لفاني وضعيه في الثلاجة بعدما تقبط راسها طلقيها بالدلاك و ضعي فوقها الحرابل واحد بعد الآخر و قطعي على الحرف ذوبي الشكلاط بالزيت و دهنيهم بالشيتة 2 مرات من تحت إلى فوق أو من تحت إلى فوق بعدما يبرد الشكلاط قطعيهم ovale.
    كرواصات بالشكلاط (القهوة)
    المقادير
    - 500غ دقيق، -بيضة، -نصف كأس سنيدة، -نصف كأس الزيت، -الخميرة المعجونة،
    - معلقة الخميرة، -250غ الزبدة "بنة"، -الملح، -الماء دافيء، -الشكلاط أسود،
    - اللوز مهرمش، -الكوفتير، -الزبيب، -سنيدة،
    الطريقة
    خذي الدقيق مع البيضة سنيدة الزيت الخميرة و الملح جمعي عجينة عادية كالخبز دلكيها قليلا ثم غطيها و خليها تخمار مزيان من بعد طلقيها الطلقة الأولى وضعي فوقها الزبدة ثم طلقيها 4 مرات متتابعة ثم خليها تخمار مرة أخرى بعد ذلك طلقيها مرة أخرى و قطعيها على هذا الشكل فيه الشكلاط:
    هذا الشكل بلا شكلاط يكون العجين رقيق:
    على شكل بليغة يدهن بالكوفيتير وفي الجوانب اللوز مقلي و مهرمش:
    على هذا الشكل يكون فيه سنيدة و الزبيب ثم لويه على شكل دائرة كالمحنشة ندردر عليهم اللوز مهرمش:
    حلوة لافاش كيري (أتاي) Gâteau la vache qui rit
    المقادير: 80 قطعة
    - 4 فرماجات، -125غ الزبدة، -300غ لوز مصلوق محمص، -250غ عسل،
    - ملح، دقيق حسب الخليط.
    الطريقة
    خذي الزبدة و خدميها مزيان مع الفرماج ثم الملح و الدقيق يكون الخليط كعجين الخبز حربليها حرابل رقاق لأنها تتنفخ ثم قطعيهم أطراف صغار في طاوة مدهونة و مرشوشة دخليهم للفرن ساخن النار عادية بعد ما يطيبوا طفيهم في العسل و ضعيهم في الكواغط و دردري عليهم اللوز مهرمش.
    حلوة الزلافة (أتاي) Gâteau du bol
    الطريقة
    - زلافة البيض، -زلافة دقيق، -2معالق خميرة، -3 معالق كبار ممسوحين كاكاو،
    - شوي لفاني، -2 حكاك جوكي، -كأس هاواي، -زلافة سنيدة.
    الطريقة
    خدمي البيض مع سنيدة بالباتور ثم باليد الخميرة سنيدة لفاني كاكاو والدقيق ثم خويها في طاوة مدهونة و مرشوشة و دخليها في فرن ساخن النار معتدلة بعدما تطيب سقيها بهواي و دهنيها بالجوكي.
    كوبلي بالشكلاط (العصير) Goblet au chocolat
    المقادير: 80 قطعة
    العجين
    - 500غ دقيق، -250غ زبدة، -50 حتى 100غ كلاسي "لاباط"، -2معالق صغار الزهر أو معلقة كبيرة،
    الحشوة
    - 250غ اللوز أو كاوكاو مصلوق و مقشر و محمص، -50غ الزبيب، -250غ شكلاط أسود، -50غ شكلاط أبيض، -100غ سكر كلاسي، -50غ زبدة.
    الطريقة
    1) طحني اللوز مزيان ثم طحني الزبيب مع شوي اللوز مطحون زيدي الزبدة ثم السكر كلاسي جمعي الكل و حربلي حرابل رقاق وضعيهم في الثلاجة
    2) دلكي الزبدة و السكر ثم الزهر و بعد ذلك الدقيق شوي شوي جمعيها بلا دليك ، كوري كواري صغار و طلقي بالدلاك وضعي في قلبها الحرابل و قطعي أطراف صغار ثم الفرن سخون النار مهيلة من بعد 10د فتحي الفرن لما تنضج ذوبي الشكلاط مرمدي وحدة وحدة ملي تبرد زيدي نقطة الشكلاط أبيض من فوق.
    مثلثات بالشكلاط (العصير) losange au chocolat
    المقادير
    - 500غ كاوكاو، -250غ شكلاط أبيض، -50غ شكلاط أسود للزواق، -شوي لفاني، -8 معالق عسل.
    الطريقة
    خذي خنشة ميكة وضعيها في قلب مقلاة مربعة بعدما تكوني دهنتيها بالزيت ثم ضعي الخليط المكون من كاوكاو مع العسل و لفاني بعدما تجمعي الجميع ضعيه في المقلاة و تبثيه جيدا في قاع المقلاة ثم دهنيه بالقليل من الشكلاط الأبيض بالملعقة بعدما يجمد قلبيها على الوجه الآخر و دهني جيدا بالشكلاط الأبيض وهي سخونة زوقيها بالشكلاط الأسود بالسكينة طولا طولا بعد ذلك عرضا عرضا طلعي و هبطي.
    كونفيزري (العصير) les confisceries
    المقادير
    - 250غ شكلاط أسود، -250غ شكلاط أبيض، -رأس معلقة لفاني، -250غ لوز محمص بلا قشور، -3 حتى 4 معالق كبار العسل.
    الطريقة
    ذوبي الشكلاط الأسود بوحدو و الأبيض بوحدو مع لفاني زيدي معلقة صغيرة الشكلاط الأسود و شوي ديال اللوز مع العسل و لفاني و كبي معلقة الشكلاط الأبيض. مرة نبدأ بالشكلاط الأسود و نغطي بالأبيض و مرة الأبيض و نغطي بالأسود.
    روشي صابلي أتاي Les rochers sablés
    المقادير
    - 250غ زبدة، -3أصفر البيض، -150غ سكر كلاسي، -رأس معلقة لفاني، -دقيق حسب الخليط، -3معالق كبار كاكاو، -1خميرة.
    الطريقة
    دائما دلكي الزبدة مع السكر بعدما تخدميها زيدي لفاني و البيض ثم الخميرة مع الدقيق خلطيها باليد و لا تدلكيها إلا بغيت تزيدي عليه كاكاو خذي قليل من الخليط بدون دقيق و زيدي عليه كاكاو ثم الدقيق يجب أن تكون خفيفة بعد ذلك طلقيها بالدلاك و قطعي دوائر بالبوق وضعي السوداء على البيضاء و دخلي للفرن ملي تنضج عمريها بالشكلاط الأبيض أو الأسود.
    قبل ما ديري الشكلاط دخليهم للفرن الساخن النار معتدلة الطاوة مدهونة و مرشوشة بعدما يطيبوا فنديهم في السكر كلاسي و عمريهم بالشكلاط أما العاديين بدون كاكاو المثقوبة دهنيها بأبيض البيض و فنديهم في اللوز المحمص بدون قشور المهرمش و دخليهم للفرن مع دوائر غير متقوبين.
    1ـ نطلق العجين الأبيض نضع عليه االأسود و قطعيهم دوائر و دخليهم للفرن بعدما يطيبوا دهنيهم بالشكلاط الأبيض وضعي فوقهم لوزة مقشرة محمصة و مغطوسة في الشكلاط.
    2ـ أما بالشكلاط بالألوان خذي الشكلاط الأبيض وزيدي عليه الألوان الأخضر أو الأحمر أو الأصفر وغطسي النصف في لون و النصف الآخر في لون آخر
    3ـ إما نعمل العجين بالشكلاط الكاكاو و الدوائر مثقوبين و عمريهم بالشكلاط الأبيض أو غير مثقوبين و نضع عليهم خطوط بالشكلاط الأبيض.
    طارطوليت بالفواكه (العصير) les tartelettes aux fruits
    لاباط صابلي:250غ دقيق، 125غ زبدة، أصفر بيضة، معلقة كبيرة سنيدة، رأس معلقة لفاني.
    الزبدة خدميها مع السكر ثم أصفر البيض و لفاني من بعد جمعي بالدقيق و لا تدلكيها.
    لاباط بريزي: 250غ دقيق، 100غ زبدة، كأس العنبة الماء، معلقة كبيرة سنيدة، رأس معلقة لفاني
    الزبدة مع السنيدة ثم الدقيق لفاني وجمعيها بالماء بارد و لا تدلكيها.
    دائما بعدما تخلطي لاباط وضعيها في الثلاجة لمدة نصف ساعة من بعد طلقيها و عمري القوالب العجينة رقيقة و دخليهم للفرن بعدما تثقبيها بالفرشاة النار مهيلة.
    لافارص بالليمون: كأس كبير الليمون، 3معالق كبار ميزينة ، ‍100غ سنيدة.
    الليمون معصر بارد زيدي مايزينة ثم السكر و لفاني مع التحريك المستمر في اتجاه واحد ثم فوق النار مهيلة ملي تعقد عمري طارطليت و زوقيهم بالفواكه.
    ناباج: (خذي ورقة الجيلاتين فزكيها في كأس الماء بارد) 5 معالق سنيدة مع معلقة كبيرة الحامض أو الليمون فوق نار مهيلة حتى يذوبوا مزيان طفي عليه عصري الجيلاتين من الماء و خلطيها حتى تدوب ثم خذي الشيتة و دهني الطارطليت مزيان. للإحتفاظ أسبوع كامل في الثلاجة.
    لافارص بالحليب: 500سل حليب، 4 معالق كبار بودرة باتيسيير، 4 معالق كبار سنيدة ، رأس معلقة لفاني.
    نصف الحليب بارد + بودرة باتيسيير + سنيدة + لفاني مع الحريك فوق نار هادئة حتى تعقد ثم طفي عليها بعد ذلك عمري طارطليت ثم زوقي بالعنب فريز بنان أناناس كيوي.
    بالميي بالشكلاط أتاي Palmier au chocolat
    المقادير:
    - 500غ عجينة مورقة، -200غ سنيدة، -2معالق كبار كاكاو.
    الطريقة
    طلقي العجينة بالدلاك دردري عليها سنيدة و حربليها من الوجهين و وضعيها في الثلاجة لمدة ساعة و نصف أما إلا كان الشكلاط دردريه مع سنيدة و لما تخرج من الثلاجة قطعيها و تبات في الطاوة حتى الصباح عاد دخليها للفرن.
    جينواز بالفلان العصير Génoise flannée
    المقادير
    - جينواز: 4بيضات، 125غ سنيدة، 125غ الدقيق، نصف معلقة صغيرة خميرة، رأس معلقة لفاني
    - الفلان: 2 ليتر حليب، 6 فلان صغار، سنيدة حسب الدوق، 2 أوراق الجيلاتين، الألوان حسب الرغبة أحمر أخضر أصفر الشكلاط، أما الفواكه لتزواق يكون اللون أحمر و أخضر.
    الطريقة
    الجينواز: خدمي بالباتور البيض مع سنيدة و لفاني حتى يرجع أبيض كالكريم، زيدي الخميرة و الدقيق ثم صبيها في طاوة مدهونة بالزيت و مرشوشة بالدقيق و دخليها لفرن ساخن النار مهيلة مدة الطياب كالكيك لا يفتح الفرن قبل 15د.
    الفلان: خذي ليتر حليب وضعي فيه 3بكيات الفلان السكر حسب الدوق حركي مزيان وهو بارد ثم وهو فوق النار بعدما يغلي 3 دقائق طفي عليه و برديه شوي ، زيدي عليه ورقة الجيلاتين ثم صبيه على الجينواز بعدما تكون بردات جيدا ثم ضعيه في الثلاجة يبرد. بعد ذلك اللتر الثاني برديه كالأول زيدي الجيلاتين ثم اسكبيه فوق الجينواز والفلان الأول و دخليها للثلاجة تبرد.
    حلوة عيد الميلاد (مونادا)
    المقادير
    - الجينواز: 250غ سنيدة، 10 بيضات، شوي الملح، 2لفاني، 2خميرة، 250غ دقيق.
    - لكريم: كيلو كريم فريش، 2لفاني، 250غ سكر كلاسي.
    - لاباط للتزيين : 250 غ لوز، 200غ سكر كلاسي، بيض البيض، 4معالق كبار فوندو الألوان: أحمر أخضر أصفر أزرق مع قليل من نسمة بيسطاش و الفريز، 250غ كركاع، 250غ اللوز بقشوره للزواق.
    - السيرو: كأس سنيدة صغير، كأس الماء بارد، حامضة مقسومة على 2 ، 1لفاني.
    الطريقة
    الجينواز: خذي بانيو وضعي فيه 10 بيضات مع الملح لفاني سنيدة و خدمي مزيان بالباتور فوق بانيو ثاني فيه الماء طايب ملي يطلع البيض زيدي الخميرة و الدقيق باليد قليلا قليلا ثم نصب الخليط في طاوة مدهونة و مرشوشة الفرن ساخن الناء معتدلة ملي تنضج قسميها غلى 2.
    لكريم: وضعي لكريم فريش في الثلاجة لمدة 5 ساعات ثم طربيه بالباتور في نفس الوقت زيدي شوي شوي السكر بعدما يطلع مزيان زيدي عليه لفاني ثم وضعيه في الثلاجة.
    لاباط للزواق: صلقي اللوز نشفيه وطحنيه مزيان مع السكر كلاسي إلى كان ناشف زيدي أبيض بيضة بعد ذلك عركيه مع 4 معالق فوندو كبار لكي تحصلي على عجين اللوز ثم قسمي العجين على 6 كويرات. اللون أزرق+ أحمر يعطيك لون بنفسجي. الأخضر مع نسمة البيسطاش ،الأحمر مع الفريز لكي تصنعي وريدات و أوراق الشجر.
    خذي النصف الأول من الجينواز سقيه بالسيرو ثم وضعي عليه لكريم فريش و دردري عليه الكركاع المهرمش ثم غطيه بالنصف الثاني ودهنيها بالكريم و أيضا الجوانب و عمريهم باللوز مقلي و مهرمش و أخيرا زوقيها بالوريدات و أوراق الشجر.
    كونفيزري (العصير)
    المقادير
    - 500غ لوز، -400غ سكر كلاسي، -أبيض البيض، -معلقة كبيرة فوندو، -100غ سكر كلاسي للعريك، -الألوان أحمر أخضر كاكاو، -125غ بيسطاش، -فيرميسيل، -250غ شكلاط أسود، -125غ شكلاط أبيض، -عقيقة بيضاء للزواق.
    الطريقة
    صلقي اللوز قشريه و طحنيه مع السكر كلاسي و زيدي عليه الفوندو و أبيض البيض عركيه مزيان في 100غ سكر كلاسي باش ما تلسقش في الطابلة ثم قسمي العجين على 4 أقسام:
    1) الأحمر خدميه مزيان مع القسم الأول و نسمة الفريز ثم ضعي ميكة على صينية و خرجي العجين بالبوق وخليه حتى ينشف ثم خذي الشكلاط الأبيض ذوبيه ثم ضعي قليلا بالملعقة و ضعي فوقه بالبوق العجين الأحمر و زوقيه بعقيقة بيضة.
    3) الأخضر خدميه مع القسم الثاني و نسمة البيسطاش ثم حربليه حرابل و قطعيه على شكل losange و دوائرغطسيهم في الشكلاط الأسود و زوقيهم بالبيسطاش صحيح و مهرمش.
    4) اللوز الأبيض طلقيه بالدلاك صبي عليه الشكلاط و حطي فوقه الأحمر مطلوق ثم صبي عليهالشكلاط أبيض و ضعي خطوطا بالالأسود و شرطيه بالسكين خليه يبرد ثم قطعيه على شكل مستطيلات.
    5) القهوي خذي العجين المتبقي زيدي ليه 2 معالق كاكاو و قطعي مربعات غطسيهم في الشكلاط و شرطيهم بالفرشيط و دردري عليهم الفيرمسيل.
    ماس أبان (أتاي) masse à pain
    المقادير
    - 250غ زبدة البنة، -كأس دانون عادي، -3معالق كبار سكر كلاسي، -معلقة كبيرة خل، -شوي الملح،
    - الحشوة: 125غ سنيدة، 250غ لوز، معلقة الحامض محكوك، معلقة كبيرة زبدة، نصف كأس الزيت، 3بيضات، 3معالق كبار سكر كلاسي، نصف معلقة خميرة.
    الطريقة
    عركي الزبدة مع دانون و السكر كلاسي و جمعي الكل مع الدقيق حتى تحصلي على عجين كالخبز لا تدلكيها ثم طلقيها بالدلاك وعمري بيها القوالب و دخليها للفرن النار مهيلة بعدما يطيبوا خليهم يبردوا. للحشوة خذي جميع المقادير في كاصرونة وطربيهم بالطراب اليدوي ثم ضعيها فوق نار مهيلة مع التحراك زيدي اللوز مصلوق و مقشر و مطحون مع السكر كلاسي حركي في اتجاه واحد حتى تظهر ليك قشرة بيضاء زيدي الخميرة ثم طفي عليها و عمري بيها القوالب ثم ضعي فوقهم اللوز مقلي و مهرمش و وركي عليهم باليد.
    كورني منقوشين (أتاي)
    نفس عجين الماس أبان طلقيها بالدلاك و قطعيها بالكأس و لويها على أصبعك حتى تحصلي على كورني. و دخليهم للفرن.
    للحشوة: 250غ لوز مصلوق ومطحون، -125غ سنيدة ، -شوي المسكة حرة، -معلقة صغيرة الزهر، -شوي الحامض محكوك ، -أبيض البيض حسب الخليط ثم عمري بيه الكورني و غطسيه في البيض و فنديه في اللوز مقلي ومهرمش.
    بوشيت بالكوك (القهوة) buchettes au coco
    المقادير
    - 250غ كوك، -100غ سنيدة، -4معالق كبار عسل، -3معالق كبار الزهر، -2 معالق صغار كاكاو، -150غ شكلاط أبيض، -100غ شكلاط أسود، -شوي العقيق للتزيين.
    الطريقة
    خذي كوكو طحنيه مزيان زيدي عليه سنيدة و كاكاو مغربل العسل الزهر و خلطي الكل في كاسرونة فوق نار مهيلة مع التحراك المستمر لمدة 8 دقائق بعد ذلك قلبيها فبل ما تبرد من الكاسرونة ثم حربلي حرابل غلاض و هي ساخنة وضعيهم في الثلاجة حتى يبردوا مزيان ثم وضعيهم فوق ميكة ، ذوبي الشكلاط و دهنيهم من فوق و الجوانب بالشيتة وخليهم يبسوا ثم دهني و خليهم يبسوا 3 أو 4 مرات ثم قلبي الحرابل و دهنيهم من تحت مرة واحدة ملي ينشف الشكلاط عاد قطعيهم لكي لا يتكسروا و زوقيهم بالعقيق و الكواغط.
    حلوة صغيرة صواري (العصير) Les petites soirées
    المقادير
    - العجينة: 500غ دقيق، -250غ زبدة، -100غ سكر كلاسي، -3صفر البيض، -شوي لفاني، -نصف معلقة خميرة.
    - الحشوة: 100غ لوز بقشوره، -100غ دقيق، -100غ سكر كلاسي، -رأس معلقة لفاني، -100غ زبدة، -3أبيض البيض.
    - لكريم: 250غ زبدة، -2بيضات صغار، -نصف كأس الحليب بارد، -نصف كأس الزيت، -100غ سكر كلاسي، -معلقة صغيرة لفاني، -2معالق صغار كاكاو، -معلقة الكونفيتير، -فيرمسيل، -شكلاط أسود، القوالب شكل دائري و طوال.
    الطريقة
    العجينة: دلكي الزبدة مع السكر زيدي صفر البيض لفاني و الخميرة جمعي الكل بالدقيق ثم طلقي العجينة بالدلاك و عمري القوالب و دخلي هم لفرن ساخن.
    طحني اللوز بقشوره غبرة دعكيه مزيان زيدي الدقيق السكر كلاسي لفاني زيدي الزبدة حاولي تجمعي بها الخليط ثم طربي البيض و خلطي الكل ثم عمري العجين في القوالب و دخلي للفرن الساخن النار مهيلة لا يفتح الفرن قبل 20 حتى 25د.
    الكريم: طربي الزبدة مع البيض و السكر بالباتور كبي شوي و طربي شوي الحليب و طربي حتى ينتهي الحليب و الزيت ثم لفاني وطربي حتى يطلع الكريم، قسميها على 4 و زيدي فيهم الألوان واحد أخضر مع النسمة البيسطاش و واحد أحمر مع النسمة الفريز و واحد بالكاكاو وواحد أبيض بعد ذلك وضعيهم في الثلاجة لمدة 6 ساعات، بعد ما يطيب العجين مع اللوز خليهم يبردوا ثم خذي لاسورنك و عمري العجين بالكريم الملون وضعي في وسطهم قليل من الكونفيتير.
    لكريم يمكن أن تخدميها بأبيض البيض أو بالأصفر أو بالحليب أو بهم جميعا.
    ميل فوي (العصير) Mille feuille
    المقادير
    - عجينة مورقة، -شوي اللوز مقلي، -3تفاحات، -لكريم باتسيير، -2 دوائر أناناس، -قليل الفوندو.
    الطريقة
    طلقي العجينة المورقة بالدلاك و قطعيها على 3 مستطيلات بعد ذلك تكيهم بالفرشيط و دخليهم للفرن نار عادية لكي يتحمروا بعد ذلك طلعي قليل من لكريم باتسيير و دهني بيها الطرف الأول مزيان وضعي عليه الطرف الثاني ثم ضعي لكريم ثم الطرف الثالث ثم دهني بالفوندو بعدما تكوني طلقتيه مع قليل من الماء فوق النار بعد ذلك قطعيها مستطيلات صغار.
    أما باقي العجينة طلقيها مزيان و قطعيها مستطيلات و دهني الجوانب بأبيض البيض و زيدي عليهم في الجوانب سميطات من العجينة إلى كان الزواق بالتفاح عمريهم بلكريم و زوقيهم بالتفاح شنانف و دردري عليهم سنيدة و زوقي الجوانب باللوز مقلي و مهرمش بالدلاك أما إلى كان أناناس لا يطيب قطعي العجينة و دهنيها بلكريم و دخليها للفرن حتى تنضج عاد ستفي أناناس أو البنان أو الفريز.
    ديليس بالكركاع (العصير القهوة) Les délices aux noix
    المقادير
    - 250غ الكركاع، -150غ كيك عادي، -3معالق كبار عسل، -2معالق صغار ممسوحين كاكاو حسب اللون المطلوب، -200غ شكلاط أسود، -عقيق للتزيين، -نصف معلقة لفاني، -كواغط طوال.
    الطريقة
    هرمشي الكركاع و زيدي العسل ثم جميع المقادير من بعد ما تحصلي على عجين عملي منه مستطيلات باليد ثم غطسيهم في الشكلاط مدوب حطي فوقهم عقيق للزواق وستفيهم فوق الميكة يجمدوا ثم ضعيهم في الكواغط.
    حلوة الوريقات (أتاي) Gateau feuillette
    المقادير
    - 250غ زبدة صحيحة، -100غ سنيدة، -بيضة، -حك دانون عادي، -رأس معلقة لفاني، -معلقة صغيرة خميرة، -500غ دقيق، -2 حتى 3 معالق صغار كاكاو، -100غ سنيدة.
    الطريقة
    دلكي الزبدة مع سنيدة زيدي داناب أو دانون مطرب مزيان باليد ثم البيضة لفاني والخميرة مع الدقيق، إدا أردتها سوداء قبل ما تزيدي الدقيق قسمي الخليط إلى 2 نصف خليه أبيض و نصف زيدي عليه الكاكاو عاد زيدي الدقيق اللازم للنصفين. عربدي العجين الأبيض و الأسود و لاصقيهم من الجنب و طلقيهم بالدلاك قليلا ثم قطعي بالمرشم ديال الوردة و قرصيهم من تحت باش تبان الوردة و فندي من وجه واحد بالسنيدة و ستفي في طاوة مدهونة ومرشوشة ثم دخلي للفرن.
    بسكوي بالشكلاط (قهوة عصير) Biscuits au chocolat
    المقادير
    - 250غ اللوز مطحون مزيان بقشورة، -250غ سنيدة، -250غ الزبدة، -2معالق صغار كاكاو، -نصف معلقة صغيرة خميرة، -رأس معلقة لفاني، -2 بيض، -من 300 حتى 400غ دقيق، -250غ شكلاط أسود، -100غ شكلاط أبيض.
    الطريقة
    خدمي الزبدة مع السكر مزيان ثم البيض لفاني و اللوز و الكاكاو و أخيرا الدقيق مع الخميرة جمعي العجينة و طلقيها بالدلاك و قطعيها بالطابع ثم دخلي الطاوة للفرن النار عادية بعدما تنضج ضعيها في الشكلاط الأسود وزوقيها بسطر من الشكلاط الأبيض في الوسط ثم شرطي بالفورشيط من فوق إلى تحت.
    حلوة باللوز ملون (أتاي) Buchettes aux amandes
    المقادير
    - 500غ لوز مصلوق مقشر و مطحون كالغبرة، -200غ سنيدة، -250غ شكلاط إما الأبيض أو الأسود، -3معالق كبار الزهر، -2معالق صغار كاكاو، عند الضرورة
    لون أحمر أخضر أصفر صومو بنفسجي.
    الطريقة
    خذي اللوز زيدي سنيدة و الزهر و لفاني ثم معكيه مزيان بعد ذلك قسميه على حسب الألوان المرغوب فيها، حربلي حرابل متوسطة الحجم و ضعيهم في الثلاجة بعد ساعة خذي اللون الأول طلقيه بالدلاك وضعي في وسطه اللون الثاني ثم حربلي الإثنين و ضعيهم فوق ميكة و دهني بالشكلاط بعد ما ينشف دهني المرة الثانية ملي ينشف قلبي و دهني القاع كذلك مرتين بعدما يجف قطعي بالسكين و ضعيهم في كويغطات طوال.
    كريصات فلورانتين (أتاي) Galettes florentines
    المقادير
    - كأس العنبة لوز أو كركاع، -كأس الفواكه الجافة "مع فيتاسي" إلى كان موجود، -كأس سنيدة، -نصف كأس زبدة مدوبة، -معلقة كبيرة كونفيتير الليمون، -معلقة صغيرة الليمون محكوك، -كأس و نصف دقيق ، -بيضة كبيرة، -نصف معلقة خميرة.
    الطريقة
    صلقي اللوز و قشريه و حكيه في الحكاكة الغليظة أما الكركاع قطعيه بالسكين ثم زيدي الدقيق مع جميع المواد الجافة بعد ذلك خلطي المواد السائلة مع سنيدة وطربيهم بالطراب اليدوي ثم خلطيه مع الخليط الأول بعد ذلك خذي برأس المعلقة الصغيرة وضعيهم متباعدين في طاوة مدهونة و مرشوشة و دخلي للفرن بعد النضج دهني القاع بالشكلاط الأسود و عند التقديم واحدة على القاع وواحدة على الوجه.
    المورانك فوري (أتاي) Meringues forêt
    المقادير
    - 3 أبيض البيض، -250غ سكر كلاسي، -رأس معلقة لفاني، -50 حتى 100غ لوز محمص بقشوره أو الكركاع.
    الطريقة
    خذي بانيو وضعي فيه أبيض البيض السكر كلاسي و لفاني وخدمي بالباتور مزيان حتى يطلع ثم ضعيه في الثلاجة حتى يبرد الباتور و خدميهم مرة ثانية حتى يطلع (تقلبي البانيو و لا يتهز) ، في الطاوة مدهونة و مرشوشة ستفي اللوز متباعد أو الكركاع ثم ضعي فوقهم الخليط بالبوش اليدوي ودردري عليهم فيرمسيل الشكلاط و دخلي للفرن الساخن النار مهيلة جدا باب الفرن نصف مفتوح مدة الطياب 30 حتى 45د عاد فتحي الفرن ملي تنضج حتي يبردوا عاد قلعيهم.
    طارطوليت بالمورانك (العصير) Tartelettes meringuées
    المقادير
    - العجينة: 250غ دقيق، -125غ زبدة، -كأس العنبة الماء ، -معلقة سنيدة، -رأس معلقة لفاني.
    - الحشوة: كأس كبير ليمون بارد، -3معالق كبار ميزينة، -100غ سنيدة، -قليل لفاني.
    - للتزيين: -2أبيض البيض، -125غ سكر كلاسي، -قليل لفاني طربيهم مزيان و دخليهم للثلاجة حتى تحتاجهم.
    الطريقة
    للعجينة خذي الزبدة دلكيها مع سنيدة و لفاني ثم الدقيق و جمعي بالماء و خليها ترتاح نصف ساعة في الثلاجة من بعد طلقيها بالدلاك و عمري بها القوالب بعدما تكيهم بالشوكة دخليهم للفرن ساخن النار مهيلة.
    للحشوة خذي الليمون بارد مع ميزينة سنيدة لفاني وخلطيهم مزيان ثم ضعيهم فوق نار مهيلة و حركي في نفس الإتجاه حتى يعقد. ملي تطيب لاباط عمري بالحشوة و ضعي فوقهم المورانك و دخليهم للفرن مرة ثانية لمدة 5 حتى 10دقائق.
    ميل فوي (العصير) Mille feuilles
    المقادير
    - للعجينة: -كيلو دقيق، -كيلو زبدة، -ربع كأس الخل، -شوي الملح، -كأس حتى كأس و نصف الماء.
    - الحشوة: -ليتر حليب بارد، 8 - معالق كبار سنيدة، 8 -معالق كبار ممسوحين لكريم باتيسيير، -معلقة صغيرة لفاني.
    - كلاساج: -500غ سكر كلاسي، -3معالق صغار كاكاو، -5معالق كبار حتى 6معالق الماء.
    الطريقة
    للعجينة: خلطي الدقيق مع الخل الملح جمعي بالماء وضعيها في الثلاجة لكي ترتاح ثم طلقيها بالدلاك و ضعي فيها الزبدة كالعجينة المورقة لابد ماتبات العجينة مقطعة في الطاوة و مثقوبة بالشوكة وفي الغد دخليها لفرن ساخن جدا ونار عادية. بعدما تكوني طيبتي 2 طراف وجدي لكريم: خذي الحليب ثم لكريم باتسيير سنيدة لفاني حركي وهو بارد ثم فوق نار مهيلة حركي في نفس الإتجاه حتى يعقد.
    للكلاساج: غربلي السكر كلاسي زيدي عليه 5معالق الماء إلى كان قاصح زيدي معلقة سادسة ثم خذي قليل من الخليط وخلطيه مع كاكاو.من بعد خذي طرف من لاباط طايب وبارد كبي عليه لكريم و ضعي عليه الطرف الثاني ثم دهنبه بالكلاساج البيضاء ثم خذي الكلاساج أسود و زوقي به شرائط من العرض بالسكين ثم تطلعي و تهبطي وتهبطي وتطلعي وبعد ما يبرد فيها لكلاساج عاد قطعيها طراف بعد ما تكوني حدقتي الجوانب.
    بيسكوي بالنيستلي (أتاي) Biscuits au néstlé
    المقادير
    - 250غ زبدة، -150غ سنيدة، -رأس معلقة لفاني، -نصف معلقة خميرة، -بيضة، -2معالق صغار عسل، -حك نيستلي، -500غ دقيق، -150غ شكلاط أبيض.
    الطريقة
    ضعي نيسلي في الكوكوط غطي عليه بالماء خليها تصفر 45د . دلكي الزبدة مه سنيدة و لفاني والخميرة زيدي البيضة و العسل جمعي بالدقيق وخليها ترتاح 15د ثم طلقيها بالدلاك و قطعيها بالطابع ، ستفيها في الطاوة مدهونة ومرشوشة و دخليها للفرن الساخن النار مهيلة لاتحمريهمش مزيان ملي يطيبوا حتى يبردوا عاد لصقيهم بنيستلي و دهنيهم بالشكلاط أبيض.
    الروشي بالشكلاط (القهوة العصير) Rochers au chocolat
    المقادير
    - 500غ كيك عادي، -150غ لوز مطحون بقشوره، -رأس ملعقة لفاني، -نصف حك نيستلي طايب، -2 حتى 3 معالق صغار كاكاو، -3 حتى 4 معالق كبار عسل، -200غ شكلاط أسود.
    الطريقة
    خذي نستلي فرتتي الكيك ثم زيدي اللوز مطحون و جمعي بالعسل بعد ذلك كوري وضعي في نستلي ثم في الشكلاط و ضعي فوقها عقيقة ملونة.
    كيك ماربري (القهوة) Cake marbré
    المقادير
    - 4بيض، -كأس و نصف سنيدة، -2 كيسان زيت، -كأس حليب، -4 حتى 5 كيسان دقيق، -4معالق كبار ممسوحين مايزينا، -3معالق صغار كاكاو، -رأس معلقة لفاني، -معلقة كبيرة حامض محكوك، -3معالق صغار خميرة.
    الطريقة
    خذي البيض مع سنيدة و لفاني و طربيه بالباتور مزيان ثم زيدي الزيت خلطي الحليب و مايزينا وحاولي تدخليه دائما طربي بالباتور من بعد زيدي الخميرة و أنت تطربي باليد من تحت إلى فوق ثم خذي قليل من العجين و خلطيه مع الكاكاو و الباقي زيدي عليه الحامض محكوك. في طاوة مدهونة ومرشوشة ضعي نصف الخليط الأبيض ثم صبي عليه الخليط الأسود و غطي بالباقي الأبيض و دخلي لفرن ساخن ونار مهيلة.
    ماكارون بالحامض (أتاي) Macarons citronnés
    المقادير
    - 4 أبيض البيض، -200غ سكر كلاسي، -150غ لوز مصلوق مقشر ناشف و مطحون مزيان، -2معالق حامض محكوك.
    الطريقة
    خذي نصف السكر وطربي بيه بيض البيض و النصف الثاني خلطي بيه اللوز ثم خلطي الكل من تحت إلى فوق شوي بشوي، في طاوة مدهونة و الكاغيط مدهون ضعي الخليط بالسورانك ودخلي لفرن ساخن جيدا نار مهيلة فرن نصف مفتوح ملي تنضج لصقي واحدة مع الأخرى إما بالشكلاط أو نستلي أو الكونفتير.
    الفقاص الفاسي (أتاي) Fekkas fassi
    المقادير
    - 6 بيضات، -كأس و نصف سنيدة، -كأس زيت، -كأس زبدة مذوبة، -200غ لوز مقطع، -100غ زنجلان، -معلقة صغيرة عامرة نافع غبرة، -معلقة كبيرة حتى 2 الزهر، -2معالق صغار خميرة، -دقيق حسب الخليط (كيلو دقيق).
    الطريقة
    خدمي البيض مع سنيدة بالباتور أو الباتور اليدوي ثم زيدي الزيت + الزبدة + الزهر + الزنجلان + اللوز + النافع + الخميرة + الدقيق مغربل شوي بشوي ثم حربلي حرابل عادية ستفيهم في طاوة مدهونة و مرشوشة و دخلي للفرن ساخن نار عادية يطيبوا نصف طايبة يبردوا قطعيهم و رجعيهم للفرن يتحمروا.
    كوفريت (العصير) Gaufrettes
    المقادير
    - 500غ عجينة مورقة، -لكريم، -ابيض البيض، -150غ كاكاو.
    الطريقة
    طلقي العجينة و قطعيها بالطابع المرغوب فيه دهنيهم بأبيض البيض طيبيها في فرن ساخن طاوة مدهونة. خليهم حتى يبردوا و لصقيهم بلكريم مخلط بالكاكاو و زوقيهم من فوق بالسورانك.
    الملوزة (أتاي)
    المقادير
    - 500غ لوز مصلوق وناشف، -3أصفر البيض، -200غ سنيدة، -نصف معلقة خميرة، -نصف كأس الزبدة مدوبة، -معلقة كبيرة حامض محكوك، -300غ سكر كلاسي.
    الطريقة
    طحني اللوز مزيان زيدي عليه البيض سنيدة الحامض الزبدة و الخميرة بعد ذلك كوريها كواري متوسطة الحجم و فنديها في السكر كلاسي و ستفي في طاوة مدهونة و مرشوشة ودخليها للفرن نار عادية. لا تتحمر.
    الفقاص بالفواكه الملونة (أتاي)
    المقادير
    - 300غ زبدة، -300غ سكر كلاسي، -150غ لوز، -150غ الفواكه ملونة، -4بيضات، -نصف معلقة خميرة، -رأس معلقة لفاني، -كيلو دقيق.
    الطريقة
    خدمي الزبدة مع السكر كلاسي مزيان من بعد زيدي البيض الخميرة لفاني اللوز والفواكه الملونة مقطعين أطراف صغار ثم الدقيق شوي بشوي ، حربلي حرابل متوسطين ثم الصينية مدهونة ومرشوشة لكي يبات في الكونجيلاتور 12 ساعة من بعد شغلي الفرن و في طاوة مدهونة و مرشوشة قطعيه مباشرة النار عادية لا يفتح الفرن قبل 15د.
    بسكوي بالملعقة Biscuits à la cuillère (glace)
    المقادير
    - 4 بيضات، -150غ دقيق، -150غ سنيدة، -رأس معلقة لفاني، -نصف معلقة صغيرة خميرة، -100غ سكركلاسي.
    الطريقة
    خذي أصفر البيض مع نصف السنيدة و لفاني و طربيه مزيان بالباتور حتى يطلع كلكريم بعد ذلك طربي بيض البيض مع النصف الثاني سنيدة حتى يطلع كالثلج بعد ذلك خلطي الخميرة مع الدقيق و دخليه مرة مع الأصفر مرة مع الابيض حتى نهاية الخليط ثم الطاوة مدهونة مع الكاغيط مدهون و خرجي بالسورانك متباعدين على الطول الفرن ساخن النار مهيلة و نصف مفتوح قبل ما دخليهم للفرن رشيهم بالسكر كلاسي.
    تريف باللوز (العصير) Truffes aux amandes
    المقادير
    - 250غ لوز محمص بالقشور، -50 غ سكر كلاسي، -300غ شكلاط الأسود، -50غ زبدة، -أصفر بيضة، -بالنسبة للزواق 50غ شكلاط أسود فيرمسيل، -50غ شكلاط أبيض محكوك رقيق.
    الطريقة
    ذوبي الشكلاط الأسود مع الزبدة في حمام ماريا و هو ساخن زيدي السكر و أصفر البيض و طربيهم باليد مزيان ثم زيدي اللوز مهرمش اتركيه يبرد ثم كوريه على شكل قالب السكر واحدة مردديها في الفيرمسيل و الأخرى في الشكلاظ أبيض محكوك إلى نهاية الخليط.
    غريبة بالكركاع (أتاي) Gateau au noix
    المقادير
    - 600غ كركاع منقي و مطحون، -نصف معلقة الخميرة، -3 بيض، -250غ سكر كلاسي + 250غ للتفناد.
    الطريقة
    طحني الكركاع مزيان خذي البيض زيدي عليه السكر كلاسي الكركاع الخميرة وخلطي الكل و خليه في الثلاجة حتى دهني الطاوة ورشيها بالدقيق ثم خذي الخليط عملي منو كويرات و فنديهم في السكر كلاسي من وجه واحد لا يفتح الفرن قبل 15د.
    ليدوم بالشكلاط (القهوة) Les domes au chocolat
    المقادير
    - 200غ شكلاط أسود، -150غ كاوكاو محمص مقشر و مطحون أو 150غ اللوز مطحون بالقشور، -150غ الزبدة، -3 البيض، -100 حتى 150غ سنيدة، -50غ دقيق، -200غ شكلاط أبيض، -100غ شكلاط أسود، -نصف معلقة الخميرة.
    الطريقة
    دوبي الشكلاط مع 2 معالق الزيت من بعد خدمي الزبدة مع سنيدة ثم خذي الباتور مرة زيدي بيضة مرة معلقة الدقيق و طربي مزيان ثم دخلي الكاوكاو المطحون و زيدي عليه الشكلاط مدوب ثم الخميرة و أنت طربي بالباتور. في طاوة مدهونة ومرشوشة صبي الخليط و دخليها للفرن الساخن النار مهيلة كالكيك بعد ذلك خرجيها وخليها حتى تبرد 4 ساعات و قطعيها على شكل ´´´´ثم خذي قليلا من كاوكاو مهرمش غليظ و زيدي عليه الشكلاط الأبيض و الأسود المدوب مع الزيت وغطسي فيه طريفات الحلوة و ضعي فوق ميكة حتى تنشف.
    كويغطات بالشكلاط (العصير) Caissettes au chocolat
    المقادير
    - 200غ شكلاط أسود، -50غ كركاع مهرمش، -50غ الفواكه الجافة، -200غ شكلاط أبيض، -شوي لفاني.
    الطريقة
    دوبي الشكلاط الأسود مع الزيت. دوبي الأبيض كذلك و اضيفي إليه لفاني مع الفواكه الجافة مقطعة أطراف صغيرة ثم زيدي الكركاع. دهني القوالب بالزيت وصبي قليلا من الشكلاط الأسود ملي يعقاد زيدي الأبيض بعد ما ينشفوا قلعيهم و ضعيهم في قوالب الكاغيط البيضاء.
    كاطو رولي (العصير) Gateau roulé
    المقادير
    - لاجينواز: 4- بيضات، -125غ سنيدة، -125غ دقيق، -رأس معلقة لفاني.
    - السيرو: -2كيسان الماء، -كأس سنيدة، -كأس الحامض أو الليمون، -رأس معلقة لفاني.
    - لكريم: -250غ زبدة، -2 بيضات صغار، -نصف كأس الحليب، -نصف كأس الزيت، -100غ سكر كلاسي، -معلقة صغيرة لفاني، -2 معالق صغار كاكاو للألوان.
    الطريقة
    الجينواز: خدمي البيض مع سنيدة ولفاني بالباتور ثم دخلي الدقيق باليد. صبي الخليط في الطاوة مدهونة مع الكاغيط مدهون ومرشوش الفرن ساخن والنار مهيلة بعد 10د لاأكثر و خرجيها.
    السيرو: ضعي في كسرونة الماء و سنيدة لفاني بعد ما يغلي مزيان طفي عليهم و زيدي كأس الليمون أو الحامض.
    لكريم: خذي الزبدة زيدي البيض و السكر وطربي بالباتور مرة زيدي الزيت و مرة الحليب إلى النهاية بعد ذلك زيدي لفاني.
    التزيين: خذي الجينواز و لويها في نفس الكاغيط خليها تبرد بعد ذلك أزيلي الكاغيط و دهنيها بالكونفيتير جيدا ثم لويها و مرمديها في السكر كلاسي مغربل أو اللوز مهرمش أو سنيدة.
    أما الجينواز بلكريم: خذي منديل فازك و معصر بعد ما طيب قلبيها الوجه تحت و لويها في المنديل التنية تحت حتى يبرد بعد ذلك سقيها بالسيرو و دهنيها بلكريم ثم لويها وسقيها مرة أخرى بالسيرو و دهنيها بلكريم من فوق.
    النوكا
    المقادير
    - 250غ كاوكاو أو 250غ لوز، -250غ سنيدة، -معلقة صغيرة الحامض معصر، -15غ زبدة ما يعادل معلقة صغيرة عامرة، -شوي لفاني.
    الطريقة
    بعد ما تحمصي كاوكاو مزيان قشريه و ملي يبرد طحنيه ، أما اللوز صلقيه و قشريه ملي ينشف حمصيه في الفرن و طحنيه ملي يبرد. في كاسرونة ضعي الحامض و الزبدة سنيدة ولفاني و فوق نار مهيلة حركي حتى يرجع اللون ذهبي ثم زيدي كاوكاو أو اللوز مع التحراك، دهني الطابلة جيدا بالزيت ثم صبي فوقها الخليط و طلقيه بالدلاك مدهون بالزيت و قطعي بالسكين على الشكل المطلوب.
    البراليني: بعد ما تسرحي العجين على الطابلة خليه حتى يبرد و يقصاح و فرتيه باليد أو يد المهراز طحنيه في مولينيكس ثم زيدي عليه 2 حتى 3 معالق صغار كاوكاو عامرين ثم جمعيها ب 2 حتى 3 أو 4 معالق كبار لكريم فريش غير مخدوم لاتدلكيها ثم كوريها كواري و غطسيها في الشكلاط الأبيض المدوب مع الزيت و زوقيها بالعقيقة أو حربليها حرابل دهنيهم مرة حتى 3 مرات بالشكلاط أبيض و بعدما ينشفوا قطعيهم و ضعيهم في الكواغط البيضاء.










    المملحات


    تقدم مع القهوة



    Les gateaux salés











    بريوات بالكبدة
    المقادير
    - 200غ كبدة، -400غ بصلة، -1خيزو كبيرة محكوكة، -معدنوس، -إبزار ، -ملح، -100غ فيرمسيل، -زبدة، - زيت، -750غ ورقة.
    الطريقة
    شلضي البصلة طريفات صغار قسميهم على 2 النصف الأول زيدي عليه الكبدة طريفات صغار + الزيت + الزبدة وضعيهم على النار يتشحروا ملي تطيب زيدي الملح الإبزار المعدنوس ثم تطفي العافية و صفيها من الزيت و خليها تبرد ثم طحنيها. كبي الماء طايب على الفرمسيل و خليها 10د ثم صفيها و قطعيها رقيقة، زيدي عليها النصف الثاني البصل وضعيها فوق النار مع الزيت و الزبدة خيزو محكوك رقيق ديها و جيبيها فوق العافية ثم طفي عليها صفيها من الزيت وخلطيها مع الكبدة بعد ذلك طوي البريوات مثلثات أو طوال و دخليهم للفرن الساخن على نار معتدلة.
    كاليت مالحين Les galettes salés
    المقادير
    - 500غ عجينة مورقة، -500غ بصلة، -150غ كاشير أحمر مقطع صغير، -150غ فرماج أحمر مقطع صغير، -إبزار، -زيت، -زبدة ملح، -البيض، -الحليب، -دقيق،
    الطريقة
    ضعي البصلة مقطعة في مقلاة مع معلقة كبيرة الدقيق فوق نار مهيلة مع شوي الزيت الزبدة و حركي حتى تنضج زيدي الملح الإبزار ثم صفيها من الزيت. طلقي لاباط و قطعيها دوائر حطي فوق كل واحدة الكاشير و الفرماج و البصل ثم ضعي فوق كل دائرة واحدة أخرى و سديها بأبيض البيض و دهنيها بالأصفر والحليب و دخليها للفرن الساخن و حرارة معتدلة.
    بريوات بالفرماج
    المقادير
    - 500غ الورقة، -250غ بصلة، -4 فرماج البقرة الضاحكة، -4 البيضات، -2 خيزو متوسطين محكوكين رقاق، -150غ فيرمسيل، -100غ زبدة، -معدنوس، -إبزار، -ملح، -هريسة.
    الطريقة
    خذي بصلة محكوكة في مقلاة مع شوي الزبدة فوق النار ديها و جيبيها ثم زيدي عليها خيزو زيدي الفرماج وحركي مزيان زيدي الملح الإبزار و الفيرمسيل مقطعة صغير بعد ذلك طربي البيض مع المعدنوس والإبزار و الملح وزيديه على الخليط زيدي لهريسة ثم طفي العافية و عمري لبريوات و ضعيهم في طاوة مدهونة دهنيهم بالزيت و الزبدة و دخليهم للفرن النار معتدلة.
    بيتزا كلاسيكية
    المقادير
    - كيلو العجينة مورقة، -كيلو البصلة، -كيلو مطيشة، -250غ فرماج محكوك، -ملح إبزار، -2حكاك طن، -زيتون أسود، -هريسة.
    الطريقة
    طلقي العجينة و تكيها بالشوكة و دخليها للفرن تطيب نصف الطياب. خذي البصلة مشنفة رقيقة مع معلقة دقيق في مقلاة زيدي الزبدة والزيت خليها تطيب زيدي الملح إبزار و طفي عليها ثم صفيها من الزيت. وفي ذلك الزيت طيببي مطيشة لي منقية و مقطعة طراف صغار حتى تشحر زيدي الملح إبزار و لهريسة و صفيها من الزيت وعمري لاباط، أولا ضعي البصلة ثم الطن و الفرماج محكوك و الزيتون أخيرا و دخليها للفرن لكي تتحمر.
    بات أشو Pâte à choux
    المقادير
    - 200غ دقيق، -200غ الماء، -100غ زبدة، -شوي الملح إبزار، -4 حتى 5 بيضات.
    الطريقة
    خذي كسرونة ضع000ي فيها الماء و الزبدة الملح الإبزار فوق النار حتى تدوب الزبدة و زيدي الدقيق النار مهيلة مع التحراك حتى تجمع كالكرة و طفي عليها و مرة مرة حركيها من بعد خذي الباتور و دخلي البيضة الأولى في العجين ثم خدمي باليد حتى تخدم مزيان ثم البيضة الثانية و حتى الخامسة و في الطاوة مدهونة ومرشوشة ضعي الخليط بالملعقة الكبيرة شوي شوي متباعدين لأنهم تيتنفخوا و دخلي للفرن الساخن جدا النار عادية لا يفتح الفرن قبل 20د.
    الحشوة
    المقادير
    - 500غ كروفيت، -250غ شامبينيون، -بصلة متوسطة مشلظة، -100غ زبدة، -زيت -ملح إبزار -الحامض، -مكعب كنور الحوت، -بيشميل.
    الطريقة
    ضعي الكروفيت في إيناء مع الماء الملح كنور والحامض فوق النار حتى يتصلق بعد ذلك قشريه وزيدي عليه الشامبينيون الزبدة الملح الإبزار في مقلاة على النار ديهم و جيبيهم ثم صفيهم من الزيت زيدي لهريسة. شلضي البصلة وضعيها في مقلاة مع الملح إبزار الزيت حتى تشحر وطفي عليها و صفيها من الزيت. جمعي الخليط كلو زيدي عليه البيشميل ثم حلي الباط أشو و عمريها بالخليط ثم سديها ودهني وجهها بالبيشاميل و دردري عليها الفرماج محكوك.
    المخامر معمرين
    المقادير
    - كيلو دقيق سبيسيال أو نصف كيلو سميدة و نصف كيلو فرص، -ملح، خميرة معجونة.
    الطريقة
    دلكي العجينة جيدا خليها تخمار في القصعة بعد ذلك طلقي العجينة بالدلاك و قطعي بالكأس ثم تخمر مرة ثانية وطيبيها في مقلاة "وجدة" وفتحيها من جنب و عمريها بالحشوة وسديها بالفرماج محكوك.
    الحشوة
    إما بمطيشة تكون على الشكل التالي: الكفتة -الهبرة -المخ -الكبدة -الطيحان -الكاشير -الصوصيص مع كيلو مطيشة نصف فلفلة خضراء -إبزار -ملح معدنوس تحميرة زيتون أخضر مقطع بصلة صغيرة -الفرماج أحمر.
    إما ب البيشميل: الدجاج -الكروفيت -الكلامار صلقي الكل و ديهم و جيبيهم في الزيت الزبدة الملح الإبزار، زيدي عليهم البيشميل و عمري المخامر ثم الفرماج محكوك.
    فطائر بالطن و البصلة
    المقادير
    - 500غ عجينة مورقة، -500غ البصلة، -نصف ملعقة هريسة -إبزار -ملح، -2 حكاك الطن، -100غ شامبينيون أو الزيتون أخضر مقطعين صغار.
    الطريقة
    قطعي البصلة شنانف و ضعيها في مقلاة مع الزبدة و الزيت و معلقة دقيق ملي تطيب زيدي الملح الإبزار ولهريسة صفيها من الزيت. طلقي لاباط بالدلاك و قطعيها دواور وعمريهم وطويهم على 2 أو قطعيهم طوال و عمريهم و طويهم على شكل كرواصات.
    دجاج بالشيبس
    المقادير
    - دجاجة كبيرة مقطعة على 4، -100غ الزبدة، -بكية شيبس، -الحامض الملح الإبزار.
    الطريقة
    خذي الدجاج و رقديه في الحامض المعصر مع الملح لمدة ساعة بعد ذلك ضعيه في مقلاة مع الزبدة فوق النار حتى يطيب نصف طيبة. خذي الشيبس و فرتيه باليد و ضعي فيه الدجاج ثم في طاوة مدهونة و الفرن ساخن خليه ينضج. يقدم مع الخضر.
    الكيش quiche
    المقادير
    - لاباط: -300غ دقيق، -نصف كأس الزيت الرومي والبلدي، -شوي الملح، -معلقة صغيرة ممسوحة الخميرة، -الماء باش تجمعي.
    - الحشوة: -250غ صدر دجاج أو نصف كيلو كروفيت، -500غ البصلة، -شوي الزبدة، -ملح إبزار هريسة.
    - البيشميل: -نصف ليتر حليب بارد، -50غ زبدة، -4 معالق مايزينا أو 3دقيق، -ملح إبزار الكوزة، -150غ فرماج محكوك للتزيين.
    الطريقة
    لاباط:خذي الدقيق و بسبسيه بالزيت و الملح و الخميرة ثم جمعي بالماء بارد بعد ذلك طلقيها بالدلاك و عمري القوالب تكيهم بالشوكة ودخليهم للفرن الساخن النار مهيلة أو عادية حتى ينضجوا و خليهم يبردوا.
    الحشوة: خذي مقلاة فيها زيت وزبدة فوق النار ثم البصلة مشلضة غليظة ديها و جيبيها حتى تطيب زيدي الملح الإبزار طفي عليها و صفيها من الزبت. نفس الزيت في مقلاة فوق النار مع صدر الدجاج مقطع شرائح ثم الملح إبزار لهريسة ملي تطفي عليهم صفي من الزيت ثم قطعي الدجاج طريفات صغار كالمعدنوس.
    البيشميل: الحليب البارد مع ميزينة الإبزار الملح الكوزة الزبدةمع التحراك فوق النار حتى تعقاد و طفي عليها.
    خلطي الجميع و عمري بيهم لاباط.
    بريوات بالكفتة
    المقادير
    - كيلو الورقة، -500غ كفتة، -ورقة سيدنا موسى، -500غ بصلة، -100غ الزبدة شوي الزيت، -ملح إبزار هريسة، -100غ فيرمسيل.
    الطريقة
    عادية إلا أن الكفتة و البصلة بعدما يطيبوا كل واحدة بمفردها جمعي الإثنين و طحنيهم بالمطحنة الكهربائية.
    بيتزا أمريكية
    المقادير
    - العجينة: -300غ دقيق، -نصف كأس الزيت مخلط رومي و بلدي، -شوي الملح، -معلقة صغيرة الخميرة، الماء باش تجمعي.
    - الحشوة: -كيلو مطيشة، -زيت رومي و بلدي، -تحميرة، -الإبزار، -المعدنوس، -الملح، -150غ كاشير محكوك، -100غ فرماج محكوك، -شوي الزيتون أسود.
    الطريقة
    العجينة: جمعي المقادير بالماء لا تدلكيها و اتركيها ترتاح من بعد طلقيها بالدلاك و عمري القوالب ، تكيهم بالفورشيط و دخليهم للفرن الساخن يطيبوا نصف طيبة.
    الحشوة: قطعي مطيشة مقشرة أطراف صغار بدون زريعة ضعيها في المقلاة فوق النار مع الزيت و جميع التوابل قبل ما تطفي عليها زيدي المعدنوس ثم شحريها و طفي. عمري بها القوالب و دخليهم مرة ثانية للفرن بعد ذلك زيدي الفرماج و الكاشير و الزيتون ثم الفرن للمرة الثالثة 5د و خرجيها.
    كورني مالحين Cornés salés
    المقادير
    - كيلو عجينة مورقة، -500غ كروفيط، -150غ بصلة، -نصف حك الفكيع champignons -500غ حوت أبيض، -بيشميل، -150غ فرماج محكوك.
    طريقة
    طلقي لاباط رقيقة بالدلاك و قطعيها على شكل كورني و دخليهم يطيبوا في الفرن.
    صلقي الكروفيت مع كنور و شوي الملح و نقيه، الحوت أبيض بخريه و نقيه من الشوك و الجلدة، قطعي الفكيع أطراف صغار و خلطيه مع الكروفيط و الحوت أبيض. حكي البصلة غليظة معها الزبدة و الزيت وشحريها زيدي الملح الإبزار، ديها و جيبيها ثم خلطي الكل مع البيشميل و عمري الكورني و غمسي راسهم في الفرماج محكوك.
    سيكار بالدجاج و الشعرية الصينية
    المقادير
    - نصف دجاجة، -500غ بصلة، -شوي القزبور و المعدنوس، -شوي الثوم، -الزيت مخلط، -ملح -إبزار -سكين جبير -الحامض محكوك، -5بيضات، -750غ الورقة، -150غ شعرية صينية.
    الطريقة
    ضعي الدجاج في الطنجرة مع الزيت الإبزار سكينجببير القزبور مدقوق الثوم نصف مقادير البصلة مشلفة الحامض محكوك وشحريهم فوق النار، زيدي البصلة المتبقية ديها و جيبيها ثم زيدي كأس و نصف الماء ملي تنشف مزيان خذي الدجاج و نقيه من العظام، صلقي الشعرية بالماء طايب و زيديها هي و الدجاج على الخليط ، حمري الكل مزيان ثم أضيفي 5 البيضات ملي تنشف العقدة اطفي النار وعمري الورقة سيكار يطيبوا في الفرن.

    Pâte à choux


    Ingrédients:


    - 1dl d'eau,


    - 50g de beurre,


    - 100g de farine,


    - 3 ou 4 œufs selon la grosseur,


    - Sel.


    Confection


    Sur le feu, mettre dans une casserole l'eau froide, beurre, et le sel bouillir puis jeter la farine et retirer du feu en remuant vivement, la pâte se détache puis remettre sur feu tout en remuant pour dessécher la pâte. Retirer du feu puis ajouter les œufs 1 à 1, la pâte devient molle. Pour la cuisson four entreouvert.



    Langue de chat: 25 pièces, 10mn


    100g de sucre, 60g de farine, 40g de beurre, 2 blancs d'œufs, vanille.


    Monter les blancs en neige, mélanger avec précaution sucre puis farine vanille et beurre fondu à peine tiède. Presser avec poche à douille des bâtonnets de 5 mm de diamètre et 5 cm de longs sur une tôle beurrée et farinée puis mettre au four chaux. Enlever de la tôle dés la sortie du four.

    ميل فوي بالكروفيط mille feuille
    المقادير
    - 250غ دقيق، -250غ زبدة، -بيضة، -معلقة كبيرة الخل، -الملح إبزار معلقة كبيرة الموطارد -طرف من الزبدة العبار -معلقة كبيرة سنيدة -معدنوس الزيت الثوم الكوزة، -100غ كورنيشون مطحون، -Les 5 épices -البيشميل، -100غ فرماج محكوك، -750غ كروفيط منقي، -12كروفيط بالقشور للتزيين، -4 بتي سويس أزرق أو 250غ جبن.
    الطريقة
    عجني لاباط و طلقيها 4 مرات واتركيها ترتاح في الثلاجة و حضري الحشوة.
    في مقلاة ضعي المعدنوس الزيت التومة les 5 épices حكة الكوزة وشحري الجميع فوق النار ثم زيدي الكروفيط المنقي و خليه حتى يطيب بعد ذلك صفيه من الزيت اللي تقلى فيه الكروفيط بالقشور. خذي بتي سويس في بانيو أو الجبن + 2 معالق بيشاميل بعد ما تحضري الكوزة محكوكة ملح إبزار والكروفيط المنقي وخلطي الكل. طلقي لاباط و قطعيها إلى 3 مستطيلات تكيها بالشوكة و دهني الطاوة بالماء ثم ضعي الطرف الأول الفرن ساخن النار عادية بعد ما تطيب طيبي الأطراف الباقيين. أخيرا خذي الخليط الأول و صبيه في الطرف الأول و ضعي عليه الطرف الثاني ثم خذي باقي البيشميل و خلطيها مع الفرماج المحكوك و عمري بها الطرف الثاني ثم ضعي الطرف الثالث ودهنيه بالبيشميل وحتى الجوانب الأربعة و ضعي في الأركان الكروفيط المقلي بالقشور و غربلي عليه التحميرة و زوقي بالمعدنوس.
    بصطيلة بالحوت
    المقادير
    - 2كيلو كروفيط، -2كيلو ميرلان، -كيلو و نصف كلامار، -350غ فرماج أحمر محكوك، -250غ شعرية صينية، -250غ البصلة، -شوي المعدنوس، -750غ الورقة، -نصف كأس الحامض، -4ضرس الثوم، -250غ الزبدة، -ملح إبزار لهريسة، -2معالق صغار الصوجة.
    الطريقة
    الحوت:
    الكروفيط: نقيه و ضعيه في مقلاة فوق النار زيدي عليه الملح شوي الزبدة إبزار شوي البصلة محكوكة لهريسة وشحريه ملي ينشف زيدي عليه الحامض معصر و طفي عليه.
    الميرلان: غسليها مزيان و فوريها في الكسكاس ثم قشريها ونقيها من الشوك و الجلدة و رشيها بالحامض و الملح م الإبزار.
    الكلامار: غسليه مزيان قطعيه دواور زيدي الملح الإبزار الزبدة وصلقيه حتى يطيب و صفيه.
    الشعرية الصينية: ضعي معها 2 ضروس الثوم مقشرين و كبي الماء طايب ثم صفيها و قطعيها مع الثوم.
    شلضي باقي البصلة غليظة و شحريها في مقلاة مع الملح الإبزار ملي تنشف زيدي لهريسة و المعدنوس مقطع رقيق ديهم و جيبيهم ثم طفي بعد ذلك حكي الفرماج و أخيرا ضعي الورقة مدهونة بالزيت جيدا ضعي أولا الشعرية ورشيها بالفرماج ثم طبقة الميرلان ورشيها بالفرماج الكلامار ورشيها بالفرماج ثم الكروفيط والفرماج و غطي بالورقة المدهونة ثم دهنيها بالزيت مزيان و دخليها للفرن الساخن النار عادية.
    يمكن أن تعوضي الميرلان بأي نوع من الحوت الأبيض.
    بصطيلة بالدجاج و اللوز 12 شخص
    المقادير
    - 2كيلو دجاج، -750غ حتى كيلو اللوز مصلوق مقشر ناشف مهرمش، -كيلو و نصف بصلة، -8بيضات، -شوي -الملح -الإبزار -القرفة عواد -معلقة الحامض محكوك -شوي القزبور والمعدنوس مقطع -سكين جبير السمن زعفران، -750غ الورقة، -شوي القرفة مدقوقة -سكر كلاسي، -100غ زبدة -الزهر -الزيت.
    الطريقة
    غسلي الدجاج قشريه قطعيه أطراف صغار ثم زيدي عليه الملح الإبزار سكين جبير الزيت البلدي قزبور معدنوس الثوم البصلة مشلضة خرقوم محكوك الحامض السمن القرفة عواد ثم ضعيه فوق النار يطيب و يتشحر النار مهيلة من بعد خذي الدجاج و عواد القرفة وخلي التشرميلة زيدي البصلة مقطعة صغيرة وديها وجيبيها في ليدام زيدي عليها قطرة الماء وخليها حتى تنشف ثم هرسي عليها البيض واحدة واحدة في وسط الطنجرة فوق التشرميلة النار مهيلة حركيه حتى يرجع أطراف. أما اللوز بعدما طحنيه زيدي عليه الزبدة أطراف نصف كأس حتى كأس الزهر شوي السكر كلاسي القرفة مدقوقة و دلكيه.
    دهني الطاوة بالزيت و ستفي عليها قليل من الورقة ودهنيها مرة أخرى بالزيت وضعي فوقها الشرمولة ثم الدجاج مقطع طريفات صغار مرة أخرى الورقة و دهنيها بالزيت ثم اللوز مهرمش ثم الورقة مدهونة بالزيت و أخيرا جمعيها مزيان و دهني بالزيت ودخليها للفرن هي تطيب و أنت تدهني.حتى تنضج.
    بيتزا بفواكه البحر
    المقادير
    - لاباط: -500غ دقيق، -بيضة، -نصف كأس زيت، -3معالق كبار لكريم فريش، -نصف معلقة الخميرة، -كأس الحليب، -قرصة الملح.
    - الحشوة: -كيلو مطيشة، -إبزار ، -ملح، -500غ كروفيط منقي، -500غ كلامار مقطع دواور، -حك صغير الفكيع، -150غ فرماج محكوك، -نصف معلقة صغيرة الزعتر.
    الطريقة
    بسبسي الدقيق بالزبدة و لكريم فريش زيدي البيضة الملح الخميرة و جمعي بالحليب، خليها ترتاح. قطعي مطيشة و شحريها مع الإبزار الملح و الثوم زيدي الكروفيط والكلامار مصلوق في الماء الملح الإبزار الثوم و الزبدة ثم عمري لاباط ودخليها للفرن الساخن النار عادية بعد ما تطيب زيدي الفرماج من فوق و دخليها مرة أخرى للفرن مدة 5د.











    GLACE















    أثناء تحضيرها يجب أن يكون المطبخ باردا.


    تقدم في آخر الطعام (DESSERTS)



    كلاص بالشكلاط (12 شخص)
    المقادير
    - حك الحليب مسوس، -250غ لكريم فريش، -4بيضات كبار أو 6 صغار، -250غ سنيدة، -100غ لوز محمص يالقشور و مطحون، -3 معالق صغار كاكاو، -معلقة كبيرة لفاني.
    الطريقة
    قسمي سنيدة و لفاني على 4، ضعي الحليب في الثلاجة لمدة نصف ساعة على الأقل.
    1. خدمي مزيان الحليب مع سنيدة ولفاني
    2. خدمي مزيان لكريم مع سنيدة و لفاني
    3. خدمي مزيان أبيض البيض مع سنيدة و لفاني
    4. خدمي مزيان أصفر البيض مع سنيدة و لفاني
    كل خليط بعد الخدمة ضعيه في الثلاجة بعد ذلك خلطي 1 مع 2 باليد و 3 مع 4 أيضا، بعد ذلك خلطي الكل باليد و قسمي على ثلاثة. الأول يبقى على ما هو عليه، الثاني خلطيه مع الكاكاو و الثالث مع اللوز و قليل من الكاكلو و ضعيهم في الفريكو لمدة 4 حتى 6 ساعات.
    انتباه: إلى كان أي واحد من الثلاجة فيه حبات الثلج و الماء خلطيه من جديد بالشوكة و رجعيه للثلج.
    بافاغوى بالفواكه (14 شخص) Bavarois au fruits
    المقادير
    - لكريم: -250غ لكريم فريش، -500غ الخوخ أو المشماش أو الفريز أو شهدية أو أناناس مطحونين، -4 بيضات، -250غ حتى 300غ سنيدة، -معلقة صغيرة لفاني، -9 أوراق جيلاتين.
    - لاباط: فوري نوار : -5 بيضات، -كأس و نصف حتى 2 كيسان سنيدة، -كأس و نصف الزبدة مدوبة مع الزيت، -3 كيسان دقيق، -3 معالق صغار الخميرة، -4 معالق صغار كاكاو، -نصف معلقة صغيرة لفاني.
    - الكيك: -3 بيضات، -10 معالق كبار الزيت و الزبدة، -10 سنيدة، -10 حليب ، 12 دقيق، -3 معالق الخميرة، -شوي لفاني.
    الطريقة
    طيبي الفوري نوار أو الكيك في الطاوة مدهونة و مرشوشة النار مهيلة حضري لكريم.
    قسمي سنيدة على 4:
    1. طلعي لكريم فريش مع سنيدة بالباتور ثم الثلاجة.
    2. طربي أبيض البيض مع سنيدة و لفاني بالباتور ثم الثلاجة.
    3. طربي أصفر البيض مع سنيدة ولفاني بالباتور ثم الثلاجة.
    فزكي الجيلاتين في الماء بارد ثم ضعيها في كأس العصير سخون ملي يذوبوا زيديهم على العصير المتبقي مع سنيدة المتبقية (4/1) و طربي بالباتور ثم لا تضعيه في الثلاجة.
    خلطي 2 و بعد ما طربيهم 3 قليلا ثم خلطيهم باليد من تحت إلى فوق، زيدي عليهم الخليط 1 (لكريم) من تحت إلى فوق أضيفي الفاكهة كذلك من تحت إلى فوق و أخيرا صبي الخليط على الفوري نوار أو الكيك و دخلي للثلاجة لمدة 8 ساعات بعد ما تزوقيها بالفواكه المقطعة على الشكل المرغوب فيه و دهني بالناباج.
    كلاص ملفف Glace enrobé
    المقادير
    - 500غ لكريم فريش، -4 بيضات، -300غ سنيدة، -حك بوريسيما كبير، -500غ فريز مطحون، -معلقة كبيرة ممسوحة لفاني، -ملون: أحمر أخضر.
    الطريقة
    قسمي سنيدة و لفاني على أربعة.
    1. طربي لكريم فريش مع سنيدة ولفاني.
    2. طربي أبيض البيض مع سنيدة و لفاني.
    3. طربي أصفر البيض مع سنيدة و لفاني.
    4. طربي بوريسيما بعد ما وضعتيه في الثلاجة مع سنيدة و لفاني.
    بعد ما طربي كل واحد ضعيه في الثلاجة، ثم خلطي أبيض البيض مع الأصفر باليد من تحت إلى فوق وخلطي لكريم مع بوريسيما أيضا باليد و من تحت إلى فوق ثم خلطي الكل باليد من تحت إلى فوق. قسمي الخليط إلى 2 النصف الأول ضعي فيه الفريز المطحون و اللون الأحمر والنصف الثاني ضعي فيه اللون الأخضر (إلى كان بالشكلاط النصف الأول بالكاكاو و الثاني أبيض) و دخلي للكونجيلاتور على الأقل 4 ساعات من بعد خرجيها و طلقيها بالفورشيط و خذي قالب طويل ضعي فيه الخليط الأخضر في الجوانب و الأحمر في الوسط ثم دخليه للكونجيلاتور مرة أخرى. ملي تخرجيها من الثلج دخلي سفود حتى القاع باش يدخل الهواء عاد حيديه من القالب.
    كلاص فاشران (14 شخص) Glace vacherin
    المقادير
    - حك بوريسيما كبير، -5بيضات، -500غ لكريم، -300غ سنيدة، -معلقة صغيرة لفاني، -3 معالق صغار كاكاو، -250غ مورانك، -اللون الأصفر.
    المقادير
    ضعي بوريسيما في الثلج، قسمي سنيدة على 4 .
    1. طربيه مع بوريسيما و لفاني.
    2. طربيه مع لكريم و لفاني.
    3. طربيه مع أبيض البيض و لفاني.
    4. طربيه مع أصفر البيض و لفاني.
    خلطي بوريسيما مع لكريم و أبيض البيض مع أصفر البيض باليد ومن تحت إلى فوق ، ثم خلطيهم معا و قسميهم على 3 الأول اتركيه أبيض الثاني زيدي عليه اللون الأصفر و الثالث خلطيه مع الكاكاو ثم ضعيهم في الثلج لمدة ساعتين لا أكثر. خذي قالب صبي الأبيض واغرسي فيه المورانك ثم صبي الأصفر ثم الأسود بعد ذلك دخليه للكونجيلاتور ليلة كاملة و في الغد قلبيه في طبق التقديم و زينبه بالمورانك.
    كلاص بالفريز (12 شخص)
    المقادير
    - حك بوريسيما كبير، -5بيضات، -500غ لكريم فريش، -300غ سنيدة، معلقة كبيرة لفاني، -250غ فريز مطحون، -دانون الفريز، -الألوان.
    الطريقة
    قسمي سنيدة ولفاني على 4
    1 طربيه مع بوريسيما و لفاني.
    2 طربيه مع لكريم و لفاني.
    3 طربيه مع أبيض البيض و لفاني.
    4 طربيه مع أصفر البيض و لفاني.
    خلطي بوريسيما مع لكريم و أبيض البيض مع أصفر البيض باليد ومن تحت إلى فوق ، ثم خلطيهم معا و ضعي الخليط في الكونجيلاتور لمدة 4 ساعات ثم طحني الفريز مع دانون و اللون الأحمر وضعيه في الثلاجة . خذي قالب طويل و ضعي فيه قليلا من الخليط الأبيض بعدما تخدميه مرة ثانية ياليد ضعي قليلا من الفريز بالملعقة هكذا إلى نهاية الخليطين و دخلي الكونجيلاتور ليلة كاملة.
    بافاروا بالفرماج الأبيض (كيك ماربري)
    المقادير
    - 250غ لكريم فريش، -400غ فرماج أبيض أو الجبن المسوس أو 4 جوكي مسوس مع كأس الحليب بارد، -4 البيضات، -معلقة صغيرة لفاني، -300غ سنيدة، -6أوراق الجيلاتين (12غ بودرة الجيلاتين).
    الطريقة
    قسمي سنيدة مع لفاني.
    1. طربيه مع الجبن أو الفرماج أو جوكي.
    2. طربيه مع لكريم.
    3. طربيه مع أبيض البيض.
    4. طربيه مع أصفر البيض.
    بعد ما تخدمي كل واحد ضعيه في الثلاجة ثم فزكي أوراق الجيلاتين في الماء و في ربع كأس الماء دافىء ضعي الأوراق المفزكين فوق النار حتى يدوبوا برديهم مزيان وزيدي عليهم أصفر البيض بالباتور طربي جيدا و أضيفي أبيض البيض باليد . خلطي لكريم مع الجبن باليد بعد ذلك خلطي الكل. في المول ستفي الكيك مقطع في القاع و الجوانب و كبي الخليط ثم دخلي للثلاجة على الأقل 8ساعات.
    يمكن أن تضعي الألوان المرغوب فيها بعدما تكوني خلطتي الجميع و قسمتيه على 2.
    شاغلوط بالشكلاط
    المقادير
    - لكريم 1 : -500غ بسكوي بالملعقة، -3بيضات، -250غ كريم فريش، -200غ سنيدة، -معلقة صغيرة لفاني.
    - الكريم 2 : -نصف ليتر حليب، -4 معالق كبار لكريم باتيسيير، -4 معالق سنيدة، -رأس معلقة لفاني، -100غ شكلاط أسود، -3 معالق كاكاو.
    الطريقة
    حضري لكريم 2 هو الأول، خذي الحليب بارد زيدي عليه لكريم سنيدة لفاني و حركي مزيان ثم ضعيه فوق النا مهيلة حتى يعقاد و طفي عليه. قسميه على 2 الأول خليه يبرد و الثانب زيدي عليه الشكلاط أسود و أنت تحركي حتى يدوب الشكلاط وضعيه جانبا. ثم حضري لكريم 1 : قسمي سنيدة مع لفاني على 3:
    1. طربيه مع لكريم فريش
    2. طربيه مع أبيض البيض
    3. طربيه مع أصفر البيض
    بعد ذلك خلطي 2 مع 3 وزيدي لكريم باتيسيير الأسود و أضيفي لكريم فريش ثم غربلي الكاكاو و خلطيه معاهم شوي شوي و ضعي الخليط في الكونجيلاتور 5 ساعات. أما بالنسبة لكريم باتيسيير الباقي أضيفي عليه 2 بيضات من 50غ حتى 100غ سنيدة.
    طربي أبيض البيض مع نصف سنيدة ثم طربي أصفر البيض مع نصف سنيدة بعد ذلك خلطي الأبيض مع الأصفر مع لكريم باتيسيير باليد و ضعيهم في الكونجيلاتور 5 ساعات ثم خرجيهم من الكونجيلاتور و معكيهم بالشوكة أو بالباتور. خذي البسكوي و قلبيهم على وجههم في صينية و سقيهم بقليل من الحليب و القهوة مخلطين بالشيتة و لصقيهم في قاع المول و الجوانب ثم كبي الخليط الأول و زيدي عليه الثاني و ضعيه في الكونجيلاتور ليلة كاملة بعد ذلك قلبيها في الطبسيل و زوقيها بالشكلاط الأسود الدائب.
    موس بالأناناس (10 أشخاص)
    المقادير
    - 500غ أناناس مطحون أو الخوخ أو الفريز الأناناس فيه كأس العصير، -500غ لكريم فريش، -4 بيضات، -6 أوراق الجيلاتين أو 15غ بودرة الجيلاتين، -250غ سنيدة.
    الطريقة
    قسمي سنيدة على 3 :
    1. خدميه مع أبيض البيض
    2. خدميه مع أصفر البيض
    3. خدميه مع لكريم فريش.
    بعد ذلك خذي كأس العصير بعد ما تكوني طحنتيه مع كأس العنبة من الماء الموجود فيه ضعيه في كسرونة و سخنيه ثم فزكي أوراق الجيلاتين في كأس الماء و ضعيهم في العصير سخون حتى يدوبوا ثم خذي الميكسور و خلطي فيه العصير سخون مع البارد ثم خلطي الخليط الأول البيض مع أصفر البيض باليد دخلي لكريم فريش و أيضا العصير من فوق إلى تحت و فرقيه في الزلايف صغار و دخليه للثلاجة لمدة 8 ساعات.
    موس بالليمون و الشكلاط (7 أشخاص)
    المقادير
    - 250غ الشكلاط، -200غ لاموس 50غ للتزيين، -4 البيضات، -ليمونة كبيرة، -50غ الزبدة، -2 معالق كبار سنيدة.
    الطريقة
    خذي الليمونة و ضعيها في بانيو الماء طايب حكيها بالشيتة مزيان ثم حكيها في الحكاكة الرقيقة و احتفظي بالمحكوك وعصريها. من بعد خذي 200غ الشكلاط و دوبيه مع الزبدة ثم خذي أصفر البيض و زيدي عليه سنيدة و خدميه بالباتور جيدا قشرة الليمون المحكوك و العصير بالباتور، دخلي الشكلاط المذوب بعد ما يبرد قليلا و خدميه مع الخليط بالباتور وأخيرا خدمي أبيض البيض كالثلج و دخليه مع الخليط من تحت إلى فوق باليد ثم ضعيه في الزلايف و دخليه في الثلاجة لمدة 3 ساعات و عند التقديم حكي عليه 50غ الشكلاط و قليل من قشرة الحامض المحكوك من فوق.
    شاغلوط بالفريز (12 شخصا)
    المقادير
    - 24 قطعة بسكوي بالملعقة، -500غ لكريم فريش، -4 البيضات، -500غ فريز مطحون، -300غ سنيدة، -معلقة صغيرة لفاني، -250غ لكريم باتيسيير، -2 كيسان صغار الحليب، -2 معالق كبار غبرة باتيسيير، -2 معالق كبار سنيدة، -رأس معلقة لفاني.
    الطريقة
    حضري لكريم الأول، خلطي الحليب البارد مع غبرة باتيسيير سنيدة لفاني ثم ضعي الخليط فوق النار حتى يعقاد و طفي عليه بعد ذلك طحني الفريز مع دانون و لفاني و شوي اللون الأحمر، قسمي سنيدة مع لفاني على 3:
    1. طربيه بالباتور مع أصفر البيض
    2. طربيه مع أبيض البيض
    3. طربيه مع لكريم فريش.
    4. خلطي الأبيض مع الأصفر و خلطي لكريم مع الفريز ثم خلطي الكل و زيدي عليهم لكريم فريش و دخليهم للكونجيلاتور 4 ساعات بعد ذلك خدميه مرة أخرى بالشوكة أو الباتور. ستفي البيسكوي في المول و كبي الخليط و دخليه للكونجيلاتور ليلة كاملة.












    إضافة



    داناب DAN'UP
    المقادير
    - 4 ليتر الماء 2 باردين 2 طايبين جيدا -فوطة مفزكة بالماء طايب -بوديزة 5 ليتر -500غ نيدو -500غ سنيدة -2 دانون فاني -معلقة كبيرة ممسوحة لفاني ما يعادل 4 البكيات.
    الطريقة
    ضعي 2 ليتر الماء بارد في بانيو كبير نيدو داناب خلطيه بالباتور ضعيه في البوديزة بالدواز بعد ذلك ضعي سنيدة في البانيو صبي عليها 2 ليتر الماء طايب تذوب سنيدة و صبي الخليط في البوديزة مرة واحدة و لوي عليها الفوطة و غطيها جيدا لمدة 4 ساعات ثم يمخض 5 مخضات و يبرد.
    رايبي
    المقادير
    - 9 كيسان الماء طايب و بارد -3 كيسان نيدو -2 دانون -معلقة لفاني -2 و نصف مقروط السكر
    الطريقة
    ضعي الماء في بانيو ثم السكر دانون الحليب و طربي بالباتور صبيه في الزلايف و دخليه للفرن بعد تسخينه لمدة 20د و هذه العملية تكرر 3 مرات (الفرن طافي).
    كونفيتور ماندرين
    المقادير
    - كيلو ليمون -900غ سنيدة -نصف كأس الحامض معصر.
    الطريقة
    قشري الليمون بعد غسله جيدا و احتفظي بنصف القشرة مقطعة التي تضعينها في الماء لمدة ليلة كاملة و في الغد أزيلي الماء و صبي عليها ماء جديدا ثم صلقيهم لمدة 10د . الليمون محلول أطراف ضعي عليه الماء و غليه 10د ضعي عليه القشور طيبي الخليط و طحنيه في طحانة مطيشة غليظة + سنيدة و طيبيه على نار مهيلة و في النهاية ضعي الحامض.

    الكريصات
    المقادير
    - كيلو دقيق كاطو و زلافة سبيسيال -كأس و نصف الزيت -كأس و نصف سنيدة -شوي النافع مطحون خذي الغليظ من التغربيلة -نصف كأس الزهر -2 معالق الخميرة الحلوى -شوي خميرة معجونة -شوي الملح شوي الزنجلان
    الطريقة
    خلطي الكل عادي ثم دلكي و رشي بالماء الدافىء حتى تطلق العجينة ثم ضعيها تخمر مغطاة لمدة ساعة تقريبا في طنجرة مدهونة بالزيت بعد ذلك قطعيها مقجوجة و ضعيها في طاوة مدهونة تضرب قليلا و غطيها تخمر لمدة ساعة بعد ذلك دهنيها بأصفر البيض وملعقة الحليب (مطرب) و ضعي فوقها الزنجلان و دهنيها بالبيض و الحليب مرة ثانية.
    عجينة مورقة
    المقادير
    - كيلو دقيق -ربع كأس الخل -نصف كأس زيت -بيضة واحدة أو 2 صغار -شوي الملح -كأس كبير حتى كأس و نصف الماء -500غ زبدة
    الطريقة
    خلطي كل العناصر إلا الزبدة و ضعيها في الثلاجة لمدة 10د بعد ذلك طلقيها بالمدلك و قطعي عليها الزبدة بأكملها و طلقيها المرة الأولى و جمعيها ثم دخليها للثلاجة و هذه العملية تكرر 4 مرات دائما تطلق على الطول من تحت إلى فوق.
    عصير باناشي
    المقادير
    - ليتر و نصف عصير ليمون -نصف ليتر الماء -250غ سنيدة -250غ بنان -250غ تفاح -250غ فريز -250غ أناناس -250غ بامنبليموس.
    الطريقة
    يطحن الجميع في طحانة كهربائية.
    عصير الليمون خيزو البنان أو الخوخ
    المقادير
    - ليتر عصير الليمون -4 خيزو كبار مقشرين مصلوقين مع الماء ديالهم -2 بنانات كبار
    -2خوخات كبار -السكر على حسب الذوق.
    الطريقة
    يطحن الكل في طحانة كهربائية.
    عصير الفريز التوت
    المقادير
    - ليتر الحليب -250غ الفريز -4 معالق كبار كريم فريش -4 معالق سنيدة.
    الطريقة
    يطحن الكل بالطحانة الكهربائية.
    عصير الليمون التفاح البنان
    المقادير
    - ليتر عصير الليمون -كأس الماء -2 تفاحات 2 بنانات -السكر على حسب الدوق.
    الطريقة
    يطحن الكل بالطحانة الكهربائية.
    سيتروناد
    المقادير
    - 600غ سنيدة -3 ليتر الماء -6 حامضات كبار -2 ليمونات كبار.
    الطريقة
    بعدما تحكي الحامض و الليمون زيدي عليهم الماء و سنيدة فوق النار حتى تطلع الغلية و الكشكوشة و طفي عليهم، صفيهم و خليهم يبردوا و خلطيهم بعصير بالليمون و الحامض.


    كونفيتير الدلاح
    المقادير
    كيلو قشور الدلاح مكرط بالسكين، -نصف ليتر الماء، -سكر حسب الذوق.
    الطريقة
    ضعي الكل في الكوكوط فوق النار لمدة نصف ساعة و بعدما يبرد طحنيه في الطحانة اليدوية.
    عصير الخوخ
    المقادير
    - كيلو الخوخ، -ليتر و نصف الماء، -كأس سنيدة.
    الطريقة
    قشري الخوخ و زولي لعظم وضعيه في كوكوط لمدة 10د فوق النار و طفي عليه ملي يبرد طحني
    الكاشير
    المقادير
    - 4 بيضات -ضرس الثوم ما يعادل ملعقة الثوم مدقوق -3 فرماج لافاش كيري -3 معالق كبار دقيق -معلقة لاموطارد -نصف كأس الزيت -شوي الملح -شوي الإبزار -شوي معدنوس -ملون أحمر -100غ كفتة أو يمكنك الإستغناء عنها -معلقة لهريسة.
    الطريقة
    طحني الكل ثم ضعي الخليط في 2 أكياس بلاستيك و طيبيهم في الطنجرة لمدة 30 دقيقة ثم ضعيه في كاغيط الألومنيوم و دخليهم للثلاجة.
    الحرشة
    المقادير
    - كيلو سميدة رقيقة -3 بكيات خميرة -5 معالق كبار نيدو غبرة -100غ زبدة و كملي بالزيت.
    الطريقة
    خدمي السميدة بالزبدة و كملي بالزيت ثم نيدو و الخميرة الماء دافىء تكون خفيفة بعدما تكون المقلاة حامية دردري عليها السميد و كرصي فيها الحرشة النار معتدلة. حمريها من الوسط ثم قلبيها على جميع الجوانب.
    دنجال فارسي
    المقادير
    - كيلو دنجال،- 3 بيضات، -100غ حتى 150غ فرماج الأحمر، -نصف كأس زيت العود، -شوي الكمون -الفلفلة حمرة -هريسة -إبزار ثوم -الملح -معدنوس.
    الطريقة
    قطعي الدنجال على 2 و خلي ليه العود ، خويه من الداخل و بخريه و احتفظي بالقلب. القلب قطعيه قطع صغيرة و ضعيه في مقلاة مع جميع العناصر إلا المعدنوس حركي حتى يطيب و زيدي المعدنوس و البيض من بعد ستفي الدنجال المبخر و ضعيه في طاوة مدهونة عمريه بالخليط و حكي عليه الفرماج و دخليه للفرن.
    العسل
    المقادير
    - 2 قوالب السكر -4 كيسان كبار الماء -كأس كبير الزهر -2 حامضات معصرين -2 ليمونات معصرين -و القشور.
    الطريقة
    خذي صريرة فيها الزعتر فليو النافع أتاي القرفة عواد القشور ضعيه فوق النار حتى يصفار و طفي عليه ثم كبي عليه كأس صغير الماء البارد.
    كوكلي مع البريوات
    المقادير
    - 4 دجاجات كوكلي -250غ شعرية صينية -2 بصلات كبار -شوي الزيت رومي و بلدي شوي إبزار الملح الزعفران سكينجبير قزبور معدنوس الثوم حامض معصر و محكوك.
    الطريقة
    غسلي الدجاج بالملح و الحامض و الدقيق بعد ذلك كبي الماء طايب على الشعرية لمدة 10د و صفيها و قطعيها طريفات صغار. خذي مقلاة فيها شوي الزيت و الزبدة و البصلة محكوكة لما تنضج زيدي عليها الشعرية و ديها و جيبيها فوق النار ثم الإبزار و الملح و المعدنوس و طفي عليها. بعد ذلك حكي بصلة واحدة زيدي عليها جميع التوابل مع قشور الحاض محكوك ، و شرملي الدجاج بقليل من الشرمولة و عمريه بالشعرية و خيطيه. خذي طاوة و شلضي فيها البصلة المتبقية و الزيت البلدي و الرومي و قليل الزعفران الرومي وشرمولة و ضعي فيه لقشاوش الدجاج صحاح حتى يتقلاوا و يطيبوا و صفيهم و قطعيهم طريفات صغار زيدي عليهم شوي الزيتون الأخضر مقطع صغير و عمري بيهم الورقة بريوات صغار و قليهم في الزيت. بعدما يطيب الدجاج صفيهم و دهنيهم بالموتارد و دخليهم للفرن في طاوة مدهونة.
    التقديم: الدجاج في طبسيل و ستفي البريوات فوق الدجاج و الشرمولة في جوانب الطبسيل.

    الطيحان
    المقادير
    - 250غ كفتة، -250غ هبرة، -100غ شعرية صينية، بطاطا كبيرة محكوكة، -بصلة محكوكة ، -قزبور و معدنوس مدقوقين معصرين خذي الماء ديالهم -لهريسة -زيتون بلا عظم كامون إبزار ملح -3 ضرس الثوم -4 بيضات مصلوقين.
    الطريقة
    صلقي الشعرية و قطعيها صغيرة، ضعي في مقلاة قليل من الزيت الزبدة البصلة محكوكة ديها و جيبيها فوق النار و زيدي عليها الإبزار الملح الشعرية ملي يتشحروا طفي عليهم و صفيهم من الزيت. ثم ضعي في مقلاة قليل من الزيت و الزبدة الهبرة أطراف صغار جدا ملي يطيبوا زيدي عليهم الكفتة و ديها و جيبيها فوق النار زيدي البطاطا محكوكة بعد ذلك زيدي الخليط الأول و باقي التوابل ، ملي يطيبوا زيدي الزيتون بلا عظم و أخيرا عمري الطيحان على الشكل التالي قليل من الخليط بيضة قليل من الخليط إلى النهاية و أخيطيه ثم ضعيه في ورق ألومنيوم و دخليه للفرن لمدة ساعة و نصف بعدما يطيب دهنيه بالزبدة و الموتارد و رجعيه يتحمر.


    كالامار
    المقادير
    - من 6 حتى 7 كالامار مغسول -500غ كروفيط مقشر و مصلوق -كيلو مطيشة -بصلة كبيرة -5 بيضات -معدنوس -100 فرماج محكوك -معلقة صغيرة مطيشة الحك - 100غ فيرميسيل مصلوقة و مقطعة -100غ زبدة.
    الطريقة
    في مقلاة ضعي البصلة مشلضة شوي الزبدة فوق النار ديها و جيبيها زيدي الشعرية الملح الإبزار و طفي عليهم و صفيهم. ثم في مقلاة على النار ضعي الزيت الزبدة و الكروفيط ديهم و جيبيهم حتى يطيبوا و ينشفوا من الماء زيدي الملح الإبزار و زيدي عليهم الخليط الأول و طفي النار. خذي البيض مع المعدنوس و طربيه مزيان و ضعيهم مع الخليط الأول و ضعيهم فوق النار حتى يطيبوا مزيان و طفي النار و قسميهم على حسب عدد الكالامار و عمري بيهم و خيطيهم ثم ستفيهم في الطاوة المدهونة بعد ما تنقي مطيشة و قطعيها صغيرة جدا و زيد عليهم مطيشة الحك و الثوم و التحميرة و صبيه على الكالامار في الطاوة . بعدما يطيب و ينشف خذي الكالامار مع مطيشة ضعيهم في طاوة مدهونة و زيدي عليهم باقي لاسوس و حكي عليهم الفرماج و دخليه مرة أخرى للفرن.
    رغايف معمرين
    500غ دقيق مع الملح و الخميرة، خلطي بالماء دافىء و دلكي مزيان قطعي كويرات صغار و خليهم يرتاحوا.
    الحشوة: 4/1 كرعة خضراء 4/1 خيزو 4/1 بصلة إبزار ملح هريسة المعدنوس. حكي الكرعة و خيزو في حكاكة غليظة ثم شلضي البصلة غليظة. ضعي الزبدة في مقلاة مع الخضر فوق النار ديهم و جيبيهم، زيدي المعدنوس الإبزار الملح لهريسة ، ملي يطيبوا طفي النار. ذوبي الزبدة و الزيت وطلقي العجين واحدة واحدة ثم ضعي في قلب الأولى شرمولة، ضعيها بدورها في قلب الأخرى إلى نهاية العجينة فدهني كل الرغايف بالزبدة و الزيت و دخليهم للفرن.
    سبرديلة
    المقادير
    - 500غ الزبدة، معلقة كبيرة سنيدة، معلقة صغيرة خميرة مدوبة في الماء دافىء، دقيق حسب الخليط.
    الطريقة
    دلكي الزبدة مع سنيدة زيدي الخميرة و الدقيق. جمعي العجين و طلقي بالدلاك و قطعي بالطابع OUNLE و مرمديها في سنيدة من جهة واحدة و ستفي في طاوة مدهونة ومرشوشة و دخليها للفرن ساخن و النار مهيلة ملي تطيب لصقيها بالنستلي طايب أو لكريم فريش.
    كيك بالقهوة
    المقادير
    - 3 البيض ، -زلافة سنيدة، -كأس و نصف الزيت، -بكية كوبيل صغيرة، -2لفاني، -2خميرة، -2 زلايف دقيق، -زلافة القهوة مقطرة.
    الطريقة
    خلطي أصفر البيض سنيدة الزيت كوبيل لفاني و خدميهم بالباتور، زيدي زلافة القهوة مقطرة، + خميرة + دقيق. خدمي أبيض البيض كالثلج و دخليه مع الخليط باليد ثم صبي الكل في طاوة مدهونة و مرشوشة . النار مهيلة ملي تنضج زوقيها بالسكر كلاسي أو قسميها على 2 و عمريها بلكريم فريش.
    الشعرية المدفونة
    المقادير
    - 500غ شعرية رقيقة، -500غ الهبرة أو دجاجة، -500غ البصلة، -معدنوس، -السمن، -زعفران الحر والرومي، -إبزار، -سكينجبير، -القرفة عواد، -زيت بلدي و رومي مخلط ، -250غ لوز مصلوق مقلي مهرمش.
    الطريقة
    دهني الشعرية بالزيت و حطيها تفور ملي تفور حلها و رشيها بالماء بعدما تشرب دهنيها مرة أخرى ثم فوريها، كرري هذه العملية 4 مرات في كل مرة غطي الكسكاس بالميكة.
    قطعي اللحم أو الدجاج أطراف صغار ثم شلضي عليه البصلة غليضة و المعدنوس الملح إبزار السمن سكينجبير الزيت القرفة الزعفران فوق النار شحريهم مزيان ثم زيدي كأس و نصف الماء وخليه يطيب حتى يشرب الماء و طفي عليه، سخني الشعرية في الكسكاس و دهنيها بالزبدة و فرشي تفريشة بعد ذلك ضعي الدجاج غطي بالشعرية ثم الدجاج و أخيرا غطي بالشعرية و زوقي باللوز و القرفة غبرة.
    الضلعة محشوة
    المقادير
    - ضلعة فيها 4 كيلو، -كيلو الهبرة مقطعة صغيرة، -250غ كبدة، -100غ فيرميسيل،
    - 250غ بصلة، -قزبور و معدنوس مطحون و معصر، -حامضة مرقدة، -أطراف الزيتون بلا عظم، -معلقة القزبور يابس، -معلقة الكمون، -إبزار، -ملح، -سكينجبير، -زعفران الحر، -الثوم، -معلقة كبيرة السمن أو الموتارد.
    الطريقة
    خلطي ماء القزبور معصر مع نصف البصلة محكوكة ثم جميع التوابل، بعد ذلك جرحي الضلعة بالسكين و شرمليها بالخليط.
    خذي الهبرة و الكبدة مقطعين زيدي عليهم القزبور و المعدنوس البصلة الحامض مقطع أطراف صغار السمن و العطرية و شحريهم فوق النار حتى تدوب البصلة عاد زيدي كأس الماء ، خليها حتى تنشف من الماء ثم طفي عليها، زيدي على شرمولة الزيتون المقطع و الشعرية، خلطي الكل و عمري الضلعة و خيطيها ، غلفيها في ورق الألومنيوم و ضعيها في الطاوة مع نصف ليتر الماء على نار عادية عندما تنضج تقدم مع الموالح ك: البيتزا، باتاشو، إلى آخره.
    البينيي
    المقادير
    - زلافة و نصف دقيق سبيسيال، -بيضة، -معلقة كبيرة الزيت، -معلقة كبيرة الزيت،
    - 3معالق كبار سنيدة، -ملح، -معلقة صغيرة خميرة، -2 معالق خميرة معجونة، -معلقة قشور الحامض محكوك، -رأس معلقة لفاني.
    الطريقة
    خلطي كل العناصر بالماء دافئ ثم دلكي العجين و خليه حتى يخمر. طلقيها بالدلاك شوي غليظة و قطعي بالكأس، يخماروا مرة ثانية ثم قليهم في الزيت. قدميهم عاديين أو عمريهم بالكريم باتيسيير أو الكونفيتير.

    صوبا بالحوت
    المقادير
    - 250غ كروفيت، -250غ كالامار، -250غ ميرلان، -رأس الحوت الفرخ، -قبطة القزبور و المعدنوس، -100غ فيرميسيل، -2 بطاطات كبار، -خيزو واحدة كبيرة
    - 2 بصلات مشلضين، -3بيضات، -100غ زبدة، -ضامة كنور الحوت، -نصف كأس الحامض، -ملح، -إبزار.
    الطريقة
    صلقي الكروفيط مع الميرلان برأسها الملح معلقة الحامض، احتفظي بالماء و نقي الكروفيط و زولي رأس الميرلان نقيها أيضا و فرتيها، خذي الكالامار مع الزبدة و الزيت و الماء حتى يطيب و قطعيه أطراف صغار. الماء لي احتفظت به زيدي عليه بصلة مشلضة البطاطا و خيزو مقطعين صغار القزبور و المعدنوس الملح و الإبزار ملي تطيب الخضر زيدي عليها الشعرية مصلوقة و مقطعة الحوت مقطع و أخيرا طربي البيض مع الحامض و ضوري بهم الصوبا.
    Langue de chat
    المقادير
    - 4 بيضات، -كأس و نصف سنيدة، -كأس الزيت، -كأس الزبدة مذوبة، -معلقة قشرة الحامض محكوك، -رأس معلقة لفاني، -2خميرة، -دقيق حسب الخليط، -100غ سنيدة للتزيين.
    الطريقة
    طربي البيض و سنيدة ولفاني بالباتور ثم زيدي الزيت الزبدة الحامض الخميرة و الدقيق شوي شوي حتى ترجع عجينة مرخوفة ثم حربلي على شكل أصابع و فنديهم في سنيدة من جهة واحدة و ستفيهم متباعدين في طاوة مدهونة و مرشوشة و دخليهم لفرن ساخن و العافية مهيلة من 25 حتى 30د.
    فقاص عاشورة
    المقادير
    - كيلو دقيق، -4 بيضات، -كأس الزيت، -نصف كأس الزبدة، -كأس الحليب، -معلقة كبيرة النافع -نصف كأس الزهر، -2خميرة، -خميرة معجونة، -كأس و نصف سنيدة، -كأس الزنجلان مطحون.
    الطريقة
    طربي البيض مع سنيدة زيدي الزبدة الزيت الزهر الحليب الخميرة معجونة بعد ما تكوني حلتيها مع شوي الملح، بعد ذلك خلطي الدقيق الخميرة النافع الزنجلان و أضيفي الجميع مع الخليط الأول و حربلي حرابل رقاق خليهم يخماروا و قطعيهم صغار في طاوة مدهونة ومرشوشة و دخلي لفرن ساخن نار عادية.
    Les petits fours au coco
    المقادير
    - كيلو كوك، -20أبيض بيض، -،نصف كأس ليمون معصر، -600غ سكر كلاسي أو سنيدة.
    المقادير
    خدمي أبيض البيض مع السكر بالباتور عادي زيدي الليمون و الكوك و ضعيهم فوق نار مهيلة و أنت تحركي حتى يتعلك ثم خليه يبرد في طاوة مدهونة ومرشوشة بالكاغيط ستفيهم باليد أو السورانك و دخلي لفرن ساخن نلر مهيلة.
    صابلي مالحين
    المقادير
    - كيلو دقيق، -كأس ناقص الزيت، -كأس الزبدة، -بيضة، -بكية خميرة، -4فرماجات،
    - معلقة كبيرة ممسوحة إبزار، -معلقة ممسوحة ملح، -كأس كبير الحليب بارد، -بيضة للزواق، -الفرماج محكوك.
    الطريقة
    في بانيو ضعي الدقيق الفرماجات الإبزار الملح الزيت الزبدة و الخميرو، جمعي الخليط بالحليب، تحصلين على عجينة مرخوفة دون دلكها. بعد ذلك قسميها كواري صغار، طلقي كل واحدة بالدلاك ثم طويها على 4 واتركيها ترتاح بعد ذلك طلقيها مرة ثانية و في المرة الثالثة دهنيهم بالبيض مطرب و رشيهم بالفرماج محكوك ثم قطعيهم على الشكل المرغوب فيه و ستفي في طاوة مدهونة و مرشوشة و دخلي للفرن الساخن نار عادية.


    الجبن
    المقادير
    - ليتر الحليب البقرة طايب و دافئ، -2فنيدات للترواب مدقوقين كالغبرة.
    الطريقة
    خلطي الفنيد مع الحليب و خليه ليلة كاملة و في الغد صفيه في الفاصمة
    بسكوي مالح
    المقادير
    - كأس كبير لبن (رابعة)، -500غ زبدة، -شوي الملح، -2 أصفر البيض للدهين، -100غ فرماج محكوك، -دقيق حسب الخليط.
    الطريقة
    خلطي الكل و اتركيه في بانيو ليلة كاملة في الثلاجة و في الغد طلقيها و رشيها بالفرماج المحكوك و قطعيها بالطابع وستفي في طاوة مدهونة و مرشوشة. النار عادية.
    ماكارون بالكوك
    المقادير
    - 4 بيضات، -200غ سكركلاسي، -500غ كوك، -بكية لفاني.
    الطريقة
    طربي أبيض البيض و السكر كالثلج أضيفي إليه الكوك و لفاني، في طاوة مدهونة ستفي الخليط بالسورانك اليدوي و دخلي للفرن نصف مفتوح النار مهيلة.
    Salade URSS
    المقادير
    - المايونيز.
    مقادير و كيفية تحضير المايونبز: 3- بيضات، -شوي الخل، -معلقة لاموتارد، -ملح، -إبزار. طربي بالطراب الكهربائي مع إضافة الزيت شوي شوي دائما مع التطريب إلى أن يتضاعف حجمه و يقصاح ثم دخليه للثلاجة.
    - 2 حكاك الطن مصفيين من الزيت، -زلافة خيزو مقعع أطراف صغار و مصلوق في الماء و الملح، كذلك بالنسبة لبطاطا اللوبية جلبانة، كل مادة صلقيها لوحدها. جميع الخضر زيدي عليها 2 حتى 3 مايونيز + الطن خلطي مزيان ثم ضعي الخليط في حك دائري ضعيه بدوره في ميكة و اضغطي عليه شوي ثم غطيه و دخليه في الثلاجة عندما يبرد قلبيه في صحن التقديم و زينيه بالمايونيز الطن قشور مطيشة الكورنيشون الذرة.

    :: الـتــوقــيـــع ::


  2. #2
    تاريخ التسجيل
    Apr 2009
    الدولة
    مملكة الاحزان
    المشاركات
    461
    شكراً
    32
    شكر 51 مرات في 21 مشاركات
    الله يعطيك العافية

    :: الـتــوقــيـــع ::


  3. #3
    تاريخ التسجيل
    Apr 2007
    المشاركات
    1,277
    شكراً
    0
    شكر 42 مرات في 26 مشاركات
    تسلمى حبيبتى على المجهود الرئع

    :: الـتــوقــيـــع ::

    احباب عمرى الله يبارك فيكم

  4. #4
    تاريخ التسجيل
    Dec 2009
    الدولة
    ))في أعمأإأإأإأإق قــلبهـ ((
    المشاركات
    256
    شكراً
    23
    شكر 19 مرات في 3 مشاركات
    تسلمي أختي ,,

    حلويييين

    :: الـتــوقــيـــع ::


المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •